ಕೆಎನ್ಎನ್ ಸ್ಪೋರ್ಟ್ಸ್ ಡೆಸ್ಕ್: ಭಾರತ ಹಾಗೂ ಇಂಗ್ಲೆಂಡ್ ನಡುವೆ ನಡೆಯುತ್ತಿರುವಂತ 3ನೇ ಟೆಸ್ಟ್ ಪಂದ್ಯಾವಳಿಯಲ್ಲಿ ರವೀಂದ್ರ ಜಡೇಜಾ ಅವರು ಭರ್ಜರಿ ಶತಕವನ್ನು ಭಾರಿಸಿದ್ದಾರೆ.
ರಾಜ್ಕೋಟ್ನಲ್ಲಿ ಟಾಸ್ ಗೆದ್ದ ರೋಹಿತ್ ಶರ್ಮಾ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಧ್ರುವ್ ಜುರೆಲ್ ಮತ್ತು ಸರ್ಫರಾಜ್ ಖಾನ್ ಪಾದಾರ್ಪಣೆ ಮಾಡಲಿದ್ದು, ಮೊಹಮ್ಮದ್ ಸಿರಾಜ್ ಮತ್ತು ರವೀಂದ್ರ ಜಡೇಜಾ ತಂಡಕ್ಕೆ ಮರಳಿದ್ದಾರೆ. ಶೋಯೆಬ್ ಬಶೀರ್ ಬದಲಿಗೆ ಮಾರ್ಕ್ ವುಡ್ ತಂಡದಲ್ಲಿ ಸ್ಥಾನ ಪಡೆದಿರುವುದರಿಂದ ಇಂಗ್ಲೆಂಡ್ ತಂಡದಲ್ಲಿ ಕೇವಲ ಒಂದು ಬದಲಾವಣೆ ಮಾಡಲಾಗಿದೆ. ಸರಣಿಯು 1-1ರಲ್ಲಿ ಸಮಬಲದಲ್ಲಿದ್ದು, ಸರ್ಫರಾಜ್ ಖಾನ್ ಮತ್ತು ವಿಕೆಟ್ ಕೀಪರ್ ಧ್ರುವ್ ಜುರೆಲ್ ಅವರಂತಹ ಇಬ್ಬರು ಚೊಚ್ಚಲ ಆಟಗಾರರನ್ನು ಒಳಗೊಂಡಿರುವ ಅನನುಭವಿ ಮಧ್ಯಮ ಕ್ರಮಾಂಕವು ಅನುಭವಿ ಆಟಗಾರರ ಅನುಪಸ್ಥಿತಿಯಲ್ಲಿ ಮೇಲೇರಬಹುದು ಎಂದು ಭಾರತ ಆಶಿಸಿದೆ.
ಇಂದು ರಾಜ್ ಕೋಟ್ ನಲ್ಲಿ ಭಾರತ-ಇಂಗ್ಲೇಟ್ ನಡುವಿನ 3ನೇ ಟೆಸ್ಟ್ ಪಂದ್ಯಾವಳಿಯ ವೇಳೆಯಲ್ಲಿ, ಕಳೆದ 10 ನಿಮಿಷಗಳಲ್ಲಿ ತೀವ್ರ ಕುತೂಹಲವೇ ಮೂಡಿತ್ತು. 99 ರನ್ ಪೇರಿಸಿದಂತ ರವೀಂದ್ರ ಜಡೇಜಾ ಅವರು ಶತಕ ಭಾರಿಸುವುದನ್ನೇ ಎದುರು ನೋಡುತ್ತಿದ್ದಂತ ಕ್ರಿಕೆಟ್ ಪ್ರೇಮಿಗಳಿಗೆ, ಇಂಗ್ಲೆಂಡ್ ಬೌಲರ್ ಗಳು ಅಷ್ಟು ಸುಲಭವಾಗಿ ಬಿಟ್ಟುಕೊಡಲ್ವೇನೋ ಅನ್ನಿಸಿತು. ಅದರ ನಡುವೆಯೂ 99 ರನ್ ಗಳಿಸಿದಂತ ಅವರು, ಆ ನಂತ್ರ ಮತ್ತೊಂದು ರನ್ ಪೇರಿಸಿದರು. ಮೈದಾನದಲ್ಲಿ ಟೋಪಿಯನ್ನು ಹೊರಗೆ ಎಸೆಯುವ ಮೂಲಕ, 100 ರನ್ ಗಳಿಸಿ ಭರ್ಜರಿ ಶತಕವನ್ನು ಭಾರಿಸಿದರು.
ನಾಯಕ ರೋಹಿತ್ ಶರ್ಮಾ ಮತ್ತು ರವೀಂದ್ರ ಜಡೇಜಾ ಬಿರುಗಾಳಿಯನ್ನು ಎದುರಿಸಿ ಭಾರತವನ್ನು ಮೂರು ವಿಕೆಟ್ ನಷ್ಟಕ್ಕೆ 185 ರನ್ ಗಳಿಗೆ ಕರೆದೊಯ್ದರು. ರೋಹಿತ್ ಎಚ್ಚರಿಕೆಯಿಂದ ಬ್ಯಾಟಿಂಗ್ ಮಾಡಿದರು ಮತ್ತು ತಮ್ಮ 17 ನೇ ಟೆಸ್ಟ್ ಅರ್ಧಶತಕ ಮತ್ತು ಸರಣಿಯ ಮೊದಲ ಅರ್ಧಶತಕವನ್ನು ಗಳಿಸಿದರು, ಜಡೇಜಾ ಮೊದಲ ಸೆಷನ್ನಲ್ಲಿ ಕುಸಿತವನ್ನು ತಡೆಯಲು ಸಹಾಯ ಮಾಡಿದರು.
ಗಾಯದಿಂದಾಗಿ ಕೆಎಲ್ ರಾಹುಲ್ ಸರಣಿಯಿಂದ ಹೊರಗುಳಿದ ನಂತರ ಸರ್ಫರಾಜ್ ಅವರನ್ನು ಮತ್ತೆ ಕರೆಸಿಕೊಳ್ಳಲಾಗಿದ್ದು, ಕೆಎಸ್ ಭರತ್ ಅವರ ಕಳಪೆ ಫಾರ್ಮ್ನಿಂದಾಗಿ ಜುರೆಲ್ಗೆ ಅವಕಾಶ ನೀಡುವ ಸಾಧ್ಯತೆಯಿದೆ. ಏತನ್ಮಧ್ಯೆ, ವಿರಾಟ್ ಕೊಹ್ಲಿ ಇಡೀ ಸರಣಿಯಿಂದ ಹೊರಗುಳಿಯಲಿದ್ದಾರೆ.
‘ಸರ್ಕಾರಿ ನೌಕರ’ರಿಗೆ ಮಹತ್ವದ ಮಾಹಿತಿ: ಹೀಗಿದೆ ‘ರಾಜ್ಯ ಸರ್ಕಾರ’ದಿಂದ ಮಾನ್ಯತೆ ಪಡೆದ ‘ಖಾಸಗಿ ಆಸ್ಪತ್ರೆ’ಗಳ ಪಟ್ಟಿ
