ದೋಹಾ/ನವದೆಹಲಿ: ಇರಾನ್ ಮತ್ತು ಅಮೆರಿಕ-ಇಸ್ರೇಲ್ ನಡುವೆ ತೀವ್ರಗೊಂಡಿರುವ ಮಿಲಿಟರಿ ಸಂಘರ್ಷದಿಂದಾಗಿ ಮಧ್ಯಪ್ರಾಚ್ಯದಲ್ಲಿ ಅನಿಶ್ಚಿತತೆ ಮೂಡಿದೆ. ಈ ಹಿನ್ನೆಲೆಯಲ್ಲಿ ಕತಾರ್ನಲ್ಲಿರುವ ಸುಮಾರು 7.4 ಲಕ್ಷ ಭಾರತೀಯ ನಾಗರಿಕರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ದೋಹಾದಲ್ಲಿರುವ ಭಾರತೀಯ ರಾಯಭಾರ ಕಚೇರಿಯು ಹೆಚ್ಚುವರಿ 24/7 ಸಹಾಯವಾಣಿ ಸಂಖ್ಯೆಗಳನ್ನು ಶನಿವಾರ (ಮಾರ್ಚ್ 7) ಸಕ್ರಿಯಗೊಳಿಸಿದೆ.
ಪ್ರಮುಖ ಸಹಾಯವಾಣಿ ಸಂಖ್ಯೆಗಳು:
ಯಾವುದೇ ತುರ್ತು ಸಂದರ್ಭದಲ್ಲಿ ಭಾರತೀಯ ನಾಗರಿಕರು ಈ ಕೆಳಗಿನ ಸಂಖ್ಯೆಗಳನ್ನು ಸಂಪರ್ಕಿಸಬಹುದು:
+974 5564 7502
+974 5536 2508
+974 5538 4683
ಇಮೇಲ್: cons.doha@mea.gov.in
ಭಾರತೀಯ ಸಮುದಾಯದ ಸಹಕಾರ:
ರಾಯಭಾರ ಕಚೇರಿಯ ಜೊತೆಗೆ ಭಾರತೀಯ ಸಾಂಸ್ಕೃತಿಕ ಕೇಂದ್ರ (ICC) ಮತ್ತು ಭಾರತೀಯ ಸಮುದಾಯದ ಲೋಕೋಪಕಾರಿ ವೇದಿಕೆ (ICBF) ಕೂಡ ಸಹಾಯವಾಣಿಗಳನ್ನು ತೆರೆದಿವೆ:
ICC ಸಹಾಯವಾಣಿ: +974 5591 6415 / +974 5551 6388 (ಬೆಳಿಗ್ಗೆ 9 ರಿಂದ ರಾತ್ರಿ 9 ರವರೆಗೆ)
ICBF ಸಹಾಯವಾಣಿ: +974 5538 3488 / +974 5538 4529 (ಬೆಳಿಗ್ಗೆ 9 ರಿಂದ ರಾತ್ರಿ 9 ರವರೆಗೆ)
ಪ್ರಮುಖ ಸೂಚನೆಗಳು:
ಮನೆಯಲ್ಲೇ ಇರಿ: ಯುದ್ಧದ ಸನ್ನಿವೇಶದ ಹಿನ್ನೆಲೆಯಲ್ಲಿ ಭಾರತೀಯರು ಅನಗತ್ಯ ಸಂಚಾರ ನಡೆಸದಂತೆ ಮತ್ತು ಸಾಧ್ಯವಾದಷ್ಟು ಮನೆಯೊಳಗೆ ಇರುವಂತೆ ಸೂಚಿಸಲಾಗಿದೆ. ಕಿಟಕಿಗಳು ಮತ್ತು ತೆರೆದ ಪ್ರದೇಶಗಳಿಂದ ದೂರವಿರಲು ರಾಯಭಾರ ಕಚೇರಿ ಸಲಹೆ ನೀಡಿದೆ.
ವಿಮಾನ ಯಾನ ಸ್ಥಗಿತ: ಕತಾರ್ನ ವಾಯುಪ್ರದೇಶವನ್ನು ತಾತ್ಕಾಲಿಕವಾಗಿ ಮುಚ್ಚಲಾಗಿದ್ದು, ಅನೇಕ ವಿಮಾನಗಳು ರದ್ದಾಗಿವೆ. ಸಿಲುಕಿಕೊಂಡಿರುವ ಪ್ರಯಾಣಿಕರಿಗೆ ಸೌದಿ ಅರೇಬಿಯಾ ಮೂಲಕ ತೆರಳಲು ಟ್ರಾನ್ಸಿಟ್ ವೀಸಾ ಪಡೆಯಲು ರಾಯಭಾರ ಕಚೇರಿ ನೆರವು ನೀಡುತ್ತಿದೆ.
ವೀಸಾ ಅವಧಿ ವಿಸ್ತರಣೆ: ಕತಾರ್ ಸರ್ಕಾರವು ಎಲ್ಲಾ ರೀತಿಯ ಎಂಟ್ರಿ ವೀಸಾಗಳ ಅವಧಿಯನ್ನು ಫೆಬ್ರವರಿ 28 ರಿಂದ ಅನ್ವಯವಾಗುವಂತೆ ಒಂದು ತಿಂಗಳವರೆಗೆ ವಿಸ್ತರಿಸಿದೆ ಎಂದು ರಾಯಭಾರ ಕಚೇರಿ ತಿಳಿಸಿದೆ.
