ಗಾಜಿಯಾಬಾದ್ : ಲೋಕಸಭಾ ಚುನಾವಣೆಗೂ ಮುನ್ನ ಪ್ರಧಾನಿ ನರೇಂದ್ರ ಮೋದಿ ಅವರು ಉತ್ತರಪ್ರದೇಶದಲ್ಲಿ ಚುನಾವಣಾ ಪ್ರಚಾರ ಆರಂಭಿಸಿದ್ದಾರೆ. ಸಹರಾನ್ಪುರದ ನಂತರ ಗಾಜಿಯಾಬಾದ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ರೋಡ್ ಶೋ ನಡೆಸಿದರು, ಇದರಲ್ಲಿ ಜನರು ಮೋದಿ ಮೋದಿ ಎಂದು ಘೋಷಣೆಗಳನ್ನು ಕೂಗಿದರು.
ರ್ಯಾಲಿಯಲ್ಲಿ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಕೂಡ ಉಪಸ್ಥಿತರಿದ್ದರು.ಪ್ರಧಾನಿ ನರೇಂದ್ರ ಮೋದಿ ಅವರು ಶನಿವಾರ ಪಶ್ಚಿಮ ಉತ್ತರ ಪ್ರದೇಶದಲ್ಲಿ ಚುನಾವಣಾ ರ್ಯಾಲಿಗೆ ಚಾಲನೆ ನೀಡಿದರು. ಪ್ರಧಾನಿ ಮೋದಿಯವರ ರ್ಯಾಲಿಯ ಬೀದಿಗಳು ಮೋದಿ ಬೆಂಬಲಿಗರಿಂದ ತುಂಬಿದ್ದವು. ಪ್ರಧಾನಿ ಮೋದಿಯವರ ರೋಡ್ ಶೋನಲ್ಲಿ ಸುಮಾರು ಎರಡು ಲಕ್ಷ ಜನರು ಸೇರಿದ್ದರು.
#WATCH उत्तर प्रदेश: प्रधानमंत्री नरेंद्र मोदी गाजियाबाद में रोड शो कर रहे हैं। इस दौरान उत्तर प्रदेश के मुख्यमंत्री योगी आदित्यनाथ भी मौजूद हैं। #LokSabhaElections2024 pic.twitter.com/9wteymQ60s
— ANI_HindiNews (@AHindinews) April 6, 2024
ನಯಾ ಗಂಜ್ನ ಮಲಿವಾಡಾ ಚೌಕ್ನಿಂದ ಗಾಜಿಯಾಬಾದ್ನ ಗಾಂಧಿ ನಗರ ಮೋರ್ವರೆಗೆ ಪ್ರಧಾನಿ ಮೋದಿಯವರ ರೋಡ್ ಶೋ ನಡೆಯಿತು. ಬಿಜೆಪಿ ಅತುಲ್ ಗರ್ಗ್ ಅವರನ್ನು ಇಲ್ಲಿಂದ ತನ್ನ ಅಭ್ಯರ್ಥಿಯಾಗಿ ಘೋಷಿಸಿದೆ. ಎರಡು ಬಾರಿ ಸಂಸದ ಮತ್ತು ಕೇಂದ್ರ ಸಚಿವ ವಿ.ಕೆ.ಸಿಂಗ್ ಅವರ ಬದಲಿಗೆ ಕಣಕ್ಕಿಳಿದಿರುವ ಗಾಜಿಯಾಬಾದ್ ಬಿಜೆಪಿ ಅಭ್ಯರ್ಥಿ ಅತುಲ್ ಗರ್ಗ್ ಅವರಿಗೆ ಬೆಂಬಲ ಕೋರಿ ಪ್ರಧಾನಿ ನರೇಂದ್ರ ಮೋದಿ ಶನಿವಾರ ರೋಡ್ ಶೋ ನಡೆಸಿದರು.
