ನವದೆಹಲಿ:ಮಾರ್ಚ್ 11 ರಿಂದ 12 ರವರೆಗೆ ನಡೆಯಲಿರುವ ಮಾರಿಷಸ್ ರಾಷ್ಟ್ರೀಯ ದಿನಾಚರಣೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಗೌರವ ಅತಿಥಿಯಾಗಿ ಭಾಗವಹಿಸಲಿದ್ದಾರೆ. ಪ್ರಧಾನಿ ಮೋದಿಯವರ ಭೇಟಿಯ ಬಗ್ಗೆ ಮಾರಿಷಸ್ ಪ್ರಧಾನಿ ನವೀನ್ ರಾಮ್ಗೂಲಮ್ ಘೋಷಣೆ ಮಾಡಿದ್ದು, ಇದು ನಿಕಟ ದ್ವಿಪಕ್ಷೀಯ ಸಂಬಂಧಗಳಿಗೆ ಸಾಕ್ಷಿಯಾಗಿದೆ ಎಂದು ಹೇಳಿದ್ದಾರೆ.
ಶುಕ್ರವಾರ ರಾಷ್ಟ್ರೀಯ ಅಸೆಂಬ್ಲಿಯನ್ನುದ್ದೇಶಿಸಿ ಮಾತನಾಡಿದ ಮಾರಿಷಸ್ ಪ್ರಧಾನಿ ರಾಮ್ಗೂಲಮ್, ತಮ್ಮ ಕಠಿಣ ವೇಳಾಪಟ್ಟಿಯ ಹೊರತಾಗಿಯೂ ಅಂತಹ ವಿಶಿಷ್ಟ ವ್ಯಕ್ತಿಗೆ ಆತಿಥ್ಯ ವಹಿಸುವುದು ಮಾರಿಷಸ್ಗೆ ನಿಜಕ್ಕೂ ಒಂದು ಅನನ್ಯ ಗೌರವ ಎಂದು ಹೇಳಿದರು.
ಮಾರಿಷಸ್ ತನ್ನ ರಾಷ್ಟ್ರೀಯ ದಿನವನ್ನು ಪ್ರತಿವರ್ಷ ಮಾರ್ಚ್ 12 ರಂದು ಆಚರಿಸುತ್ತದೆ. ಈ ದಿನವು 1968 ರಲ್ಲಿ ಮಾರಿಷಸ್ ಬ್ರಿಟಿಷ್ ಆಳ್ವಿಕೆಯಿಂದ ಸ್ವಾತಂತ್ರ್ಯ ಪಡೆದ ವಾರ್ಷಿಕೋತ್ಸವವನ್ನು ಸೂಚಿಸುತ್ತದೆ.
“ನಮ್ಮ ದೇಶದ ಸ್ವಾತಂತ್ರ್ಯದ 57 ನೇ ವಾರ್ಷಿಕೋತ್ಸವದ ಆಚರಣೆಯ ಹಿನ್ನೆಲೆಯಲ್ಲಿ, ನನ್ನ ಆಹ್ವಾನದ ನಂತರ, ಭಾರತದ ಪ್ರಧಾನಿ ಗೌರವಾನ್ವಿತ ನರೇಂದ್ರ ಮೋದಿ ಅವರು ನಮ್ಮ ರಾಷ್ಟ್ರೀಯ ದಿನಾಚರಣೆಯ ಗೌರವಾನ್ವಿತ ಅತಿಥಿಯಾಗಲು ಒಪ್ಪಿಕೊಂಡಿದ್ದಾರೆ ಎಂದು ಸದನಕ್ಕೆ ತಿಳಿಸಲು ನನಗೆ ತುಂಬಾ ಸಂತೋಷವಾಗಿದೆ” ಎಂದು ರಾಮ್ಗೂಲಂ ಹೇಳಿದರು.
