ಬೆಂಗಳೂರು: ಪ್ರತಿಯೊಬ್ಬ ನಾಗರಿಕನು ತನ್ನ ಬಿಬಿಎಂಪಿ ಇ-ಖಾತೆ ಯನ್ನು ಸರಾಗವಾಗಿ, ಉಚಿತವಾಗಿ ತಾನೇ ಸ್ವಂತವಾಗಿ ಪಡೆಯುವುದನ್ನು ಸಕ್ರಿಯಗೊಳಿಸಲು ಈ ಕೆಳಗಿನಂತೆ ಸ್ಪಷ್ಟೀಕರಿಸಿದೆ.
1. ಅಂತಿಮ ಇ-ಖಾತೆ ಪಡೆಯಲು ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರದ ಅಗತ್ಯವಿಲ್ಲ.
2. ಕೇವಲ ಸಬ್ ರಿಜಿಸ್ಟ್ರಾರ್ ಕಛೇರಿಯಲ್ಲಿ ತಕ್ಷಣದ ಮಾರಾಟ ಅಥವಾ ವಹಿವಾಟಿಗೆ ಮಾಡುವವರು ಮಾತ್ರ ಬಿಬಿಎಂಪಿ ಇ-ಖಾತೆ ವ್ಯವಸ್ಥೆಯಲ್ಲಿ ಒಂದು ಬಾರಿಗೆ ಮಾತ್ರ ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರ (EC) ಅನ್ನು ನೀಡಬೇಕಾಗುತ್ತದೆ. ಇದು ಒಟ್ಟು ಆಸ್ತಿಯಲ್ಲಿ ಕೇವಲ 5% ಆಗಿರುತ್ತದೆ.
3. ಮೇಲಿನ ವಿಶೇಷ ಪ್ರಕರಣದಲ್ಲಿ ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರವನ್ನು(EC),
I. “ಯಾವ ದಿನಾಂಕದಿಂದ”- ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರವು(EC) ಹಾಲಿ ಹಕ್ಕು ಹೊಂದಿರುವ ಮಾಲೀಕನು ಕ್ರಯ/ನೋಂದಾಯಿತ ಪತ್ರದ ಮೂಲಕ ಪಡೆದ ದಿನಾಂಕದ ಕನಿಷ್ಟ ಒಂದು ದಿನದ ಹಿಂದಿನ ದಿನಾಂಕದಿಂದ ಮತ್ತು
II. “ಯಾವ ದಿನಾಂಕದವರೆಗೆ”- ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರವು(EC) ದಿನಾಂಕ: 31.10.2024 ರ ವರೆಗೆ ಇರಬೇಕು
4. ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರವು (EC) ಹೊಸದಾಗಿ ನೋಂದಾವಣೆ ಮಾಡಿಸಿದ 7 ದಿನಗಳ ಒಳಗೆ ಇರಬೇಕು ಎಂಬುವ ಅಗತ್ಯವಿಲ್ಲ.
5. ಉದಾಹರಣೆಗೆ ಎʼ ಯ ಮಾರಾಟ ಪತ್ರದ ಆಧಾರದ ಮೇಲೆ ಅವನು ಮಾಲೀಕನಾದ ದಿನಾಂಕ:17.06.2014 ಮತ್ತು ಅವನು ದಿನಾಂಕ: 30.01.2025 ರಂದು ಸಬ್-ರಿಜಿಸ್ಟ್ರಾರ್ನಲ್ಲಿ ಬಿʼ ಗೆ ಮಾರಾಟ ಮಾಡಲು ಬಯಸಿದರೆ, ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರವು ದಿನಾಂಕ: 16-06-2014 ರಿಂದ ದಿನಾಂಕ: 01.11.2024 ರವರೆಗೆ ಇರುವುದನ್ನು ಪರಿಗಣಿಸಲಾಗುವುದು.
6. ಮಾರಾಟ/ನೋಂದಣಿಗೆ ಹೋಗುವ ಆಸ್ತಿಗಳಿಗೆ ಅನ್ಯ ವ್ಯಕ್ತಿ/ಹಿಂದಿನ ಮಾಲೀಕನು, ನಾಗರಿಕರ ಆಸ್ತಿಯನ್ನು ಮಾರಾಟ ಮಾಡುವುದನ್ನು ತಡೆಯುವ ಸಲುವಾಗಿ ಆಸ್ತಿ ಋಣಭಾರ ರಾಹಿತ್ಯ ಪ್ರಮಾಣಪತ್ರವನ್ನು (EC)ಕೇಳಲಾಗುತ್ತದೆ.
“ನಾನು ಅದೇ ನೀರನ್ನ ಕುಡಿಯುತ್ತೇನೆ” : ಎಎಪಿಯ ‘ವಿಷಕಾರಿ ಯಮುನಾ’ ಆರೋಪಕ್ಕೆ ‘ಪ್ರಧಾನಿ ಮೋದಿ’ ತಿರುಗೇಟು
BREAKING: ‘ಕರ್ನಾಟಕ ಬಿಜೆಪಿ’ಯಲ್ಲಿ ಮೇಜರ್ ಸರ್ಜರಿ: 23 ಜಿಲ್ಲೆಗಳಿಗೆ ‘ನೂತನ ಅಧ್ಯಕ್ಷರ’ ನೇಮಕ | Karnataka BJP
