ನವದೆಹಲಿ : ಆನ್ ಲೈನ್ ವಂಚನೆ ತಡೆಗಟ್ಟಲು ಟ್ರಾಯ್ ಮಹತ್ವದ ಕ್ರಮ ಕೈಗೊಂಡಿದ್ದು, ಜುಲೈ 1 ರಿಂದ ಸಿಮ್ ಕಾರ್ಡ್ ಗೆ ಸಂಬಂಧಿಸಿದ ನಿಯಮದಲ್ಲಿ ಬದಲಾವಣೆ ಆಗಲಿದೆ.
ಟ್ರಾಯ್ ನ ಹೊಸ ನಿಯಮಗಳನ್ನು ಜಾರಿಗೆ ತರುವ ಹಿಂದಿನ ಕಾರಣವೆಂದರೆ ಆನ್ ಲೈನ್ ವಂಚನೆಯನ್ನು ತಡೆಗಟ್ಟುವುದು. ಈ ಕಾರಣದಿಂದಾಗಿ, ಸಾಮಾನ್ಯ ಮೊಬೈಲ್ ಬಳಕೆದಾರರು ಕೆಲವು ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಟ್ರಾಯ್ ಪ್ರಕಾರ, ತಮ್ಮ ಸಿಮ್ ಕಾರ್ಡ್ಗಳನ್ನು ಬದಲಾಯಿಸಿದ ಮೊಬೈಲ್ ಬಳಕೆದಾರರು ತಮ್ಮ ಫೋನ್ ಸಂಖ್ಯೆಗಳನ್ನು ಪೋರ್ಟ್ ಮಾಡಲು ಸಾಧ್ಯವಾಗುವುದಿಲ್ಲ.
ವಂಚನೆ ಘಟನೆಗಳನ್ನು ತಡೆಗಟ್ಟಲು ಈ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ಟ್ರಾಯ್ ಹೇಳಿದೆ. ಸಿಮ್ ಬದಲಾಯಿಸುವ ಮೂಲಕ ವಂಚಕರು ತಕ್ಷಣ ಮೊಬೈಲ್ ಸಂಪರ್ಕವನ್ನು ಪೋರ್ಟ್ ಮಾಡಲು ಸಾಧ್ಯವಿಲ್ಲ ಎಂಬುದು ಇದರ ಉದ್ದೇಶ.
ಇತ್ತೀಚಿನ ದಿನಗಳಲ್ಲಿ, ಸಿಮ್ ವಿನಿಮಯಕ್ಕೆ ಸಂಬಂಧಿಸಿದಂತೆ ವಂಚನೆ ಪ್ರಕರಣಗಳು ನಿರಂತರವಾಗಿ ಹೆಚ್ಚುತ್ತಿವೆ. ಈ ವಂಚನೆಯಲ್ಲಿ, ಜನರು ಸುಲಭವಾಗಿ ಪ್ಯಾನ್ ಕಾರ್ಡ್ ಮತ್ತು ಆಧಾರ್ ಕಾರ್ಡ್ನ ಫೋಟೋಗಳನ್ನು ಪಡೆಯುತ್ತಾರೆ ಮತ್ತು ಮೊಬೈಲ್ ಕಳೆದುಹೋಗಿಎ ಎಂದು ಹೊಸ ಸಿಮ್ ಕಾರ್ಡ್ ಪಡೆಯುತ್ತಾರೆ. ಇದರ ನಂತರ, ನಿಮ್ಮ ಮೊಬೈಲ್ ಸಂಖ್ಯೆಗೆ ಬರುವ ಒಟಿಪಿ ವಂಚಕರನ್ನು ತಲುಪುತ್ತದೆ, ಆದ್ದರಿಂದ ಆ ಜನರು ಅದನ್ನು ವಂಚನೆಗಾಗಿ ಬಳಸುತ್ತಾರೆ. ಹೀಗಾಗಿ ಟ್ರಾಯ್ ಹೊಸ ನಿಯಮ ಜಾರಿಗೆ ತರುತ್ತಿದೆ.
