ಹಾಸನ:ಹಾಸನ ಉಪವಿಭಾಗದ ಡಿವೈಎಸ್ಪಿ ಪಿ.ಕೆ.ಮುರಳೀಧರ್ ಅವರ ಬ್ಯಾಂಕ್ ಖಾತೆಗಳನ್ನು ಹ್ಯಾಕ್ ಮಾಡಿದ ದುಷ್ಕರ್ಮಿಗಳು 15.98 ಲಕ್ಷ ರೂ.ಗಳನ್ನು ವಿವಿಧ ಖಾತೆಗಳಿಗೆ ವರ್ಗಾಯಿಸಿದ್ದಾರೆ.
ಅವರು ಕೆನರಾ ಬ್ಯಾಂಕ್ ಮಡಿಕೇರಿ ಶಾಖೆ (ಮುಖ್ಯರಸ್ತೆ) ಮತ್ತು ಭಾಗಮಂಡಲ ಶಾಖೆಯಲ್ಲಿ ಖಾತೆಗಳನ್ನು ಹೊಂದಿದ್ದಾರೆ. ಮೇ ೨೦ ರಂದು ಅವರು ತಮ್ಮ ಫೋನ್ನಲ್ಲಿ ಸಂದೇಶಗಳನ್ನು ಪರಿಶೀಲಿಸುತ್ತಿದ್ದಾಗ ವಂಚನೆಯ ಬಗ್ಗೆ ತಿಳಿದುಕೊಂಡರು. ಮಡಿಕೇರಿ ಶಾಖೆಯ ಖಾತೆಯಲ್ಲಿ 25 ವಹಿವಾಟುಗಳ ಮೂಲಕ 12,10,711 ರೂ., ಭಾಗಮಂಡಲ ಶಾಖೆಯ ಖಾತೆಯಿಂದ 3.88 ಲಕ್ಷ ರೂ ವರ್ಗಾವಣೆ ಆಗಿದೆ. ಅವರು ಸಿಇಎನ್ ಪೊಲೀಸರಿಗೆ ದೂರು ನೀಡಿದ್ದಾರೆ.
