ಬೆಂಗಳೂರು: ರೈಲು ಪ್ರಯಾಣಿಕರು ಇನ್ನುಮುಂದೆ ಸೀಟ್ ಲಭ್ಯತೆ ಬಗ್ಗೆ ಖಾತರಿ ಮಾಡಿಕೊಳ್ಳುವುದು ಹೆಚ್ಚು ಸುಲಭ. ಮೇಕ್‌ ಮೈ ಟ್ರಿಪ್ ರೈಲು ಪ್ರಯಾಣಿಕರಿಗಾಗಿ “ಸೀಟು ಲಭ್ಯತೆ ಮುನ್ಸೂಚನೆ ಹಾಗೂ ಟಿಕೆಟ್‌ ಬಿಕರಿ ಆಗಿರುವ ಬಗ್ಗೆ ಮುಂಚಿತವಾಗಿಯೇ ಮಾಹಿತಿ ಪಡೆಯುವ ಆಯ್ಕೆಯನ್ನು ತನ್ನ ವೆಬ್‌ಸೈಟ್‌ನಲ್ಲಿ ಪರಿಚಯಿಸಿದೆ.
ರೈಲು ಟಿಕೆಟ್‌ ಕಾಯ್ದಿರಿಸಲು ೬೦ ದಿನಗಳ ಮುಂಚಿತವಾಗಿಯೇ ತೆರೆದಿರುತ್ತದೆ. ಆದರೆ, ಸಾಕಷ್ಟು ಜನರು ಕೊನೆಯ ಕ್ಷಣದಲ್ಲಿ ಟಿಕೆಟ್‌ ಕಾಯ್ದಿರಿಸಲು ಆತುರಪಡುತ್ತಾರೆ. ಇನ್ನೂ ಸಾಕಷ್ಟು ಜನರು, ಟಿಕೆಟ್‌ ಬುಕ್‌ ಮಾಡದೇ, ಕೇವಲ ಸೀಟ್ ಬ್ಲಾಕಿಂಗ್‌ ಮಾಡಿರುತ್ತಾರೆ. ಇದರಿಂದ ನಿಖರವಾಗಿ ಎಷ್ಟು ಸೀಟು ಲಭ್ಯವಿದೆ, ಎಷ್ಟು ಬಿಕರಿಯಾಗಿದೆ ಎಂಬುದು ತಿಳಿಯುವುದು ಕಷ್ಟ. ವರದಿಗಳ ಪ್ರಕಾರ, ಶೇ. 40 ರಷ್ಟು ಜನರು, ತೀರಾ ಮುಂಚಿತವಾಗಿ ಟಿಕೆಟ್‌ ಕಾಯ್ದಿರಿಸುತ್ತಾರೆ.
ಇನ್ನು ಶೇ. 70ರಷ್ಟು ಜನರು, ವೇಟಿಂಗ್‌ಲಿಸ್ಟ್‌ನಲ್ಲಿಯೇ ಈ ಸೀಟ್‌ಗಳನ್ನು ಬ್ಲಾಕ್‌ ಮಾಡುತ್ತಾರೆ, ಆದರೆ, ಟಿಕೆಟ್‌ ಬುಕ್‌ ಮಾಡುವುದಿಲ್ಲ. ಇದು ನಿಜವಾಗಿಯೂ ಟಿಕೆಟ್‌ ಬುಕ್‌ ಮಾಡುವವರಿಗೆ ಸೀಟು ಲಭ್ಯತೆ ಬಗ್ಗೆ ಮಾಹಿಯನ್ನೂ ನೀಡುವುದಿಲ್ಲ. ಸಾಕಷ್ಟು ಜನರಿಗೆ ಟಿಕೆಟ್‌ ಬುಕ್‌ ಮಾಡುವ ಸಂದರ್ಭ ಯಾವುದು, ಯಾವ ಋತುಮಾನದಲ್ಲಿ ಟಿಕೆಟ್‌ ಬಿಕರಿಯಾಗುತ್ತವೆ ಎಂಬುದರ ಬಗ್ಗೆ ಸ್ಪಷ್ಟ ಮಾಹಿತಿಯೇ ಇಲ್ಲದಂತಾಗಿದೆ.
ಹೀಗಾಗಿಯೇ, ಯಾವ ತಿಂಗಳಲ್ಲಿ ಹೆಚ್ಚು ಬೇಡಿಕೆ ಇರಲಿದೆ ಹಾಗೂ ಎಷ್ಟು ದಿನದ ಮುಂಚಿತವಾಗಿ ಟಿಕೆಟ್‌ ಬುಕ್‌ ಮಾಡಬಹುದು ಎಂಬಿತ್ಯಾದಿ ಮಾಹಿತಿಯನ್ನು ನೀಡುವ ಹೊಸ ಆಯ್ಕೆಯನ್ನು ಪರಿಚಯಿಸಿದ್ದು, ರೈಲು ಟಿಕೆಟ್‌ ಬುಕ್‌ ಮಾಡುವವರಿಗೆ ಹೆಚ್ಚು ಅನುಕೂಲವಾಗಲಿದೆ.
‘ತಂಬಾಕು ವಿರೋಧಿ ಅಭಿಯಾನ’ ಆರಂಭಿಸಿದ ‘ಉಜ್ಜೀವನ್‌ ಸ್ಮಾಲ್‌ ಫೈನಾನ್ಸ್‌ ಬ್ಯಾಂಕ್‌’
BREAKING : ಬಿಜೆಪಿ ಮುಖಂಡ ಅರುಣ್ ಕುಮಾರ್ ಪುತ್ತಿಲ್ ಗೆ ಬಿಗ್ ಶಾಕ್ : ಗಡಿಪಾರು ನೋಟಿಸ್ ಜಾರಿ!
