ಮೊದಲ ಗೇಮ್ ನಲ್ಲಿ ಸೋತಿದ್ದ ಲಕ್ಷ್ಯ ಸೇನ್ ತೈವಾನ್ ನ ಚೌ ಟಿಯೆನ್-ಚೆನ್ ವಿರುದ್ಧ ತೀವ್ರ ಗೆಲುವು ಸಾಧಿಸಿದರು. ಹೀಗಾಗಿ ಸೆಮಿಫೈನಲ್ಸ್ ತಲುಪಿದ್ದಾರೆ.
ಒಲಿಂಪಿಕ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ಸೆಮಿಫೈನಲ್ ತಲುಪಿದ ಮೊದಲ ಭಾರತೀಯ ಪುರುಷ ಎಂಬ ಹೆಗ್ಗಳಿಕೆಗೆ ಲಕ್ಷ್ಯ ಸೇನ್ ಪಾತ್ರರಾಗಿದ್ದಾರೆ.
ಪ್ಯಾರಿಸ್ ಕ್ರೀಡಾಕೂಟದ 7 ನೇ ದಿನ ಭಾರತಕ್ಕೆ ಅನೇಕ ಪದಕಗಳನ್ನು ಗೆಲ್ಲುವ ಅವಕಾಶವನ್ನು ತರುತ್ತದೆ. ಮಹಿಳೆಯರ 25 ಮೀಟರ್ ಪಿಸ್ತೂಲ್ ಫೈನಲ್ಗೆ ಅರ್ಹತೆ ಪಡೆದಿರುವ ಮನು ಭಾಕರ್, ನಾಳೆ 3ನೇ ಪದಕ ಗೆಲ್ಲುವ ಗುರಿ ಹೊಂದಿದ್ದಾರೆ. ಸ್ಲೋವಾಕಿಯಾದ ಈಜುಪಟು ತಮಾರಾ ಪೊಟೊಕಾ ಬಿಸಿಲಿನ ತಾಪದಿಂದ ಕುಸಿದು ಬಿದ್ದ ನಂತರ ವೈದ್ಯಕೀಯ ಆರೈಕೆಯಲ್ಲಿದ್ದಾರೆ.
ಅಂಕಿತಾ-ಧೀರಜ್ ಜೋಡಿ ಅಮೆರಿಕ ವಿರುದ್ಧ 6-2 ಅಂತರದಲ್ಲಿ ಸೋತು ಕಂಚಿನ ಪದಕದಿಂದ ವಂಚಿತವಾಯಿತು. 1972ರ ಬಳಿಕ ಇದೇ ಮೊದಲ ಬಾರಿಗೆ ಭಾರತ ಹಾಕಿ ತಂಡ ಆಸ್ಟ್ರೇಲಿಯಾವನ್ನು 3-2 ಗೋಲುಗಳಿಂದ ಮಣಿಸಿದೆ. ಲಕ್ಷ್ಯ ಸೇನ್ ಅವರು ತೈವಾನ್ ನ ಚೌ ಟಿಯೆನ್-ಚೆನ್ ಅವರನ್ನು 2-1 ಅಂತರದಿಂದ ಸೋಲಿಸಿ ಬ್ಯಾಡ್ಮಿಂಟನ್ ಪುರುಷರ ವೈಯಕ್ತಿಕ ವಿಭಾಗದ ಸೆಮಿಫೈನಲ್ ತಲುಪಿದರು.
