ಮುಂಬೈ : ಸ್ಮಾರ್ಟ್ ಟಿವಿಗಳಿಗಾಗಿ ಭಾರತದ ಮೊದಲ ಆಪರೇಟಿಂಗ್ ಸಿಸ್ಟಮ್ ‘ಜಿಯೋಟೆಲಿ ಒಎಸ್’ ಅನ್ನು ರಿಲಯನ್ಸ್ ಜಿಯೋ ಘೋಷಣೆ ಮಾಡಿದೆ. ಇದು ನೆಕ್ಸ್ಟ್ ಜನರೇಷನ್ ಸ್ಮಾರ್ಟ್ ಟಿವಿ ಆಪರೇಟಿಂಗ್ ಸಿಸ್ಟಮ್ ಆಗಿದ್ದು, ಭಾರತೀಯ ಪ್ರೇಕ್ಷಕರ ವಿಶಿಷ್ಟ ಅಗತ್ಯಗಳನ್ನು ಪೂರೈಸುವುದಕ್ಕಾಗಿ ಇದನ್ನು ಸಿದ್ಧಪಡಿಸಲಾಗಿದೆ.
ಭಾರತದಲ್ಲಿ ಅಂದಾಜು ಮೂರೂವರೆ ಕೋಟಿ ಮನರಂಜನೆಗೆ ಸಂಪರ್ಕ ಹೊಂದಿದ ಟಿವಿ ಕುಟುಂಬಗಳಿದ್ದು, ಡಿಜಿಟಲ್ ಮನರಂಜನೆಗೆ ಬೇಡಿಕೆ ನಿರಂತರವಾಗಿ ಹೆಚ್ಚಾಗುತ್ತಿದೆ. ಆದರೆ ಹಲವು ಗ್ರಾಹಕರಿಗೆ ಸವಾಲುಗಳು ಎದುರಾಗಿವೆ. ಏಕೆಂದರೆ ಅವರ ಟಿವಿಗಳ ಸೀಮಿತ ಸಾಮರ್ಥ್ಯದಿಂದಾಗಿ ಕಸ್ಟಮೈಸೇಷನ್ ಗೆ ನಿರ್ಬಂಧ, ಹೆಚ್ಚಿನ ಗುಣಮಟ್ಟದ ಪ್ರಾದೇಶಿಕ ಕಂಟೆಂಟ್ ಗೆ ಸೀಮಿತ ಸಂಪರ್ಕ, ಇವೆಲ್ಲದರ ಜೊತೆಗೆ ತಡೆರಹಿತ, ಪ್ರೀಮಿಯಂ ಬಳಕೆದಾರರ ಅನುಭವ ನೀಡುವಂಥದ್ದರ ಅನುಪಸ್ಥಿತಿ ತೊಡಕಾಗಿದೆ.
ಭಾರತದಲ್ಲಿ ಹೀಗೆ ಮನರಂಜನೆಗೆ ಸಂಪರ್ಕ ಹೊಂದಿದ ಟೀವಿ ಕ್ಷೇತ್ರದಲ್ಲಿ ಕ್ರಾಂತಿಯಾಗಿದೆ. ಅದರಲ್ಲಿ ಡಿಜಿಟಲ್ ಸಂಪರ್ಕ ಮತ್ತು ಮನರಂಜನೆಯಲ್ಲಿ ಜಿಯೋ ನಾಯಕತ್ವದ ಸ್ಥಾನ ವಹಿಸಿದೆ. ವಿಶ್ವಾಸಾರ್ಹವಾದ ಕನೆಕ್ಟಿವಿಟಿ, ವೈವಿಧ್ಯಮಯವಾದ ಕಂಟೆಂಟ್ ಸಹಯೋಗಗಳು ಇವುಗಳಿಂದ ದೃಢವಾದ ಎಕೋಸಿಸ್ಟಮ್ ರೂಪಿಸಿರುವುದಕ್ಕೆ ಜಿಯೋಗೆ ಇದು ಸಾಧ್ಯವಾಗಿದೆ. ಈ ಗಟ್ಟಿಯಾದ ಅಡಿಪಾಯದ ಮೇಲೆ ಜಿಯೋ ಈಗ ಜಿಯೋ ಟೆಲಿ ಒಎಸ್ ಪರಿಚಯಿಸುತ್ತಿದೆ. ಈ ಒಎಸ್ ಮುಂದಿನ ತಲೆಮಾರಿನ ಪ್ಲಾಟ್ ಫಾರ್ಮ್ ಆಗಿದ್ದು, ಇದನ್ನು ಭಾರತೀಯ ಗ್ರಾಹಕರಿಗೆ ಮರು ವ್ಯಾಖ್ಯಾನ ಮಾಡಲಾದ ಮನರಂಜನೆ ಅನುಭವ ದೊರಕಿಸುವುದಕ್ಕೆ ರೂಪಿಸಲಾಗಿದೆ.
ಜಿಯೋಟೆಲಿ ಒಎಸ್ ಗುರಿ ಏನೆಂದರೆ, ಭಾರತೀಯ ಕುಟುಂಬಗಳಿಗೆ ವೇಗವಾದ, ಪ್ರೀಮಿಯಂ ಮತ್ತು ಕಂಟೆಂಟ್ ನಿಂದ ಕಿಕ್ಕಿರಿದ ಸ್ಮಾರ್ಟ್ ಟಿವಿ ಪ್ಲಾಟ್ ಫಾರ್ಮ್ ಅನ್ನು ಕೈಗೆಟುಕುವ ದರದಲ್ಲಿ ನೀಡುವುದಾಗಿದೆ. ಎಐನಿಂದ ಶಿಫಾರಸುಗಳನ್ನು ಒದಗಿಸಲಾಗುತ್ತದೆ, ಯಾವುದೇ ಅಡೆತಡೆ ಇಲ್ಲದಂತೆ ಜಾಗತಿಕ ಹಾಗೂ ಪ್ರಾದೇಶಿಕ ಕಂಟೆಂಟ್ ಸಂಯೋಜನೆ ಆಗುತ್ತದೆ, ಪ್ರಮುಖ ಆಪ್ ಗಳನ್ನು ಸಪೋರ್ಟ್ ಇರುತ್ತದೆ ಹಾಗೂ ನಿರಂತರವಾದ ಅಪ್ ಡೇಟ್ ಗಳನ್ನು ದೊರಕಿಸಿಕೊಡಲಾಗುತ್ತದೆ. ಈ ಎಲ್ಲ ಉಪಕ್ರಮಗಳು ಭಾರತದಲ್ಲಿ ಮನರಂಜನೆಗೆ ಸಂಬಂಧಿಸಿದಂತೆ ಪರಿವರ್ತನೆ ತರುವುದಕ್ಕಾಗಿ ತೆಗೆದುಕೊಳ್ಳಲಾಗಿದೆ. ಪ್ರತಿ ಕುಟುಂಬಕ್ಕೂ ಅಡೆತಡೆಯಿಲ್ಲದ ಹಾಗೂ ಸುಲಭವಾದ ಸಂಪರ್ಕ ದೊರೆಯುವುದನ್ನು ಖಾತ್ರಿಪಡಿಸಬೇಕು ಎಂಬ ಉದ್ದೇಶ ಇದೆ.
ಜಿಯೋಟೆಲಿ ಒಎಸ್ ಪ್ರಮುಖ ಫೀಚರ್ ಗಳು
– ಎಐನಿಂದ ಶಿಫಾರಸು ಮಾಡಲಾದ ಕಂಟೆಂಟ್ ಗಳು: ಬಳಕೆದಾರರು ಕಂಟೆಂಟ್ ಗಳ ಹುಡುಕಾಟದಲ್ಲಿ ಹೆಚ್ಚು ಸಮಯವನ್ನು ವ್ಯರ್ಥ ಮಾಡುವ ಅಗತ್ಯವೇ ಇಲ್ಲದಂತೆ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ನಿಂದ ಆಯಾ ಗ್ರಾಹಕರ ಆದ್ಯತೆಗೆ ತಕ್ಕಂತೆ ಶಿಫಾರಸುಗಳು ಮಾಡುತ್ತದೆ.
– ವೇಗ ಹಾಗೂ ಶೀಘ್ರ: ಬಹಳ ಸಲೀಸಾದ, ಯಾವುದೇ ವಿಳಂಬ ಇಲ್ಲದ 4ಕೆ ಕಂಟೆಂಟ್ ಗಳು ದೊರೆಯುತ್ತವೆ ಹಾಗೂ ಸಾಟಿಯೇ ಇಲ್ಲದಂಥ ಕಂಟೆಂಟ್ ಅನುಭವಗಳನ್ನು ದೊರಕಿಸುತ್ತದೆ.
– ಮನರಂಜನೆಗೆ ಸುಲಭ ಸಂಪರ್ಕ: ಟಿವಿ ಚಾನೆಲ್ ಗಳ ಲೈಬ್ರರಿಗೆ, ಕ್ಲೌಡ್ ಗೇಮ್ ಗಳಿಗೆ, ನೆಚ್ಚಿನ ಒಟಿಟಿ ಅಪ್ಲಿಕೇಷನ್ ಗಳಿಗೆ ಸಲೀಸಾದ ಸಂಪರ್ಕ ಇರುತ್ತದೆ. ಇದರ ಜೊತೆಗೆ ಟಿವಿ ಚಾನೆಲ್ ಗಳು ಮತ್ತು ಕಂಟೆಂಟ್ ಗಳ ಮಧ್ಯೆ ಬದಲಾವಣೆ ಸರಳ- ಸಲೀಸಾಗಿರುತ್ತದೆ. ಅದಕ್ಕಾಗಿಯೇ ಎಲ್ಲವನ್ನೂ ಒಂದೇ ರಿಮೋಟ್ ಕಂಟ್ರೋಲ್ ನಲ್ಲಿ ನಿರ್ವಹಿಸಬಹುದು.
– ನಿರಂತರವಾಗಿ ಮೇಲ್ದರ್ಜೆ ಹಾಗೂ ಪರಿವರ್ತನೆ: ನಿಯಮಿತವಾಗಿ ಸಾಫ್ಟ್ ವೇರ್ ಅಪ್ ಡೇಟ್ ಗಳು ಮಾಡಲಾಗುತ್ತದೆ. ಇದರಿಂದ ಟಿವಿ ಒಎಸ್ ಹೊಸ ಅಪ್ಲಿಕೇಷನ್ ಗಳು, ಕಂಟೆಂಟ್ ಫಾರ್ಮಾಟ್ ಗಳು ಮತ್ತು ಬದಲಾಗುವ ಭದ್ರತೆ ಹಾಗೂ ತಂತ್ರಜ್ಞಾನಗಳ ಜೊತೆಗೆ ಹೊಂದಿಕೊಳ್ಳುತ್ತದೆ.
ಲಭ್ಯತೆ ಮತ್ತು ಬ್ರ್ಯಾಂಡ್ ಪಾಲುದಾರಿಕೆಗಳು
ಜಿಯೋಟೆಲಿ ಒಎಸ್ ನಿಂದ ಕಾರ್ಯ ನಿರ್ವಹಿಸುವ ಟಿವಿಗಳು ಫೆಬ್ರವರಿ 21, 2025ರಿಂದ ಲಭ್ಯವಿದ್ದು, ಥಾಮ್ಸನ್, ಕೊಡಾಕ್, ಬಿಪಿಎಲ್ ಮತ್ತು ಜೆವಿಸಿಯಂತಹ ಪ್ರಮುಖ ಸ್ಮಾರ್ಟ್ ಟಿವಿ ಬ್ರ್ಯಾಂಡ್ಗಳೊಂದಿಗೆ ಪದಾರ್ಪಣೆ ಮಾಡಲಿವೆ. 2025ನೇ ಇಸವಿಯಲ್ಲಿಯೇ ಇನ್ನೂ ಹೆಚ್ಚಿನ ಬ್ರ್ಯಾಂಡ್ಗಳು ಈ ಸಾಲಿಗೆ ಸೇರಲಿವೆ, ಇದು ಭಾರತೀಯ ಗ್ರಾಹಕರಿಗೆ ವ್ಯಾಪಕ ಶ್ರೇಣಿಯ ಆಯ್ಕೆಗಳನ್ನು ಖಚಿತಪಡಿಸುತ್ತದೆ.
ಮಾಂಸ ತಿನ್ನುವ ಸೋಂಕಿನಿಂದ ಬಳಲುತ್ತಿದ್ದ 50 ವರ್ಷದ ಪೊಲೀಸ್ ಅಧಿಕಾರಿಗೆ ಯಶಸ್ವಿ ಚಿಕಿತ್ಸೆ
BREAKING NEWS : ‘ಅನ್ನಭಾಗ್ಯ’ ಫಲಾನುಭವಿಗಳಿಗೆ ಹಣದ ಬದಲು ಅಕ್ಕಿ ಕೊಡಲು ರಾಜ್ಯ ಸರ್ಕಾರ ಮಹತ್ವದ ತೀರ್ಮಾನ
