ಕೆಎನ್ಎನ್‍ಡಿಜಿಟಲ್ ಡೆಸ್ಕ್ : ಸಾಮಾನ್ಯವಾಗಿ ನಾವು ನಮ್ಮ ಹತ್ತಿರದ ಜನರೊಂದಿಗೆ ವಾಟ್ಸಾಪ್’ನಲ್ಲಿ ಗಂಟೆಗಟ್ಟಲೆ ಚಾಟ್ ಮಾಡುತ್ತೇವೆ. ಆದ್ರೆ, ಕೆಲವು ಸಂದರ್ಭಗಳಲ್ಲಿ ಆ ಪ್ರಮುಖ ಚಾಟ್ ಅಳಿಸಿಹೋಗುತ್ತದೆ. ಅಂತಹ ಸಮಯದಲ್ಲಿ ಏನು ಮಾಡಬೇಕು ಎಂಬುದನ್ನ ಈ ಸ್ಟೋರಿಯಲ್ಲಿ ತಿಳಿದುಕೊಳ್ಳೋಣ. ಪ್ರಮುಖ ಮತ್ತು ರಹಸ್ಯ ವಾಟ್ಸಾಪ್ ಚಾಟ್ ಅಳಿಸಿದರೆ ಆಗ ನಾವು ತುಂಬಾ ಚಿಂತೆ ಮಾಡುತ್ತೇವೆ. ಆದರೆ ಚಿತಿಸುವ ಅಗತ್ಯವಿಲ್ಲ. ಕೆಲವು ಸಲಹೆಗಳನ್ನ ಅನುಸರಿಸಿ ನಿಮ್ಮ ಚಾಟ್ ಡೇಟಾವನ್ನ ನೀವೇ ಸುಲಭವಾಗಿ ಮರುಪಡೆಯಬಹುದು.
ವಾಟ್ಸಾಪ್ ಹೆಚ್ಚು ಬಳಸುವವರಿಗೆ ಈ ಟ್ರಿಕ್ ತುಂಬಾ ಉಪಯುಕ್ತವಾಗಿದೆ. ಅನೇಕ ಜನರು ಕೆಲವೊಮ್ಮೆ ಆಕಸ್ಮಿಕವಾಗಿ ಪ್ರಮುಖ ಸಂದೇಶಗಳನ್ನ ಅಥವಾ ಸಂಪೂರ್ಣ ಚಾಟ್ ಥ್ರೆಡ್ ಅಳಿಸುತ್ತಾರೆ. ಆದರೆ ಆತಂಕ ಪಡುವ ಅಗತ್ಯವಿಲ್ಲ. ಏಕೆಂದರೆ ಅಳಿಸಿದ WhatsApp ಸಂದೇಶಗಳನ್ನು ಸುಲಭವಾಗಿ ಮರುಪಡೆಯಬಹುದು. ಹೇಗೆ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳೋಣ.
ಹಲವು ವೈಶಿಷ್ಟ್ಯಗಳು : ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್ WhatsApp ಜನರಿಗೆ ಅತ್ಯಂತ ಬಳಕೆದಾರ ಸ್ನೇಹಿ ಅಪ್ಲಿಕೇಶನ್ ಆಗಿದೆ. ಇದರ ಮೂಲಕ ನೀವು ಸುಲಭವಾಗಿ ಸಂದೇಶಗಳನ್ನ ಕಳುಹಿಸಬಹುದು. ಇದು ಆಡಿಯೋ, ವಿಡಿಯೋ ಕರೆಗಳು, ಗುಂಪು ಚಾಟ್’ಗಳು, ಫೈಲ್ ಹಂಚಿಕೆ, ಸ್ಥಳ ಹಂಚಿಕೆ, ಧ್ವನಿ ಸಂದೇಶಗಳಂತಹ ಹಲವು ವೈಶಿಷ್ಟ್ಯಗಳನ್ನ ಸಹ ನೀಡುತ್ತದೆ. ಆದರೆ ಕೆಲವೊಮ್ಮೆ ನಾವು ಆಕಸ್ಮಿಕವಾಗಿ ಪ್ರಮುಖ ಸಂದೇಶಗಳನ್ನ ಅಥವಾ ಸಂಪೂರ್ಣ ಚಾಟ್ ಥ್ರೆಡ್ ಅಳಿಸುತ್ತೇವೆ.
ಹೊಂದಿಸಬೇಕಾದ ಸೆಟ್ಟಿಂಗ್‌ಗಳು : ಅಳಿಸಲಾದ WhatsApp ಚಾಟ್’ಗಳನ್ನು ಮರುಪಡೆಯಲು, ಮೊದಲು ಚಾಟ್’ಗಳನ್ನು ಬ್ಯಾಕಪ್ ಮಾಡಿ. ಚಾಟ್ ಬ್ಯಾಕಪ್ ಮಾಡದಿದ್ದರೆ, ಅವುಗಳನ್ನು ಮರುಪಡೆಯಲಾಗುವುದಿಲ್ಲ. WhatsApp ಚಾಟ್ ಡೇಟಾವನ್ನ ಬ್ಯಾಕಪ್ ಮಾಡಿದವರು ಆ ಬ್ಯಾಕಪ್’ನಿಂದ ಅಳಿಸಲಾದ ಚಾಟ್’ಗಳು ಮತ್ತು ಸಂದೇಶಗಳನ್ನು ಮರುಪಡೆಯಬಹುದು. ನಿಯಮಿತವಾಗಿ ಬ್ಯಾಕಪ್ ಚಾಟ್’ಗಳಿಗೆ ಸೆಟ್ಟಿಂಗ್‌’ಗಳನ್ನು ಹೊಂದಿಸಬೇಕು. ಪರಿಣಾಮವಾಗಿ ಡೇಟಾವನ್ನು ಸುಲಭವಾಗಿ ಅಪ್ಲಿಕೇಶನ್’ಗೆ ಮರಳಿ ಪಡೆಯಬಹುದು.
ಗೂಗಲ್ ಡ್ರೈವ್ : ವಾಟ್ಸಾಪ್ ಚಾಟ್‌ಗಳನ್ನು ಬ್ಯಾಕಪ್ ಮಾಡಲು ಅನೇಕ ಜನರು ಗೂಗಲ್ ಡ್ರೈವ್ ಬಳಸುತ್ತಾರೆ. ಆಂಡ್ರಾಯ್ಡ್ ಫೋನ್ ಬಳಕೆದಾರರಿಗೆ ಇದು ವಿಶೇಷವಾಗಿ ಉಪಯುಕ್ತವಾಗಿದೆ. WhatsApp ಚಾಟ್’ಗಳನ್ನ ಮೊದಲು Google ಡ್ರೈವ್’ನಲ್ಲಿ ಉಳಿಸಿದರೆ, ನಂತರ ಯಾವುದೇ ಸಮಸ್ಯೆ ಉಂಟಾದರೆ ಆ ಚಾಟ್’ಗಳನ್ನ ಮರುಪಡೆಯುವುದು ತುಂಬಾ ಸುಲಭ. ಅಂದರೆ ಫೋನ್ ಹಾನಿಗೊಳಗಾದರೂ ಅಥವಾ ನೀವು ಹೊಸ ಫೋನ್ ಖರೀದಿಸಿದರೂ ಸಹ ಎಲ್ಲಾ ಪ್ರಮುಖ ಸಂದೇಶಗಳು, ಫೋಟೋಗಳು ಮತ್ತು ವೀಡಿಯೊಗಳು ಸುರಕ್ಷಿತವಾಗಿರುತ್ತವೆ.
* Google ಡ್ರೈವ್’ನಲ್ಲಿ ಬ್ಯಾಕಪ್ ಪ್ರಕ್ರಿಯೆ : ನಿಮ್ಮ ಫೋನ್‌ನಲ್ಲಿ WhatsApp ತೆರೆಯಿರಿ ಮತ್ತು ಮೇಲಿನ 3 ಚುಕ್ಕೆಗಳ ಮೇಲೆ ಕ್ಲಿಕ್ ಮಾಡಿ. ಸೆಟ್ಟಿಂಗ್‌ ಹೋಗಿ ಮತ್ತು ‘ಚಾಟ್ಸ್’ ಆಯ್ಕೆಗೆ ಹೋಗಿ. ಇಲ್ಲಿ ನೀವು ‘ಚಾಟ್ ಬ್ಯಾಕಪ್’ ಆಯ್ಕೆಯನ್ನು ನೋಡುತ್ತೀರಿ. ಅದರ ಮೇಲೆ ಕ್ಲಿಕ್ ಮಾಡಿ ಮತ್ತು Google ಖಾತೆಯನ್ನ ಸಂಪರ್ಕಿಸಿ. ಮುಂದೆ ನೀವು ಚಾಟ್’ಗಳನ್ನ ಹೇಗೆ ಬ್ಯಾಕಪ್ ಮಾಡಲು ಬಯಸುತ್ತೀರಿ ಎಂಬುದನ್ನ ಹೊಂದಿಸಿ. ಇಂದಿನಿಂದ ನೀವು ಮಾಡುವ ಯಾವುದೇ ಚಾಟ್ ಬ್ಯಾಕಪ್ ಮಾಡಲಾಗುತ್ತದೆ. ಯಾವಾಗ ಬೇಕಾದರೂ ಅಳಿಸುವ ಬಗ್ಗೆ ಚಿಂತಿಸಬೇಕಾಗಿಲ್ಲ.
BREAKING : ಮತ್ತೊಂದು ಹಂತಕ್ಕೆ ತಿರುಗಿದ ಯುದ್ಧ ; ಉಕ್ರೇನ್ ಮೇಲೆ ರಷ್ಯಾ ‘ಖಂಡಾಂತರ ಬ್ಯಾಲಿಸ್ಟಿಕ್ ಕ್ಷಿಪಣಿ’ ದಾಳಿ
BREAKING : ಬೆಂಗಳೂರಲ್ಲಿ ತುಪ್ಪದ ವ್ಯಾಪಾರಿಯ ಬರ್ಬರ ಕೊಲೆ : ಮಚ್ಚಿನಿಂದ ಕೊಚ್ಚಿ ಭೀಕರವಾಗಿ ಕೊಂದ ದುಷ್ಕರ್ಮಿಗಳು
