ಬೆಂಗಳೂರು: ರಾಜ್ಯದ ವಿವಿಧ ವಸತಿ ಶಾಲೆ ಹಾಗೂ ವಿದ್ಯಾರ್ಥಿನಿಲಯಗಳ ವ್ಯವಸ್ಥಿತ ನಿರ್ವಹಣೆ ಮತ್ತು ಪಾರದರ್ಶಕತೆಯನ್ನು ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಸರ್ಕಾರವು ಮಹತ್ವದ ಸೂಚನೆ ನೀಡಿದೆ. ವಿದ್ಯಾರ್ಥಿನಿಲಯಗಳ ಸ್ಥಾಪನೆಯ ಮೂಲ ಉದ್ದೇಶಗಳನ್ನು ಈಡೇರಿಸಲು ಹಾಗೂ ಆಡಳಿತಾತ್ಮಕ ಶಿಸ್ತು ತರಲು ವಾರ್ಡನ್ಗಳು ಮತ್ತು ಶಿಕ್ಷಕರು ನಿಗದಿತ ದಾಖಲಾತಿಗಳನ್ನು ಕಟ್ಟುನಿಟ್ಟಾಗಿ ನಿರ್ವಹಿಸುವುದು ಇನ್ಮುಂದೆ ಕಡ್ಡಾಯವಾಗಲಿದೆ.
ವಸತಿ ನಿಲಯಗಳ ದೈನಂದಿನ ಚಟುವಟಿಕೆಗಳು, ಆಹಾರ ಸರಬರಾಜು, ವಿದ್ಯಾರ್ಥಿಗಳ ಹಾಜರಾತಿ ಮತ್ತು ಇತರ ಮೂಲಸೌಕರ್ಯಗಳ ಮೇಲೆ ನಿಗಾ ಇಡಲು ಈ ರಿಜಿಸ್ಟರ್ಗಳು ಸಹಕಾರಿಯಾಗಲಿವೆ. ಜಿಲ್ಲಾ ಮತ್ತು ತಾಲ್ಲೂಕು ಮಟ್ಟದ ಮೇಲಾಧಿಕಾರಿಗಳು ಭೇಟಿ ನೀಡಿದಾಗ ಉಸ್ತುವಾರಿ ಮತ್ತು ತಪಾಸಣೆ ನಡೆಸಲು ಪೂರಕ ದಾಖಲೆಗಳು ಲಭ್ಯವಿರುತ್ತವೆ.
ವಸತಿ ಶಾಲೆ/ವಿದ್ಯಾರ್ಥಿನಿಲಯಗಳಲ್ಲಿ ನಿರ್ವಹಿಸಬೇಕಾದ ದಾಖಲಾತಿಗಳು
ಈ ಹಿಂದಿನ ಅಧ್ಯಾಯಗಳಲ್ಲಿ ವಿದ್ಯಾರ್ಥಿನಿಲಯಗಳ ಸ್ಥಾಪನೆ ಹಾಗೂ ನಿರ್ವಹಣೆಯ ಹಿಂದಿನ ಉದ್ದೇಶಗಳನ್ನು ವಿವರಿಸಲಾಗಿದೆ. ಮುಂದುವರೆದು, ವಿದ್ಯಾರ್ಥಿನಿಲಯಗಳ ಸಮರ್ಪಕ ನಿರ್ವಹಣೆ ದೃಷ್ಟಿಯಿಂದ ಶಿಕ್ಷಕರು/ವಾರ್ಡನ್ರವರು ವಿವಿಧ ರಿಜಿಸ್ಟರ್ಗಳನ್ನು ನಿರ್ವಹಿಸಬೇಕಾಗಿದ್ದು, ವಿವರಗಳು ಈ ಕೆಳಕಂಡಂತಿವೆ. ಈ ರಿಜಿಸ್ಟರ್ಗಳನ್ನು ಪ್ರತಿ ವಸತಿ ನಿಲಯದಲ್ಲಿಯೂ ನಿರ್ವಹಿಸುವುದರಿಂದ ಇಲಾಖೆಯ ವಸತಿ ನಿಲಯಗಳ ನಿರ್ವಹಣೆಯಲ್ಲಿ ಏಕರೂಪತೆ ಸಾಧಿಸುವುದಲ್ಲದೆ. ಮೇಲಾಧಿಕಾರಿಗಳು ಸಮಪರ್ಕವಾಗಿ ಉಸ್ತುವಾರಿಯನ್ನು ಹಾಗೂ ತಪಾಸಣೆಯನ್ನು ಮಾಡಲು ಸಾಧ್ಯವಾಗುತ್ತದೆ. ಈ ವಹಿಗಳನ್ನು ಇಲಾಖೆ ಮುಖ್ಯಸ್ಥರು ಅಥವಾ ಜಿಲ್ಲಾ ಮಟ್ಟದ ಅಧಿಕಾರಿಗಳು ಉತ್ತಮ ಗುಣಮಟ್ಟದ ಕಾಗದದಲ್ಲಿ ಮುದ್ರಿಸಿ ತಾಲ್ಲೂಕು ಮಟ್ಟದ ಅಧಿಕಾರಿಗಳ ಮೂಲಕ ಎಲ್ಲಾ ವಸತಿ ನಿಲಯಗಳಿಗೆ ವಿತರಿಸುವುದು.
ನಿರ್ವಹಿಸಬೇಕಾದ ರಿಜಿಸ್ಟರ್ಗಳು :-
1. ವಿದ್ಯಾರ್ಥಿಗಳ ಪ್ರವೇಶ ರಿಜಿಸ್ಟರ್
2. ಎಚ್ಚರಿಕೆ ಹಣದ ಸಂಗ್ರಹಣೆ. ವಿತರಣೆ ರಿಜಿಸ್ಟರ್
3. ಸಿಬ್ಬಂದಿ ಹಾಜರಾತಿ ರಿಜಿಸ್ಟರ್
4. ವಸತಿ ಶಾಲೆ/ವಿದ್ಯಾರ್ಥಿನಿಲಯದ ವಿದ್ಯಾರ್ಥಿಗಳ ಹಾಜರಾತಿ ರಿಜಿಸ್ಟರ್
5. ವಿದ್ಯಾರ್ಥಿಗಳ ಶಾಲಾ/ಕಾಲೇಜು ಹಾಜರಾತಿ ರಿಜಿಸ್ಟರ್
6. ಬೇಡಿಕೆ ಪತ್ರದ ರಿಜಿಸ್ಟರ್
7. ಬಿಲ್ಗಳ ಪ್ರತಿಗಳ ರಿಜಿಸ್ಟರ್
8. ಆಹಾರ ಪದಾರ್ಥಗಳ ಶೇಖರಣೆ, ವಿತರಣೆ ರಿಜಿಸ್ಟರ್
9. ಕಿರು ಪರೀಕ್ಷೆಗಳ ಅಂಕಪಟ್ಟಿ ರಿಜಿಸ್ಟರ್
10. ಆರೋಗ್ಯ ತಪಾಸಣಾ ರಿಜಿಸ್ಟರ್
11. ವಾರ್ಷಿಕ ಫಲಿತಾಂಶ ರಿಜಿಸ್ಟರ್
12. ಸಾಂಸ್ಕೃತಿಕ ಚಟುವಟಿಕೆ ರಿಜಿಸ್ಟರ್
13. ವಿದ್ಯಾರ್ಥಿಗಳ ರಜಾ ಅರ್ಜಿ ರಿಜಿಸ್ಟರ್
14. ಜಡಸರಕುಗಳ ರಿಜಿಸ್ಟರ್
15. ಗ್ರಂಥಾಲಯ ಸ್ಟಾಕ್ ರಿಜಿಸ್ಟರ್
16. ಗ್ರಂಥಾಲಯ ಪುಸ್ತಕಗಳ ಸ್ವೀಕರಣೆ, ವಿತರಣೆ ರಿಜಿಸ್ಟರ್
17. ವೃತ್ತ ಪತ್ರಿಕೆಗಳ ಸ್ಪಾಕ್ ರಿಜಿಸ್ಟರ್
18. ಅರೆಕಾಲಿಕ ಭೋದಕರ ಹಾಜರಾತಿ ರಿಜಿಸ್ಟರ್
19. ಪರಿವೀಕ್ಷಣಾ ರಿಜಿಸ್ಟರ್
20. ವಿದ್ಯುತ್ ಸಾಮಾಗ್ರಿಗಳ ಸ್ಟಾಕ್, ವಿತರಣಾ ರಿಜಿಸ್ಟರ್
21. ಸಂಕೀರ್ಣ ವಸ್ತುಗಳ ಸ್ಟಾಕ್, ವಿತರಣೆ ರಿಜಿಸ್ಟರ್
22. ಸಮವಸ್ತ್ರಗಳ ಸ್ಪಾಕ್, ವಿತರಣೆ ರಿಜಿಸ್ಟರ್
23. ಪಠ್ಯಪುಸ್ತಕ, ಲೇಖನ ಸಾಮಾಗ್ರಿಗಳ ಸ್ಟಾಕ್, ವಿತರಣೆ ರಿಜಿಸ್ಟರ್
24. ಕ್ರೀಡಾ ಸಾಮಾಗ್ರಿಗಳ ಸ್ಟಾಕ್, ವಿತರಣೆ ರಿಜಿಸ್ಟರ್
25. ಸಂದರ್ಶಕರ ರಿಜಿಸ್ಟರ್
26. ಪ್ರತಿ ವಿದ್ಯಾರ್ಥಿಗಳ ವೈಯಕ್ತಿಕ ಕಡತ
27. ಚಲನವಲನ ರಿಜಿಸ್ಟರ್
28. ಸರ್ಕಾರಿ ಆದೇಶ/ ಸುತ್ತೋಲೆಗಳ ನಿರ್ವಹಣೆ ರಿಜಿಸ್ಟರ್
