ಕೆಎನ್ ಎನ್ ಡಿಜಿಟಲ್ ಡೆಸ್ಕ್ : ವೇಗದ ಜೀವನ ಆಫೀಸಿನ ಕೆಲಸದ ಒತ್ತಡ. ಇವುಗಳ ನಡುವೆ ಮನೆಯ ಬೇರೆ ಕೆಲಸ ಮಾಡಿಕೊಳ್ಳಲು ಸಮಯವಿಲ್ಲ. ಕೆಲವೊಮ್ಮೆ ಸಮಯವಿದ್ದರೂ ಸೋಮಾರಿತನ ಹೀಗಾಗಿ ಅದೆಷ್ಟೋ ಅಡುಗೆ ಪದಾರ್ಥಗಳನ್ನು ಹೊರಗಡೆ ಅಂಗಡಿಯಿಂದ ತರುತ್ತಿದ್ದೇವೆ. ಅವುಗಳಲ್ಲಿ ಖಾರದ ಪುಡಿ ಸಹ ಒಂದು. ಖಾರದ ಪುಡಿ ಮನೆಯಲ್ಲೇ ಮಾಡುವುದು ತುಂಬಾ ರಗಳೆ. ಹಾಗು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಹೀಗಾಗಿ ಅಂಗಡಿಯಿಂದ ತಂದ ಖಾರದ ಪುಡಿ ಎಷ್ಟು ಸೇಫ್. ಅದು ಅಸಲಿಯೋ ನಕಲಿಯೋ ಎಂದು ಪರೀಕ್ಷೆ ಮಾಡೋದು ಹೇಗೆ ಎಂದು ತಿಳಿದುಕೊಳ್ಳೋಣ.
ಒಂದು ಪಾರದರ್ಶಕಯುಕ್ತ ಗಾಜಿನ ಲೋಟ ತೆಗೆದುಕೊಳ್ಳಿ. ಇದಕ್ಕೆ ನೀರು ತುಂಬಿ. ನಂತರ ಇದಕ್ಕೆ ಅಂಗಡಿಯಿಂದ ತಂದ ಕೆಂಪು ಮೆಣಸಿನಕಾಯಿ ಪುಡಿಯನ್ನು ಹಾಕಿ. ಒಂದು ವೇಳೆ ನೀವು ತಂದ ಖಾರದ ಪುಡು ನಕಲಿ ಅಥವಾ ಕೃತಕದ್ದಾಗಿದ್ದರೆ, ನೀರು ಅದರ ಬಣ್ಣ ಬದಲಾಯಿಸುತ್ತದೆ. ಒಂದು ವೇಳೆ ಆ ಖಾರದ ಪುಡಿಯಲ್ಲಿ ಇಟ್ಟಿಗೆ ಪುಡಿ ಬೆರೆತಿದ್ದರೆ ಅದು ಬಣ್ಣ ಬಿಡುತ್ತದೆ. ಕೆಂಪು-ಕಂದು ಬಣ್ಣಕ್ಕೆ ನೀರು ತಿರುಗುತ್ತದೆ.
ಈ ಮಿಶ್ರಣವನ್ನು ಅಂಗೈಗೆ ಹಾಕಿ ಉಜ್ಜಿ. ಹೀಗೆ ಉಜ್ಜಿದಾಗ ಗಡಸುತನ ಅನುಭವಿಸಿದರೆ ಅದರಲ್ಲಿ ಇಟ್ಟಿಗೆ ಪುಡಿ ಅಥವಾ ಮರಳು ಇದೆ ಎಂದು ಅರ್ಥ. ಕೆಲವೊಮ್ಮೆ ಕೆಂಪು ಬಳಪದ ಪುಡಿಯನ್ನೂ ಬೆರೆಸಿ ಮೋಸ ಮಾಡುತ್ತಾರೆ. ಲೋಟದ ಕೆಳಭಾಗದಲ್ಲಿ ಬಳಪದ ಭಾಗ ಶೇಖರೆಣೆಯಾಗಿದ್ದರೆ ಅದರಲ್ಲಿ ಮೋಸ ಇದೆ ಎಂದು ತಿಳಿದುಕೊಳ್ಳಿ.
ಶುದ್ಧವಾದ ಕೆಂಪು ಮೆಣಸಿನಕಾಯಿ ಪುಡಿ ನೀರಿನೊಂದಿಗೆ ಕರಗುವುದಿಲ್ಲ ಹಾಗು ನೀರಿನ ಬಣ್ಣ ಬದಲಾಗುವುದಿಲ್ಲ. ಹೀಗೆ ಖಾರದ ಪುಡಿ ಕಲಬೆರೆಕೆಯನ್ನು ಪರೀಕ್ಷಿಸುವ ಅತ್ಯಂತ ಸುಲಭವಾದ ಮಾರ್ಗವಾಗಿದೆ.