ನವದೆಹಲಿ : ಭಾರತ ತನ್ನ ನೆರೆಯ ರಾಷ್ಟ್ರ ಪಾಕಿಸ್ತಾನಕ್ಕೆ ಭಾರಿ ಹೊಡೆತ ನೀಡಿದೆ. ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ವಿಳಂಬವಾದ ನಂತರ, ಭಾರತವು ಅಂತಿಮವಾಗಿ ಸಾವಲ್ಕೋಟ್ ವಿದ್ಯುತ್ ಯೋಜನೆಯ ನಿರ್ಮಾಣವನ್ನ ಶೀಘ್ರದಲ್ಲೇ ಪ್ರಾರಂಭಿಸಲು ನಿರ್ಧರಿಸಿದೆ.
ಜಮ್ಮು ಮತ್ತು ಕಾಶ್ಮೀರದ ರಾಂಬನ್ ಜಿಲ್ಲೆಯಲ್ಲಿ ಈ ಮಹತ್ವಾಕಾಂಕ್ಷೆಯ ವಿದ್ಯುತ್ ಯೋಜನೆಗೆ ಭಾರತ ಸರ್ಕಾರ ಅಂತರರಾಷ್ಟ್ರೀಯ ಟೆಂಡರ್‌’ಗಳನ್ನು ಆಹ್ವಾನಿಸಿದೆ. 1856 ಮೆಗಾವ್ಯಾಟ್ ವಿದ್ಯುತ್ ಯೋಜನೆಗೆ ಆನ್‌ಲೈನ್ ಬಿಡ್‌’ಗಳನ್ನು ಸಲ್ಲಿಸಲು ಕೊನೆಯ ದಿನಾಂಕವನ್ನ ಸೆಪ್ಟೆಂಬರ್ 10 ಎಂದು ನಿಗದಿಪಡಿಸಲಾಗಿದೆ.
ಆಡಳಿತಾತ್ಮಕ ಅಡೆತಡೆಗಳು, ಪರಿಸರ ಸಮಸ್ಯೆಗಳು ಮತ್ತು ಪಾಕಿಸ್ತಾನದ ಆಕ್ಷೇಪಣೆಗಳಿಂದಾಗಿ ಸಾವಲ್ಕೋಟ್ ವಿದ್ಯುತ್ ಯೋಜನೆ ದಶಕಗಳಿಂದ ವಿಳಂಬವನ್ನ ಎದುರಿಸಿದೆ. ಜಮ್ಮು ಮತ್ತು ಕಾಶ್ಮೀರದ ರಾಂಬನ್ ಜಿಲ್ಲೆಯ ಚೆನಾಬ್ ನದಿಯಲ್ಲಿ ಈ ವಿದ್ಯುತ್ ಯೋಜನೆಯನ್ನ ಪ್ರಾರಂಭಿಸಲಾಗುವುದು.
ಸಿಂಧೂ ನದಿ ಒಪ್ಪಂದವನ್ನ ಸ್ಥಗಿತಗೊಳಿಸಿದ ನಂತರ, ಸ್ಥಗಿತಗೊಂಡ ಈ ಯೋಜನೆಯನ್ನ ಪುನರಾರಂಭಿಸುವುದು ಪಾಕಿಸ್ತಾನಕ್ಕೆ ಎರಡು ಪಟ್ಟು ಹೊಡೆತವಾಗಲಿದೆ. ಪಾಕಿಸ್ತಾನದ ಕಡೆಗೆ ಹರಿಯುವ ನೀರನ್ನು ನಿಲ್ಲಿಸಲು ನಾವು ನೀರಿನ ಸಂಗ್ರಹ ಸಾಮರ್ಥ್ಯವನ್ನು ಹೆಚ್ಚಿಸಬೇಕಾಗಿದೆ ಎಂದು ತಜ್ಞರು ಹೇಳುತ್ತಾರೆ.
ಸಾವಲ್ಕೋಟ್ ಯೋಜನೆ ಪೂರ್ಣಗೊಂಡ ನಂತರ, ಭಾರತವು ಸಿಂಧೂ ನದಿಯ ನೀರನ್ನು ಉತ್ತಮವಾಗಿ ಬಳಸಿಕೊಳ್ಳಲು ಸಾಧ್ಯವಾಗುತ್ತದೆ ಎಂದು ಹೇಳಲಾಗುತ್ತಿದೆ.
BREAKING : ಧರ್ಮಸ್ಥಳದಲ್ಲಿ ಶವಗಳ ಹೂತಿಟ್ಟ ಕೇಸ್ : 6 ನೇ ಪಾಯಿಂಟ್ ನಲ್ಲಿ ಶೋಧ ಕಾರ್ಯ ಮುಕ್ತಾಯ.!
BREAKING : ‘NDA’ ತೊರೆದ ತಮಿಳುನಾಡು ಮಾಜಿ ಮುಖ್ಯಮಂತ್ರಿ ‘ಒ. ಪನ್ನೀರ್ ಸೆಲ್ವಂ’
