ನವದೆಹಲಿ: ಪಾಕಿಸ್ತಾನದ ದಾಳಿಗೆ ಭಾರತ ಪ್ರತಿ ದಾಳಿ ನಡೆಸುತ್ತಿದೆ. ಪಾಕಿಸ್ತಾನದ ಆಕ್ರಮಣಕ್ಕೆ ಭಾರತ ಪ್ರತೀಕಾರ ತೀರಿಸಿಕೊಳ್ಳುತ್ತಿದ್ದಂತೆ ರಹೀಮ್ ಯಾರ್ ಖಾನ್ ವಾಯುನೆಲೆಯನ್ನು ಭಾರತೀಯ ಸೇನೆ ಕ್ಷಿಪಣಿ ಉಡಾಯಿಸಿ ಛಿದ್ರಗೊಳಿಸಿದೆ.
ಶುಕ್ರವಾರ ರಾತ್ರಿ ಅಪ್ರಚೋದಿತ ಉದ್ವಿಗ್ನತೆಗೆ ಪ್ರತೀಕಾರವಾಗಿ ಭಾರತೀಯ ಸಶಸ್ತ್ರ ಪಡೆಗಳು ಪಾಕಿಸ್ತಾನದಲ್ಲಿನ ಮಿಲಿಟರಿ ಗುರಿಗಳ ಮೇಲೆ ದಾಳಿ ನಡೆಸಿದಾಗ, ರಹೀಮ್ ಯಾರ್ ಖಾನ್ ವಾಯುನೆಲೆ ಛಿದ್ರಗೊಂಡಿರುವ ದೃಶ್ಯಗಳು ಕಾಣಿಸಿಕೊಂಡವು.
ಇದೀಗ ಪಾಕಿಸ್ತಾನದ ರಹೀಮ್ ಯಾರ್ ಖಾನ್ ವಾಯುನೆಲೆ ಛಿದ್ರಗೊಂಡಿರುವಂತ ವೀಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ವೈರಲ್ ಆಗಿರುವಂತ ವೀಡಿಯೋದಲ್ಲಿ ಕಟ್ಟಡ ಸಂಪೂರ್ಣವಾಗಿ ನಾಶವಾಗಿರುವುದನ್ನು, ಬಾಗಿಲುಗಳು ಮುರಿದುಹೋಗಿರುವುದನ್ನು ಮತ್ತು ನೆಲದ ಮೇಲೆ ಹರಡಿರುವ ಅವಶೇಷಗಳನ್ನು ಕಾಣಬಹುದಾಗಿದೆ.
First visuals show Pakistan's Rahim Yar Khan airbase in tatters after India's retaliatory strike
"Rahim Yar Khan is an important military base, and an important target for us": Lt Gen (R) Shankar P, Ex-DG, Infantry@RShivshankar | #OperationSindoor #IndiaPakistanTensions… pic.twitter.com/i5KXZziAMC
— News18 (@CNNnews18) May 10, 2025
ಭಾರತೀಯ ಮಿಲಿಟರಿ ನೆಲೆಗಳನ್ನು ನಾಶಮಾಡುವ ಮತ್ತು ನಾಗರಿಕರ ಸಾವುನೋವುಗಳನ್ನು ಉಂಟುಮಾಡುವ ಗುರಿಯನ್ನು ಹೊಂದಿರುವ ಪಾಕಿಸ್ತಾನದ ಸೇನೆಯು ನಿನ್ನೆ ರಾತ್ರಿ ಡ್ರೋನ್ಗಳು ಮತ್ತು ಆರು ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಭಾರತದೊಳಗೆ ಕಳುಹಿಸಿದಾಗ ಪಾಕಿಸ್ತಾನದ ದಾಳಿಗೆ ಭಾರತ ಬಲವಾಗಿ ಪ್ರತಿಕ್ರಿಯಿಸಿತು. ಭಾರತದ ವಾಯು ರಕ್ಷಣಾ ವ್ಯವಸ್ಥೆಗಳು ಅವರ ಎಲ್ಲಾ ಸ್ಪೋಟಕಗಳನ್ನು ಆಕಾಶದಲ್ಲಿ ಹೊಡೆದುರುಳಿಸಿ, ಸಂಭವನೀಯ ವಿಪತ್ತನ್ನು ತಪ್ಪಿಸಿದವು.
Watch Video: ಪಾಕಿಸ್ತಾನದ ಉಗ್ರ ನೆಲೆ ಧ್ವಂಸಗೊಳಿಸಿದ ಮತ್ತೊಂದು ವೀಡಿಯೋ ಬಿಡುಗಡೆ ಮಾಡಿದ ಭಾರತೀಯ ಸೇನೆ
