ನವದೆಹಲಿ: ಮಾನವ ಹಕ್ಕುಗಳ ಉಲ್ಲಂಘನೆಯ ಬಗ್ಗೆ ಯುಎಸ್ ಸ್ಟೇಟ್ ಡಿಪಾರ್ಟ್ಮೆಂಟ್ನ ಇತ್ತೀಚಿನ ವರದಿಯನ್ನು ಭಾರತ ಸ್ಪಷ್ಟವಾಗಿ ತಿರಸ್ಕರಿಸಿದೆ. ಮಣಿಪುರ ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲಿ ಮಾನವ ಹಕ್ಕುಗಳ ಉಲ್ಲಂಘನೆಯಾಗಿದೆ ಎಂದು ಅಮೆರಿಕ ತನ್ನ ವರದಿಯಲ್ಲಿ ತಿಳಿಸಿದೆ. ಭಾರತ ಸರ್ಕಾರವು ಈ ವರದಿಯನ್ನ ತಾರತಮ್ಯ ಎಂದು ಕರೆದಿದೆ. ಯುಎಸ್ ಸ್ಟೇಟ್ ಡಿಪಾರ್ಟ್ಮೆಂಟ್ನ ಈ ದಾಖಲೆಯು ಪಕ್ಷಪಾತದಿಂದ ಕೂಡಿದೆ ಎಂದು ವಿದೇಶಾಂಗ ಸಚಿವಾಲಯ ಹೇಳಿದೆ. ಇದು ಭಾರತದ ಬಗ್ಗೆ ಅವರ ಕಳಪೆ ತಿಳುವಳಿಕೆಯನ್ನ ತೋರಿಸುತ್ತದೆ.
ಅಮೆರಿಕದಲ್ಲಿ ಜನಾಂಗೀಯ ಹಿಂಸಾಚಾರ ಮತ್ತು ಗುಂಡಿನ ದಾಳಿಯ ಪ್ರಕರಣಗಳನ್ನ ಭಾರತ ಉಲ್ಲೇಖಿಸಿದೆ. ವಿದೇಶಾಂಗ ಸಚಿವಾಲಯದ ವಕ್ತಾರ ರಣಧೀರ್ ಜೈಸ್ವಾಲ್ ಗುರುವಾರ ಸಾಪ್ತಾಹಿಕ ಮಾಧ್ಯಮಗೋಷ್ಠಿಯಲ್ಲಿ, ವೈವಿಧ್ಯಮಯ ಸಮಾಜವಾಗಿ, ಭಾರತವು ಧಾರ್ಮಿಕ ಸ್ವಾತಂತ್ರ್ಯ ಮತ್ತು ಮಾನವ ಹಕ್ಕುಗಳನ್ನು ಗೌರವಿಸುತ್ತದೆ. ಅಮೆರಿಕದೊಂದಿಗಿನ ನಮ್ಮ ಮಾತುಕತೆಯಲ್ಲಿ, ನಾವು ಅಲ್ಲಿನ ಸಮಸ್ಯೆಗಳ ಬಗ್ಗೆ ಗಮನ ಸೆಳೆದಿದ್ದೇವೆ. ಇದು ಜನಾಂಗ ಮತ್ತು ಮೂಲದ ಆಧಾರದ ಮೇಲೆ ಹಲ್ಲೆ, ದ್ವೇಷದ ಅಪರಾಧಗಳು ಮತ್ತು ಬಂದೂಕು ಹಿಂಸಾಚಾರದ ಸಮಸ್ಯೆಗಳನ್ನ ಒಳಗೊಂಡಿದೆ” ಎಂದು ಹೇಳಿದರು.
“ಅಮೆರಿಕದೊಂದಿಗಿನ ನಮ್ಮ ಚರ್ಚೆಗಳಲ್ಲಿ, ದೇಶದಲ್ಲಿ ಜನಾಂಗೀಯ ಪ್ರೇರಿತ ದಾಳಿಗಳು, ದ್ವೇಷದ ಅಪರಾಧಗಳು ಮತ್ತು ಬಂದೂಕು ಹಿಂಸಾಚಾರಕ್ಕೆ ಸಂಬಂಧಿಸಿದ ವಿಷಯಗಳ ಬಗ್ಗೆ ನಾವು ನಿರಂತರವಾಗಿ ನಮ್ಮ ಕಳವಳಗಳನ್ನು ಎತ್ತಿದ್ದೇವೆ. ರಾಜಕೀಯ ಪ್ರೇರಿತ ನಿರೂಪಣೆಗಳು ಮತ್ತು ಮತ ಬ್ಯಾಂಕಿನ ಆಲೋಚನೆಗಳ ಆಧಾರದ ಮೇಲೆ ಯಾವುದೇ ತೀರ್ಮಾನಗಳನ್ನು ತೆಗೆದುಕೊಳ್ಳಬಾರದು. ನಾವು ಈ ವರದಿಯನ್ನು ಸಾರಾಸಗಟಾಗಿ ತಿರಸ್ಕರಿಸುತ್ತೇವೆ” ಎಂದರು.
ರಣಧೀರ್ ಜೈಸ್ವಾಲ್, “ರಾಜಕೀಯ ಪ್ರೇರಿತ ಒಳಹರಿವುಗಳನ್ನು ಆಧರಿಸಿದ ಮೌಲ್ಯಮಾಪನವನ್ನು ತಪ್ಪಿಸಬೇಕು ಎಂದು ನಾವು ಒತ್ತಾಯಿಸುತ್ತೇವೆ. ಭಾರತವು ಧಾರ್ಮಿಕ ಸ್ವಾತಂತ್ರ್ಯ ಮತ್ತು ಮಾನವ ಹಕ್ಕುಗಳನ್ನು ಗೌರವಿಸುತ್ತದೆ” ಎಂದು ಹೇಳಿದರು.
‘iMobile app’ ಬಳಸಿ ಇತರ ಗ್ರಾಹಕರ ವಿವರಗಳ ಮೇಲೆ ಕಣ್ಣಿಟ್ಟ ಹಲವು ‘ICICI ಬ್ಯಾಂಕ್ ಬಳಕೆದಾರರು’
ಏ.28ರಂದು ಬೆಂಗಳೂರಲ್ಲಿ TCS ವರ್ಲ್ಡ್ 10K ಓಟ ಸ್ಪರ್ಧೆ: ಬೆಳಿಗ್ಗೆ 3.35ಕ್ಕೆ ಮೆಟ್ರೋ ಸಂಚಾರ ಆರಂಭ
BREAKING : ಲಷ್ಕರ್-ಎ-ಇಸ್ಲಾಂ ಕಮಾಂಡರ್, ISI ಏಜೆಂಟ್ ‘ಹಾಜಿ ಅಕ್ಬರ್ ಅಫ್ರಿದಿ’ ಅಪರಿಚಿತರಿಂದ ಗುಂಡಿಕ್ಕಿ ಹತ್ಯೆ
