ಮುಂಬೈ : ಅನಾರೋಗ್ಯದಿಂದ ಸಂಪಾದಿಸಲು ಸಾಧ್ಯವಾಗದ ತನ್ನ ಮಾಜಿ ಪತಿಗೆ ಮಾಸಿಕ 10,000 ರೂ.ಗಳ ಜೀವನಾಂಶವನ್ನ ಪಾವತಿಸುವಂತೆ ಬಾಂಬೆ ಹೈಕೋರ್ಟ್ ಉದ್ಯೋಗಸ್ಥ ಮಹಿಳೆಗೆ ನಿರ್ದೇಶನ ನೀಡಿದೆ.
ನ್ಯಾಯಮೂರ್ತಿ ಶರ್ಮಿಳಾ ದೇಶ್ಮುಖ್ ಅವರ ಏಕಸದಸ್ಯ ಪೀಠವು ಏಪ್ರಿಲ್ 2ರ ಆದೇಶದಲ್ಲಿ ಹಿಂದೂ ವಿವಾಹ ಕಾಯ್ದೆಯ ನಿಬಂಧನೆಗಳು ‘ಸಂಗಾತಿ’ ಎಂಬ ಪದವನ್ನ ಬಳಸುತ್ತವೆ ಮತ್ತು ಇದು ಗಂಡ ಮತ್ತು ಹೆಂಡತಿ ಇಬ್ಬರನ್ನೂ ಒಳಗೊಂಡಿರುತ್ತದೆ ಎಂದು ಗಮನಿಸಿದೆ.
“ಹಿಂದೂ ವಿವಾಹ ಕಾಯ್ದೆಯ ಸೆಕ್ಷನ್ 24 ರ ನಿಬಂಧನೆಗಳು ‘ಸಂಗಾತಿ’ ಎಂಬ ಪದವನ್ನು ಬಳಸುತ್ತವೆ ಮತ್ತು ಇದು ತನ್ನನ್ನು ತಾನು ಕಾಪಾಡಿಕೊಳ್ಳಲು ಸಾಧ್ಯವಾಗದ ಪತಿ ಅಥವಾ ಹೆಂಡತಿಯನ್ನು ಒಳಗೊಂಡಿರುತ್ತದೆ” ಎಂದು ಹೈಕೋರ್ಟ್ ಹೇಳಿದೆ.
ತನ್ನ ಮಾಜಿ ಪತಿ ತನ್ನ ವೈದ್ಯಕೀಯ ಕಾಯಿಲೆಗಳಿಂದಾಗಿ ಜೀವನೋಪಾಯವನ್ನು ಗಳಿಸುವ ಸ್ಥಿತಿಯಲ್ಲಿಲ್ಲ ಎಂಬ ಅಂಶವನ್ನು ಮಹಿಳೆ ನಿರಾಕರಿಸಿಲ್ಲ ಎಂದು ಹೈಕೋರ್ಟ್ ತನ್ನ ಆದೇಶದಲ್ಲಿ ತಿಳಿಸಿದೆ.
“ಪತಿಗೆ ತನ್ನನ್ನು ತಾನು ಕಾಪಾಡಿಕೊಳ್ಳಲು ಸಾಧ್ಯವಾಗದ ಕಾರಣ, ಆದಾಯದ ಮೂಲವನ್ನ ಹೊಂದಿರುವ ಹೆಂಡತಿ ಮಧ್ಯಂತರ ಜೀವನಾಂಶವನ್ನ ಪಾವತಿಸಲು ಬಾಧ್ಯಳಾಗಿದ್ದಾಳೆ” ಎಂದು ಹೈಕೋರ್ಟ್ ಹೇಳಿದೆ.
ತನ್ನ ಮಾಜಿ ಪತಿಗೆ ಮಾಸಿಕ 10,000 ರೂ.ಗಳ ಜೀವನಾಂಶವನ್ನ ಪಾವತಿಸುವಂತೆ ಸಿವಿಲ್ ನ್ಯಾಯಾಲಯವು ಮಾರ್ಚ್ 2020ರಲ್ಲಿ ಹೊರಡಿಸಿದ ಆದೇಶವನ್ನ ಪ್ರಶ್ನಿಸಿ ಮಹಿಳೆ ಸಲ್ಲಿಸಿದ್ದ ಅರ್ಜಿಯನ್ನು ನ್ಯಾಯಪೀಠ ವಜಾಗೊಳಿಸಿತು.
BREAKING : ‘BRS’ ಪಕ್ಷದ ನಾಯಕಿ ಕೆ.ಕವಿತಾಗೆ ತಪ್ಪದ ಸಂಕಷ್ಟ : ಇಡಿ ಬೆನ್ನಲ್ಲೆ ‘CBI’ ನಿಂದ ಬಂಧನ
BREAKING : ದಾವಣಗೆರೆಯಲ್ಲಿ ‘KSRTC’ ಬಸ್-ಓಮಿನಿ ನಡುವೆ ಭೀಕರ ಅಪಘಾತ : 3 ಸಾವು 6ಕ್ಕೂ ಹೆಚ್ಚು ಜನರಿಗೆ ಗಾಯ
