ಭೋಪಾಲ್: ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ ಪ್ಯಾಕೆಟ್ನಲ್ಲಿ ಎರಡು ಲಡ್ಡುಗಳ ಬದಲು ಕೇವಲ ಒಂದು ಲಡ್ಡು ಸಿಕ್ಕಿದ್ದಕ್ಕಾಗಿ ಮಧ್ಯಪ್ರದೇಶದ ಭಿಂಡ್ನ ವ್ಯಕ್ತಿಯೊಬ್ಬರು ಮುಖ್ಯಮಂತ್ರಿಗಳ ಸಹಾಯವಾಣಿಗೆ ದೂರು ನೀಡಿದ್ದಾರೆ.
ನೌಧಾ ಗ್ರಾಮದಲ್ಲಿ ನಡೆದ ಸ್ವಾತಂತ್ರ್ಯ ದಿನಾಚರಣೆ ಕಾರ್ಯಕ್ರಮದಲ್ಲಿ ಸಾಂಪ್ರದಾಯಿಕ ಎರಡು ಲಡ್ಡುಗಳು ಸಿಗದ ಕಾರಣ ಅಸಮಾಧಾನಗೊಂಡ ಕಮಲೇಶ್ ಕುಶ್ವಾಹ ಅವರು ಸರಪಂಚ್ ಮತ್ತು ಕಾರ್ಯದರ್ಶಿ ವಿರುದ್ಧ ದೂರು ದಾಖಲಿಸಿದ್ದಾರೆ ಎಂದು ಅಧಿಕಾರಿಗಳು ಗುರುವಾರ ತಿಳಿಸಿದ್ದಾರೆ.
ದೂರಿನ ನಂತರ, ಹೆಚ್ಚಿನ ವಿತರಣೆಗಾಗಿ ಒಂದು ಕಿಲೋಗ್ರಾಂ ಲಡ್ಡುಗಳನ್ನು ಖರೀದಿಸಲಾಯಿತು, ಆದರೆ ಕುಶ್ವಾಹ ಅದನ್ನು ಸ್ವೀಕರಿಸಲು ನಿರಾಕರಿಸಿದರು ಎಂದು ಪಂಚಾಯತ್ ಕಾರ್ಯದರ್ಶಿ ರವೀಂದ್ರ ಶ್ರೀವಾಸ್ತವ ತಿಳಿಸಿದ್ದಾರೆ.
“ಕುಶ್ವಾಹ ಅವರಿಗೆ ಇಂತಹ ಕೆಲಸಗಳನ್ನು ಮಾಡುವ ಅಭ್ಯಾಸವಿದೆ. ಅವರು ಇಲ್ಲಿಯವರೆಗೆ ವಿವಿಧ ವಿಷಯಗಳ ಬಗ್ಗೆ ಸಿಎಂ ಸಹಾಯವಾಣಿಗೆ 107 ದೂರುಗಳನ್ನು ಸಲ್ಲಿಸಿದ್ದಾರೆ” ಎಂದು ಶ್ರೀವಾಸ್ತವ ಹೇಳಿದರು
