ಬೆಂಗಳೂರು : 2023-24ನೇ ಸಾಲಿನ ಪಿ.ಎಂ. ಪೋಷಣ್ ಕಾರ್ಯಕ್ರಮದಡಿ ಪಿ.ಎ.ಬಿ. ಅನುಮೋದನೆಯಂತ ಸರ್ಕಾರಿ ಮತ್ತು ಅನುದಾನಿತ ಶಾಲೆಗಳಿಗೆ 2012-13ನೇ ಸಾಲು ಹಾಗೂ 2014-15 ನೇ ಸಾಲಿನಲ್ಲಿ ಖರೀದಿಸಲಾಗಿದ್ದ ಅಡುಗೆ ಪಾತ್ರ-ಪರಿಕರಗಳ ಬದಲಾವಣೆಗಾಗಿ ಅನುಮೋದನ ನೀಡಿದ್ದು, ಅವುಗಳ ಬದಲಾವಣೆ ಪ್ರಕ್ರಿಯೆ ಕೈಗೊಳ್ಳುವ ಬಗ್ಗೆ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.
ಪಿ.ಎಂ. ಪೋಷಣ್ ಯೋಜನೆಯಡಿ 2023-24ನೇ ಸಾಲಿನ ಪಿ.ಎ.ಬಿ ಸಭಾ ನಡವಳಿಯಲ್ಲಿ ರಾಜ್ಯ ಸರ್ಕಾರವು ವಾರ್ಷಿಕ ಕ್ರಿಯಾ ಯೋಜನೆ ಮತ್ತು ಅನುದಾನ (AWP & B) ಮೂಲಕ ಸಲ್ಲಿಸಿದ ಪ್ರಸ್ತಾವನೆಯಂತೆ ರಾಜ್ಯದ ಒಟ್ಟು 14030 (ಸರ್ಕಾರಿ/ಅನುದಾನಿತ ಶಾಲೆ) ಗಳಿಗೆ ಹಳೆಯದಾದ ಅಡುಗೆ ಪಾತ್ರ-ಪರಿಕರಗಳ ಬದಲಾವಣೆಗೆ ಅನುಮೋದನೆ ನೀಡಿರುತ್ತಾರೆ.
ಉಲ್ಲೇಖ (2) (ಪ್ರತಿ ಲಗತ್ತಿಸಿದೆ) ರ ಕೇಂದ್ರ ಸರ್ಕಾರದ ಆದೇಶದನ್ವಯ 14030 ಸರ್ಕಾರಿ / ಅನುದಾನಿತ ಶಾಲೆಗಳಲ್ಲಿ ಪಾತ್ರ-ಪರಿಕರಗಳ ಬದಲಾವಣೆಗೆ ಅನುದಾನ ಹಂಚಿಕೆ ಮಾಡಿ ಈ ಕೆಳಕಂಡಂತೆ ಶಾಲೆಗಲ್ಲಿನ ಮಕ್ಕಳ ಸಂಖ್ಯೆಗೆ ಅನುಗುಣವಾಗಿ ಘಟಕ ವೆಚ್ಚವನ್ನು ನಿಗದಿಪಡಿಸಲಾಗಿರುತ್ತದೆ.
ಉಲ್ಲೇಖ-3 (ಪ್ರತಿ ಲಗತ್ತಿಸಿದೆ) ರ ಸರ್ಕಾರದ ಆದೇಶದನ್ವಯ 2023-24ನೇ ಸಾಲಿಗೆ 2012-13 ಮತ್ತು 2014-15ನೇ ಸಾಲಿನಲ್ಲಿ ಮಂಜೂರು ಮಾಡಲಾಗಿದ್ದ ಒಟ್ಟು 18971 ಶಾಲೆಗಳ ಪೈಕಿ 14030 ಶಾಲೆಗಳ ಅಡುಗೆ ಪಾತ್ರ-ಪರಿಕರಗಳ ಬದಲಾವಣೆ ಮಾಡಿ ಹೊಸದಾಗಿ ಅಡುಗೆ ಪಾತ್ರಗಳನ್ನು ಖರೀದಿಸಲು ಅಗತ್ಯವಿರುವ ಕೇಂದ್ರದ ಪಾಲು ರೂ. 1032.06 ಲಕ್ಷಗಳು + ರಾಜ್ಯದ ಪಾಲು ರೂ. 688.04 ಲಕ್ಷಗಳು ರೂ. 1720.10 ಲಕ್ಷಗಳ ಅನುದಾನವನ್ನು ಈಗಾಗಲೇ ನಿಗದಿಯಾಗಿರುವ ಅನಾವರ್ತಕ ಅನುದಾನ (Non-recurring grants)ದಡಿ ಪಿ.ಎಂ.ಪೋಷಣ್ ಯೋಜನೆ ಕಾರ್ಯಕ್ರಮದ ಪಿಎಫ್ಎಂಎಸ್ ಮಾಡ್ಯೂಲ್ನ ಅಡಿಯಲ್ಲಿ ರೂ.8853.05 ಲಕ್ಷಗಳ ಪರಿಷ್ಕೃತ ವಾರ್ಷಿಕ ಅನುದಾನದ ಮಿತಿಯಲ್ಲಿ ಬಿಡುಗಡೆ ಮಾಡುವ ಅನುದಾನದಿಂದ ಭರಿಸಲು ತಿಳಿಸಿದೆ. ಈ ಸಂಬಂಧ ಹೊಸದಾಗಿ ಪಾತ್ರೆ-ಪರಿಕರಗಳನ್ನು ಖರೀದಿಸಬೇಕಿರುವ ಶಾಲೆಗಳ (ತಾಲ್ಲೂಕುವಾರು ಪಟ್ಟಿ) ಪಟ್ಟಿಯೊಂದಿಗೆ ಜಿಲ್ಲಾವಾರು ನಿಗದಿಪಡಿಸಿರುವ ಅನುದಾನದ ಪಟ್ಟಿಯನ್ನು ಅನುಬಂಧಿಸಿದೆ.
14030 ಶಾಲೆಗಳಲ್ಲಿ ಅಡುಗೆ ಪಾತ್ರೆಗಳನ್ನು ಬದಲಾವಣೆ ಮಾಡಿ ಹೊಸ ಅಡುಗೆ ಪಾತ್ರೆಗಳ ಖರೀದಿ ಪ್ರಕ್ರಿಯೆಯನ್ನು ಕರ್ನಾಟಕ ಸಾರ್ವಜನಿಕ ಸಂಗ್ರಹಣೆಯಲ್ಲಿ ಪಾರದರ್ಶಕತೆ ಅಧಿನಿಯಮ-1999 ಮತ್ತು ತಿದ್ದುಪಡಿ ಅಧಿನಿಯಮ 2020 (KTPP Act) ಹಾಗೂ ಸದರಿ ಅಧಿನಿಯಮಗಳಡಿ ಹೊರಡಿಸಲಾಗಿರುವ ಎಲ್ಲಾ ನಿಯಮಗಳನ್ನು ಚಾಚು ತಪ್ಪದೇ ಕಡ್ಡಾಯವಾಗಿ ಹಾಗೂ ಕಟ್ಟುನಿಟ್ಟಾಗಿ ಪಾಲಿಸತಕ್ಕದ್ದು.
ಉಲ್ಲೇಖ-4 (ಪ್ರತಿ ಲಗತ್ತಿಸಿದೆ) ರಲ್ಲಿ ನಿರ್ದೇಶಕರು, ಪಿಎಂಪೋಷಣ್, ಬೆಂಗಳೂರು ರವರ ಪತ್ರದಲ್ಲಿ ತಿಳಿಸಿರುವಂತೆ ಸ್ಪೇನ್ಲೆಸ್ ಪಾತ್ರಗಳನ್ನು (ಅಲ್ಯೂಮಿನಿಯಂ ಪಾತ್ರೆಗಳ ಬಳಕೆಯ ಪ್ರಮಾಣವನ್ನು ಕ್ರಮೇಣ ಕಡಿಮೆ ಮಾಡುವಂತೆ ಸೂಚಿಸಲಾಗಿದೆ) ಮಾತ್ರ ಅನುಮೋದಿಸಿರುವ 14030 ಸರ್ಕಾರಿ/ಅನುದಾನಿತ ಶಾಲೆಗಳಲ್ಲಿ ಖರೀದಿಸಲು ತಿಳಿಸಿದೆ. ನಿಯಮಾನುಸಾರ ಖರೀದಿಸಿದ ನಂತರದಲ್ಲಿ (15 ದಿನಗಳೊಳಗಾಗಿ) ಬಿಡುಗಡೆಯಾದ ಅನುದಾನದ ಬಳಕೆ/ಉಳಿಕೆಯ (ಶಾಲಾವಾರು ಪಡೆದಿರುವ ಉಪಯೋಗಿತ ಪ್ರಮಾಣ ಪತ್ರದೊಂದಿಗೆ) ಕ್ರೂಢೀಕೃತ ಉಪಯೋಗಿತ ಪ್ರಮಾಣ ಪತ್ರವನ್ನು ದೃಢೀಕರಿಸಿ ಈ ಕಛೇರಿಯ ಅಂಚೆ ವಿಳಾಸಕ್ಕೆ (Hard copy) ಹಾಗೂ ಇ-ಮೇಲ್ ಸಂ: mdmskarnataka@gmail.com ಮತ್ತು Smdmskarnataka@gmail.com ವಿಳಾಸಕ್ಕೆ Scan ಮಾಡಿದ ಪ್ರತಿಯನ್ನು ಕಡ್ಡಾಯವಾಗಿ ನಲ್ಲಿಸುವುದು.
ಈ ಪ್ರಕ್ರಿಯೆಯನ್ನು ಅತೀ ತುರ್ತಾಗಿ ಜಿಲ್ಲಾ ಹಂತದಲ್ಲಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳು, ಹಾಗೂ ಮುಖ್ಯ ಲೆಕ್ಕಾಧಿಕಾರಿಗಳು, ಜಿಲ್ಲಾ ಪಂಚಾಯತ್ರವರು ನಿರ್ವಹಿಸಲು ಈ ಮೂಲಕ ಸೂಚಿಸಿದೆ.