ಬೆಂಗಳೂರು : ರಾಜಧಾನಿ ಬೆಂಗಳೂರಿನಲ್ಲಿ ತುಪ್ಪ ಕದಿಯುವ ಗ್ಯಾಂಗ್ ವೊಂದು ಆಕ್ಟೀವ್ ಆಗಿದ್ದು, ನಂದಿ ಪಾರ್ಲರ್, ಸೂಪರ್ ಮಾರ್ಕೆಟ್ ಟಾರ್ಗೆಟ್ ಮಾಡಿ ಖದೀಮರು ತುಪ್ಪ ಕದಿಯುತ್ತಿರುವ ಪ್ರಕರಣಗಳು ಬೆಳಕಿಗೆ ಬಂದಿದೆ.
ಬೆಂಗಳೂರಿನ ಅನ್ನಪೂರ್ಣೇಶ್ವರಿ ನಗರದ ಪೇರ್ ಪ್ರೈಸ್ ಎಂಬುವರ ಅಂಗಡಿಗೆ ನುಗ್ಗಿದ ಖದೀಮರ ಗ್ಯಾಂಗ್ ವೊಂದು ಮೊದಲು ಬೇರೆ ವಸ್ತುಗಳನ್ನು ಕೇಳಿ ಗಮನ ಬೇರೆಡೆ ಸೆಳೆದು ೧೫ ಕೆಜಿ ತುಪ್ಪ ಕದ್ದು ಪರಾರಿಯಾಗಿದೆ. ಈ ದೃಶ್ಯಗಳು ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಖದೀಮರು ನಂದಿನಿ ಪಾರ್ಲರ್ ಹಾಗೂ ಸೂಪರ್ ಮಾರ್ಕೆಟ್ ಗಳನ್ನು ಟಾರ್ಗೆಟ್ ಮಾಡಿ ತುಪ್ಪ ಕಳ್ಳತನ ಮಾಡುತ್ತಿದ್ದಾರೆ. ಅಂಗಡಿಯಲ್ಲಿ ಒಬ್ಬರೇ ಇರುವುದನ್ನು ಗಮನಿಸಿ ಅಂಗಡಿಗೆ ನುಗ್ಗುವ ಈ ಗ್ಯಾಂಗ್ ಅಂಗಡಿಯವರ ಗಮನ ಬೇರೆಡೆ ಸೆಳೆದು ಕಳ್ಳತನ ಮಾಡುತ್ತಿದೆ.
