ನವದೆಹಲಿ: ನೀವು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಪ್ರಯಾಣಿಸುವವರಾಗಿದ್ದರೆ ಈ ಸುದ್ದಿ ನಿಮಗಾಗಿ. ಫಾಸ್ಟ್ಟ್ಯಾಗ್ ಬಳಕೆಗೆ ಸಂಬಂಧಿಸಿದಂತೆ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (NHAI) ಹೊಸ ಮತ್ತು ಕಠಿಣ ನಿಯಮಗಳನ್ನು ಜಾರಿಗೊಳಿಸಿದೆ. ಒಂದು ವೇಳೆ ನೀವು ಈ ನಿಯಮಗಳನ್ನು ಉಲ್ಲಂಘಿಸಿದರೆ, ನಿಮ್ಮ ಫಾಸ್ಟ್ಟ್ಯಾಗ್ ಬ್ಲಾಕ್ಲಿಸ್ಟ್ ಆಗುವುದಲ್ಲದೆ, ದುಪ್ಪಟ್ಟು ಟೋಲ್ ಶುಲ್ಕ ಪಾವತಿಸಬೇಕಾಗುತ್ತದೆ.
ಗಾಜಿನ ಮೇಲೆ ಫಾಸ್ಟ್ಟ್ಯಾಗ್ ಹಚ್ಚುವುದು ಕಡ್ಡಾಯ
ಹೆಚ್ಚಿನ ವಾಹನ ಸವಾರರು ಫಾಸ್ಟ್ಟ್ಯಾಗ್ ಅನ್ನು ಕೈಯಲ್ಲಿ ಹಿಡಿದು ತೋರಿಸುವುದು ಅಥವಾ ಡ್ಯಾಶ್ಬೋರ್ಡ್ ಮೇಲೆ ಇಟ್ಟುಕೊಳ್ಳುವ ಅಭ್ಯಾಸ ಹೊಂದಿದ್ದಾರೆ. ಆದರೆ ಇನ್ನು ಮುಂದೆ ಇದು ನಡೆಯುವುದಿಲ್ಲ.
ನಿಯಮ: ಫಾಸ್ಟ್ಟ್ಯಾಗ್ ಅನ್ನು ವಾಹನದ ಮುಂಭಾಗದ ಗಾಜಿನ (Windscreen) ಒಳಭಾಗದಲ್ಲಿ ಕಡ್ಡಾಯವಾಗಿ ಅಂಟಿಸಿರಬೇಕು.
ದಂಡ: ಸಕ್ರಿಯ ಫಾಸ್ಟ್ಟ್ಯಾಗ್ ಇದ್ದರೂ ಸಹ ಅದನ್ನು ಗಾಜಿಗೆ ಅಂಟಿಸದಿದ್ದರೆ, ಅಂತಹ ವಾಹನಗಳನ್ನು ‘ಬ್ಲಾಕ್ಲಿಸ್ಟ್’ ಮಾಡಲಾಗಿದೆ ಎಂದು ಪರಿಗಣಿಸಲಾಗುತ್ತದೆ.
ಡಬಲ್ ಚಾರ್ಜ್: ಗಾಜಿನ ಮೇಲೆ ಟ್ಯಾಗ್ ಇಲ್ಲದ ವಾಹನಗಳು ಟೋಲ್ ಪ್ಲಾಜಾಗಳಲ್ಲಿ ನಿಯಮದಂತೆ ರೆಪ್ಪಟ್ಟು (Double) ಟೋಲ್ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.
ಸಿಸಿಟಿವಿ ಕಣ್ಗಾವಲು
ಟೋಲ್ ಬೂತ್ಗಳಲ್ಲಿ ಅಳವಡಿಸಲಾಗಿರುವ ಸುಧಾರಿತ ಸಿಸಿಟಿವಿ ಕ್ಯಾಮೆರಾಗಳು ಗಾಜಿನ ಮೇಲೆ ಟ್ಯಾಗ್ ಇಲ್ಲದ ವಾಹನಗಳನ್ನು ತಕ್ಷಣವೇ ಪತ್ತೆಹಚ್ಚುತ್ತವೆ. ಟೋಲ್ ಸಿಬ್ಬಂದಿಯೊಂದಿಗೆ ವಾಗ್ವಾದ ನಡೆಸಿದರೂ ಯಾವುದೇ ಪ್ರಯೋಜನವಾಗುವುದಿಲ್ಲ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಟೋಲ್ ಪ್ಲಾಜಾಗಳಲ್ಲಿ ಸಮಯ ವ್ಯರ್ಥವಾಗುವುದನ್ನು ತಡೆಯಲು ಮತ್ತು ಸುಗಮ ಸಂಚಾರಕ್ಕಾಗಿ ಈ ಕ್ರಮ ಕೈಗೊಳ್ಳಲಾಗಿದೆ.
ಏಪ್ರಿಲ್ 2026 ರಿಂದ ನಗದು ಪಾವತಿ ಇರುವುದಿಲ್ಲ
NHAI ಪ್ರಮುಖ ಬದಲಾವಣೆಯೊಂದನ್ನು ತಂದಿದ್ದು, ಏಪ್ರಿಲ್ 2026 ರಿಂದ ದೇಶಾದ್ಯಂತ NHAI ನಿರ್ವಹಿಸುವ ಹೆದ್ದಾರಿಗಳಲ್ಲಿ ನಗದು ಪಾವತಿಯನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.
ಟೋಲ್ ಪಾವತಿಗಾಗಿ ಕೇವಲ ಫಾಸ್ಟ್ಟ್ಯಾಗ್ ಅಥವಾ UPI ಮಾತ್ರ ಬಳಸಬೇಕು.
ಒಂದು ವೇಳೆ ಫಾಸ್ಟ್ಟ್ಯಾಗ್ ಮಾನ್ಯತೆ ಹೊಂದಿಲ್ಲದಿದ್ದರೆ, UPI ಮೂಲಕ ಪಾವತಿಸುವಾಗ ಶೇ. 25 ರಷ್ಟು ಹೆಚ್ಚುವರಿ ತೆರಿಗೆ ಪಾವತಿಸಬೇಕಾಗುತ್ತದೆ.
ಗುರುತಿನ ಚೀಟಿ ಬಳಸಿ ಟೋಲ್ ವಿನಾಯಿತಿ ಪಡೆಯುವ ಪದ್ಧತಿಗೂ ಬ್ರೇಕ್ ಹಾಕಲಾಗಿದೆ.
ವಾರ್ಷಿಕ ಪಾಸ್ ಸೌಲಭ್ಯ
ಹೆಚ್ಚು ಬಾರಿ ಹೆದ್ದಾರಿಯಲ್ಲಿ ಸಂಚರಿಸುವವರಿಗಾಗಿ NHAI ವಾರ್ಷಿಕ ಪಾಸ್ಗಳನ್ನು ಪರಿಚಯಿಸಿದೆ.
ಖಾಸಗಿ ಕಾರುಗಳಿಗೆ ವರ್ಷಕ್ಕೆ 3,075 ರೂ. ಶುಲ್ಕ ನಿಗದಿಪಡಿಸಲಾಗಿದೆ.
ಈ ಪಾಸ್ ಅಡಿಯಲ್ಲಿ ವರ್ಷಕ್ಕೆ ಗರಿಷ್ಠ 200 ಪ್ರಯಾಣಗಳನ್ನು ಮಾಡಬಹುದಾಗಿದೆ.
ವಾಹನ ಸವಾರರು ಯಾವುದೇ ದಂಡ ಅಥವಾ ಕಿರಿಕಿರಿ ಇಲ್ಲದೆ ಪ್ರಯಾಣಿಸಲು ತಕ್ಷಣವೇ ತಮ್ಮ ಫಾಸ್ಟ್ಟ್ಯಾಗ್ ಅನ್ನು ವಿಂಡ್ಸ್ಕ್ರೀನ್ಗೆ ಸರಿಯಾದ ರೀತಿಯಲ್ಲಿ ಅಂಟಿಸಿಕೊಳ್ಳುವಂತೆ ಸೂಚಿಸಲಾಗಿದೆ.
