ನವದೆಹಲಿ : ಖಲಿಸ್ತಾನಿ ಭಯೋತ್ಪಾದಕ ಪನ್ನುನ್ ಸೋಮವಾರ ವಿಡಿಯೋವೊಂದನ್ನ ಬಿಡುಗಡೆ ಮಾಡಿದ್ದು, ನವೆಂಬರ್ 1-19ರ ನಡುವೆ ಏರ್ ಇಂಡಿಯಾದಲ್ಲಿ ಹಾರಾಟ ನಡೆಸದಂತೆ ಜನರಿಗೆ ಎಚ್ಚರಿಕೆ ನೀಡಿದ್ದಾರೆ. ಇದೀಗ ಈ ಬಗ್ಗೆ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಪ್ರತಿಕ್ರಿಯಿಸಿದ್ದು, ಏರ್ ಇಂಡಿಯಾ ಮತ್ತು ಅದರ ಪ್ರಯಾಣಿಕರಿಗೆ ಯಾವುದೇ ನಿರ್ದಿಷ್ಟ ಬೆದರಿಕೆಯ ಬಗ್ಗೆ ಭಾರತ ಸರ್ಕಾರಕ್ಕೆ ತಿಳಿದಿಲ್ಲ ಎಂದು ಹೇಳಿದರು.
ಏರ್ ಇಂಡಿಯಾ ಮತ್ತು ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನಗಳು ಸೇರಿದಂತೆ ಭಾರತೀಯ ಪ್ರಯಾಣಿಕ ವಿಮಾನಗಳಿಗೆ ಬಾಂಬ್ ದಾಳಿ ಬೆದರಿಕೆ ಹೆಚ್ಚಿದ ನಂತರ ಪನ್ನುನ್ ಅವರ ಹೊಸ ಬೆದರಿಕೆ ಬಂದಿದೆ. ಕಳೆದ ವಾರದಲ್ಲಿ ಇಂತಹ 100ಕ್ಕೂ ಹೆಚ್ಚು ಬೆದರಿಕೆಗಳನ್ನ ಮಾಡಲಾಗಿದೆ.
ಈ ಬೆದರಿಕೆಗಳ ಬಗ್ಗೆ ಕೇಳಿದಾಗ ವಿದೇಶಾಂಗ ವ್ಯವಹಾರಗಳ ಸಚಿವರು, ‘ಇಂದು ಯಾವುದೇ ನಿರ್ದಿಷ್ಟ ಬೆದರಿಕೆಯ ಬಗ್ಗೆ ನನಗೆ ತಿಳಿದಿಲ್ಲ. ಆದರೆ ನಾವು ಹಿಂದೆ ನಮ್ಮ ವಿಮಾನಯಾನ ಸಂಸ್ಥೆಗಳು, ನಮ್ಮ ಸಂಸತ್ತು, ನಮ್ಮ ರಾಜತಾಂತ್ರಿಕರು, ಉನ್ನತ ಆಯೋಗಗಳು ಮತ್ತು ನಮ್ಮ ನಾಯಕರಿಗೆ ಬೆದರಿಕೆಗಳನ್ನು ನೋಡಿದ್ದೇವೆ. ಮತ್ತು ಇದೆಲ್ಲವೂ ಕಾಳಜಿಯ ವಿಷಯವಾಗಿದೆ’ ಎಂದರು.
ಕೆನಡಾ ಮೇಲೆ ವಿದೇಶಾಂಗ ಸಚಿವರ ಟಾರ್ಗೆಟ್.!
ಜೈಶಂಕರ್ ಬೆದರಿಕೆಯ ಪ್ರಶ್ನೆಯನ್ನ ತಪ್ಪಿಸಿರಬಹುದು, ಆದರೆ ಅವರು ಭಾರತ-ಕೆನಡಾ ಉದ್ವಿಗ್ನತೆಯ ನಡುವೆ ಕೆನಡಾವನ್ನು ಗುರಿಯಾಗಿಸಿಕೊಂಡಿದ್ದಾರೆ. ಕಳೆದ ವರ್ಷ ಜೂನ್‌’ನಲ್ಲಿ ವ್ಯಾಂಕೋವರ್‌’ನಲ್ಲಿ ಮತ್ತೊಬ್ಬ ಖಲಿಸ್ತಾನಿ ಭಯೋತ್ಪಾದಕ ಹರ್ದೀಪ್ ಸಿಂಗ್ ನಿಜ್ಜರ್ ಹತ್ಯೆಗೆ ಸಂಬಂಧಿಸಿದಂತೆ ಭಾರತ ಮತ್ತು ಕೆನಡಾ ನಡುವೆ ವಿವಾದ ನಡೆಯುತ್ತಿದೆ. ಕೆನಡಾದ ಪ್ರಜೆ ನಿಜ್ಜರ್ ಹತ್ಯೆಯಲ್ಲಿ ಭಾರತೀಯ ಏಜೆಂಟರು ಭಾಗಿಯಾಗಿದ್ದಾರೆ ಎಂದು ಕೆನಡಾ ಆರೋಪಿಸಿದೆ.
ಕೆನಡಾವನ್ನ ಗುರಿಯಾಗಿಟ್ಟುಕೊಂಡು ವಿದೇಶಾಂಗ ಸಚಿವರು, ‘ಇಂತಹ ಬೆದರಿಕೆಗಳಲ್ಲಿ ಸೂಕ್ಷ್ಮತೆ ಇದೆ… ಕೆನಡಾದ ಸರ್ಕಾರವು ಅದನ್ನು ‘ಅಭಿವ್ಯಕ್ತಿ ಸ್ವಾತಂತ್ರ್ಯ’ ಎಂದು ಕರೆಯುತ್ತದೆ. ಆದರೆ ಅವರಿಗೆ ನನ್ನ ಪ್ರಶ್ನೆ ಏನೆಂದರೆ – ನಿಮಗೆ ಈ ಬೆದರಿಕೆಗಳು ಬಂದರೆ, ನೀವು ಅವುಗಳನ್ನು ಲಘುವಾಗಿ ತೆಗೆದುಕೊಳ್ಳುತ್ತೀರಾ? ನಿಮ್ಮ ವಿಮಾನಯಾನ ಸಂಸ್ಥೆ, ನಿಮ್ಮ ಸಂಸತ್ತು, ನಿಮ್ಮ ರಾಜತಾಂತ್ರಿಕರಿಗೆ ಬೆದರಿಕೆ ಹಾಕಿದರೆ… ಅದು ದೊಡ್ಡ ಸಮಸ್ಯೆ” ಎಂದಿದ್ದಾರೆ.
BREAKING : ವಿಜಯಪುರದಲ್ಲಿ ಘೋರ ದುರಂತ :ಬೆಲ್ಟ್ ಕಟ್ ಆಗಿ ‘ರೇಂಜರ್ ಸ್ವಿಂಗ್‌’ ನಿಂದ ಬಿದ್ದು ಯುವತಿ ಸಾವು
Viral Video : ಪತ್ನಿ ಜತೆಗೆ ಜಗಳವಾಡುತ್ತಾ ತನ್ನನ್ನ ತಾನೇ ‘ಚಪ್ಪಲಿ’ಯಿಂದ ಹೊಡೆದುಕೊಂಡ ‘ಪಾಕ್ ವ್ಯಕ್ತಿ’
