“ಒಂದೇ ಒಂದು ಮಳೆಗೆ ಇಡೀ ಅಯೋಧ್ಯೆ ಜಲಾವೃತವಾಗಿದೆ” : ಎಎಪಿ ಸಂಸದ ಸಂಜಯ್ ಸಿಂಗ್

ನವದೆಹಲಿ : ಮಳೆಯ ನಂತರ ದೇಶದ ವಿವಿಧ ಭಾಗಗಳಲ್ಲಿ ಮೂಲಸೌಕರ್ಯಗಳು ಕುಸಿಯುತ್ತಿರುವ ಬಗ್ಗೆ ಆಮ್ ಆದ್ಮಿ ಪಕ್ಷದ ಸಂಸದ ಸಂಜಯ್ ಸಿಂಗ್ ಶುಕ್ರವಾರ ಕೇಂದ್ರದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು.

ಭಾರತೀಯ ಜನತಾ ಪಕ್ಷವು ತನ್ನ ಅಭಿವೃದ್ಧಿಗಾಗಿ ಹೊಗಳುವ ಅಯೋಧ್ಯೆಯು ಮೊದಲ ಮಳೆಯನ್ನ ಸಹ ತಡೆದುಕೊಳ್ಳಲು ಸಾಧ್ಯವಾಗಲಿಲ್ಲ ಎಂದು ಅವರು ಒತ್ತಿ ಹೇಳಿದರು.

ಸಂಜಯ್ ಸಿಂಗ್ , “ಮೊದಲ ಮಳೆಯ ನಂತರ ಅಯೋಧ್ಯೆಯ ರಾಮ ಮಂದಿರದಿಂದ ನೀರು ಹೊರಬರಲು ಪ್ರಾರಂಭಿಸುವುದನ್ನ ನಾವೆಲ್ಲರೂ ನೋಡಿದ್ದೇವೆ. ಗರ್ಭಗೃಹಕ್ಕೆ ನೀರು ಪ್ರವೇಶಿಸಿದ್ದು, ಇದು ದೇವಾಲಯದ ಮುಖ್ಯ ಅರ್ಚಕರಿಗೆ ಅಸಮಾಧಾನವನ್ನುಂಟು ಮಾಡಿದೆ. ಅಟಲ್ ಸೇತು ಸೇತುವೆಯ ಸ್ಥಿತಿಯನ್ನ ನಾವು ನೋಡಿದ್ದೇವೆ. ಜಬಲ್ಪುರ ಟರ್ಮಿನಲ್ ಕುಸಿದಿದೆ. ಬುಂದೇಲ್ಖಂಡ್ ಎಕ್ಸ್ಪ್ರೆಸ್ವೇ ನಾಶವಾಯಿತು. ಅಭಿವೃದ್ಧಿಗಾಗಿ ಕೇಂದ್ರವು ಶ್ಲಾಘಿಸಿದ ಇಡೀ ಅಯೋಧ್ಯೆ ಮೊದಲ ಮಳೆಯ ನಂತರ ಜಲಾವೃತವಾಯಿತು. ದೆಹಲಿ ವಿಮಾನ ನಿಲ್ದಾಣದ ಟರ್ಮಿನಲ್ 1 ರ ಮೇಲ್ಛಾವಣಿ ಕುಸಿದ ಘಟನೆಯು ಅತ್ಯಂತ ನಾಚಿಕೆಗೇಡಿನ ಸಂಗತಿಯಾಗಿದೆ, ಏಕೆಂದರೆ ಇದನ್ನು ಮಾರ್ಚ್ 10 ರಂದು ಪ್ರಧಾನಿ ಮೋದಿ ಉದ್ಘಾಟಿಸಿದರು. ಭ್ರಷ್ಟಾಚಾರವು ಬಿಜೆಪಿಯನ್ನ ಹಿಂಬಾಲಿಸುತ್ತದೆ” ಎಂದು ಹೇಳಿದರು.