ಕೆಎನ್ಎನ್‍ಡಿಜಿಟಲ್ ಡೆಸ್ಕ್ ; ಆಯುರ್ವೇದದಲ್ಲಿ ಬೆಲ್ಲವನ್ನ ಪವಾಡ ಔಷಧಿ ಎಂದು ಹೇಳಲಾಗಿದೆ. ರಾತ್ರಿ ಊಟದ ನಂತ್ರ ಬೆಲ್ಲವನ್ನ ತಿಂದರೆ ಅದರಲ್ಲೂ ಶೀತ ವಾತಾವರಣದಲ್ಲಿ ದೇಹಕ್ಕೆ ಅಮೃತದಂತೆ ಕೆಲಸ ಮಾಡುತ್ತದೆ ಎಂದು ಆರೋಗ್ಯ ತಜ್ಞರು ಹೇಳುತ್ತಾರೆ. ಬೆಲ್ಲ ದೇಹಕ್ಕೆ ಶಾಖ ನೀಡುವಲ್ಲಿ ಸಹಕಾರಿಯಾಗಿದೆ. ಇದು ಆರೋಗ್ಯಕ್ಕೆ ಉತ್ತಮವಾದ ಪ್ರೋಟೀನ್, ಕ್ಯಾಲ್ಸಿಯಂ, ವಿಟಮಿನ್ ಬಿ 12 ಮತ್ತು ಕಬ್ಬಿಣದಂತಹ ಪೋಷಕಾಂಶಗಳನ್ನ ಸಹ ಒಳಗೊಂಡಿದೆ. ಆದ್ರೆ, ಕೆಲವರು ಬೆಲ್ಲದ ಬದಲು ಸಕ್ಕರೆ ಬಳಸುತ್ತಾರೆ. ಆದ್ರೆ, ಬೆಲ್ಲವು ಸಕ್ಕರೆಗಿಂತ ಹೆಚ್ಚಿನ ಪ್ರಯೋಜನಗಳನ್ನ ಹೊಂದಿದೆ ಎಂದು ಹೇಳಲಾಗುತ್ತದೆ. ರಾತ್ರಿ ಮಲಗುವ ಮುನ್ನ ತುಂಡು ಬೆಲ್ಲವನ್ನ ತಿನ್ನುವುದರಿಂದ ಹಲವಾರು ಆರೋಗ್ಯ ಲಾಭಗಳಿವೆ ಎಂದು ಹೇಳಲಾಗುತ್ತದೆ.
ಜೀರ್ಣಕಾರಿ ಸಮಸ್ಯೆಗಳು : ಬೆಲ್ಲವು ಎಲ್ಲಾ ರೀತಿಯ ಹೊಟ್ಟೆಯ ಸಮಸ್ಯೆಗಳಿಗೆ ಸುಲಭವಾದ ಪರಿಹಾರವಾಗಿದೆ. ರಾತ್ರಿ ಬೆಲ್ಲ ಸೇವಿಸಿದರೆ ಗ್ಯಾಸ್, ಅಜೀರ್ಣ, ಅಸಿಡಿಟಿಯಂತಹ ಸಮಸ್ಯೆಗಳು ದೂರವಾಗುತ್ತವೆ.
ಶೀತ : ಚಳಿಗಾಲದಲ್ಲಿ ನಿಮಗೆ ಆಗಾಗ್ಗೆ ಶೀತ ಮತ್ತು ಕೆಮ್ಮು ಇದ್ದರೆ ಬೆಲ್ಲವನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿ. ರಾತ್ರಿ ಬೆಲ್ಲ ತಿಂದರೆ ನೆಗಡಿ, ಕೆಮ್ಮು, ಕಫ ಕಡಿಮೆಯಾಗುತ್ತದೆ. ಹಾಲಿನಲ್ಲಿ ಬೆಲ್ಲ ಸೇರಿಸಿ ಕುಡಿಯುವುದು ಕೂಡ ತುಂಬಾ ಒಳ್ಳೆಯದು.
ಚರ್ಮದ ಸಮಸ್ಯೆ : ಬೆಲ್ಲವು ತ್ವಚೆಗೂ ಒಳ್ಳೆಯದು. ಪ್ರತಿದಿನ ಸ್ವಲ್ಪ ಬೆಲ್ಲವನ್ನು ಸೇವಿಸುವುದರಿಂದ ಮೊಡವೆಗಳನ್ನು ದೂರವಿಡಬಹುದು. ಅಲ್ಲದೆ, ಇದು ತ್ವಚೆಯನ್ನು ಕಾಂತಿಯುತವಾಗಿಸುತ್ತದೆ. ಬೆಲ್ಲವು ಒಳಗಿನಿಂದ ಚರ್ಮವನ್ನ ಸರಿಪಡಿಸಲು ಸಹಾಯ ಮಾಡುತ್ತದೆ.
ಹೃದಯದ ಆರೋಗ್ಯ : ಬೆಲ್ಲದಲ್ಲಿ ಪೊಟ್ಯಾಶಿಯಂ ಇದೆ. ಇದು ಹೃದಯರಕ್ತನಾಳದ ಕಾಯಿಲೆಗಳ ಅಪಾಯವನ್ನ ಕಡಿಮೆ ಮಾಡುತ್ತದೆ. ಸಕ್ಕರೆಯ ಬದಲು ಬೆಲ್ಲ ಹೃದ್ರೋಗಿಗಳಿಗೆ ಪ್ರಯೋಜನಕಾರಿ.
ಮಲಬದ್ಧತೆ : ನಿಮಗೆ ಮಲಬದ್ಧತೆ ಇದ್ದರೆ ರಾತ್ರಿಯಲ್ಲಿ ಬೆಲ್ಲವನ್ನ ತೆಗೆದುಕೊಳ್ಳಲು ಪ್ರಾರಂಭಿಸಿ. ಊಟವಾದ ನಂತರ ಬೆಲ್ಲದ ತುಂಡು ತಿಂದರೆ ಮಲಬದ್ಧತೆ ನಿವಾರಣೆಯಾಗುತ್ತದೆ.
‘PayTM’ ಪೇಮೆಂಟ್ಸ್ ಬ್ಯಾಂಕ್ ‘ಮಂಡಳಿ’ ಪುನರ್ ರಚನೆ: ಅಧ್ಯಕ್ಷ ಸ್ಥಾನಕ್ಕೆ ‘ವಿಜಯ್ ಶೇಖರ್ ಶರ್ಮಾ’ ರಾಜೀನಾಮೆ
‘Truecaller’ ನಲ್ಲಿ ಹೊಸ AI ಕಾಲ್ ರೆಕಾರ್ಡಿಂಗ್ ವೈಶಿಷ್ಟ್ಯ.! ಭಾರತದಲ್ಲೂ ಬಿಡುಗಡೆ, ನೀವೂ ಟ್ರೈ ಮಾಡಿ
