ಆಗ್ರಾ, : ಅತ್ತೆ ಅನುಮತಿಯಿಲ್ಲದೆ ಮೇಕಪ್ ಬಳಸಿದ್ದಕ್ಕೆ ಮಹಿಳೆಯೊಬ್ಬಳು ಪತಿಯಿಂದ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿರುವ ಘಟನೆ ಉತ್ತರ ಪ್ರದೇಶದ ಆಗ್ರಾದಲ್ಲಿ ನಡೆದಿದೆ.
ತನ್ನ ಅನುಮತಿಯಿಲ್ಲದೆ ಮೇಕಪ್ ಬಳಸುವ ವಿಷಯದ ಬಗ್ಗೆ ಅತ್ತೆಯೊಂದಿಗೆ ವಿವಾದ ಉಂಟಾದ ನಂತರ ಪತಿ ತನ್ನನ್ನು ಮತ್ತು ತನ್ನ ಸಹೋದರಿಯನ್ನು ಮನೆಯಿಂದ ಹೊರಹಾಕಿದ್ದಾನೆ ಎಂದು ಮಹಿಳೆ ಆರೋಪಿಸಿದ್ದಾರೆ.
ಮಾಲ್ಪುರ ನಿವಾಸಿಗಳಾದ ಮಹಿಳೆ ಮತ್ತು ಆಕೆಯ ಸಹೋದರಿ ಎಂಟು ತಿಂಗಳ ಹಿಂದೆ ಇಬ್ಬರು ಸಹೋದರರನ್ನು ವಿವಾಹವಾಗಿದ್ದರು. ತನ್ನ ಅತ್ತೆ ತನ್ನ ಅನುಮತಿಯಿಲ್ಲದೆ ತನ್ನ ಮೇಕಪ್ ಅನ್ನು ಬಳಸುತ್ತಿದ್ದಾಳೆ ಎಂದು ಮಹಿಳೆಗೆ ತಿಳಿಯುವವರೆಗೂ ಎಲ್ಲವೂ ಸರಿಯಾಗಿತ್ತು. ತಾನು ಕಾರ್ಯಕ್ರಮಕ್ಕೆ ಹೋಗಬೇಕಾದಾಗಲೆಲ್ಲಾ, ತನ್ನ ಅತ್ತೆ ಅದನ್ನು ಬಳಸುತ್ತಿದ್ದರಿಂದ ತನಗೆ ಮೇಕಪ್ ಇರುತ್ತಿರಲಿಲ್ಲ ಅಂಥ ಹೇಳಿದ್ದಾರೆ.
ಆಗ್ರಾ ಪೊಲೀಸರ ‘ಪರಿವಾರ್ ಪರಮರ್ಶ್ ಕೇಂದ್ರ’ಕ್ಕೆ (ಕುಟುಂಬ ಸಲಹಾ ಕೇಂದ್ರ) ನೀಡಿದ ಮಹಿಳೆ, ತನ್ನ ಅತ್ತೆ ಮನೆಯೊಳಗೆ ತನ್ನ ಅನುಮತಿ ಇಲ್ಲದೇ ಉಡುಪು ಧರಿಸುತ್ತಿದ್ದರು ಮತ್ತು ಮೇಕಪ್ ಧರಿಸುತ್ತಿದ್ದರು ಅಂತ ಹೇಳಿದ್ದು . ನಂತರ ಮಹಿಳೆ ಮಾಲ್ಪುರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ ಎನ್ನಲಾಗಿದೆ. ಪ್ರಕಾರ, ತನ್ನ ಅತ್ತೆ ಈ ಘಟನೆಯ ಬಗ್ಗೆ ಮಗನಿಗೆ ತಿಳಿಸಿದರು ಮತ್ತು ಪತಿ ಕೂಡ ಅವಳನ್ನು ನಿಂದಿಸಲು ಪ್ರಾರಂಭಿಸಿದನು. ಪರಿಸ್ಥಿತಿ ಉಲ್ಬಣಗೊಂಡಿತು ಮತ್ತು ಮಹಿಳೆ ಮತ್ತು ಅವಳ ಸಹೋದರಿಯನ್ನು ಮನೆಯಿಂದ ಹೊರಹಾಕಿದ್ದಾರೆ ಎನ್ನಲಾಗಿದೆ.
