ನವದೆಹಲಿ : ಐಸಿಸಿ ಟಿ20 ಪುರುಷರ ವಿಶ್ವಕಪ್ ಗೆಲುವಿನ ನಂತರ, ಟೀಮ್ ಇಂಡಿಯಾದ ಪ್ರಸಿದ್ಧ ಸ್ಪಿನ್ನರ್ ಕುಲದೀಪ್ ಯಾದವ್ ಅವರ ಸಂಭ್ರಮಾಚರಣೆ ಮುಂದುವರೆದಿದೆ. ಅವರು ಮಾರ್ಚ್ 14 ರಂದು ಮಸ್ಸೂರಿಯಲ್ಲಿ ತಮ್ಮ ಬಾಲ್ಯದ ಗೆಳತಿ ವಂಶಿಕಾ ಅವರನ್ನು ವಿವಾಹವಾಗಲಿದ್ದಾರೆ.
ಕಳೆದ ವರ್ಷ ಜೂನ್ 4 ರಂದು ಲಕ್ನೋದಲ್ಲಿ ಈ ಜೋಡಿ ನಿಶ್ಚಿತಾರ್ಥ ಮಾಡಿಕೊಂಡರು. ವಿವಾಹದ ನಂತರ, ಮಾರ್ಚ್ 17 ರಂದು ಲಕ್ನೋದ ಅದೇ ನಿಶ್ಚಿತಾರ್ಥ ಸ್ಥಳವಾದ ದಿ ಸೆಂಟ್ರಮ್ನಲ್ಲಿ ಅದ್ಧೂರಿ ಆರತಕ್ಷತೆ ನಡೆಯಲಿದೆ.
2003ರಿಂದ ಕುಲದೀಪ್ ಅವರ ತರಬೇತುದಾರರಾಗಿರುವ ಕಾನ್ಪುರ ಮೂಲದ ಕಪಿಲ್ ಪಾಂಡೆ ಈ ಸುದ್ದಿಯನ್ನು ದೃಢೀಕರಿಸುತ್ತಾ, “ಹೌದು, ನಾವು ಮಾರ್ಚ್ 12ರಂದು ಮಸ್ಸೂರಿಗೆ ಹೋಗುತ್ತಿದ್ದೇವೆ. ಮರುದಿನ ಹಲ್ದಿ ಮತ್ತು ಇತರ ವಿವಾಹಪೂರ್ವ ಸಮಾರಂಭಗಳಿವೆ. ಮಾರ್ಚ್ 14 ರಂದು ವಿವಾಹವು ಶಾಸ್ತ್ರೋಕ್ತವಾಗಿ ನಡೆಯಲಿದ್ದು, ಮಾರ್ಚ್ 17 ರಂದು ಲಕ್ನೋದ ಹೋಟೆಲ್ ಸೆಂಟ್ರಮ್’ನಲ್ಲಿ ಆರತಕ್ಷತೆ ನಡೆಯಲಿದೆ” ಎಂದು ಹಂಚಿಕೊಂಡಿದ್ದಾರೆ.
