ದೈನಂದಿನ ಜೀವನದಲ್ಲಿ ಅತಿ ಹೆಚ್ಚು ವಿದ್ಯುತ್ ಬಳಸುವ ಉಪಕರಣಗಳಲ್ಲಿ ಇಸ್ತ್ರಿ ಪೆಟ್ಟಿಗೆ (Electric Iron) ಕೂಡ ಒಂದು. ಸರಿಯಾದ ಕ್ರಮ ಅನುಸರಿಸದಿದ್ದರೆ ವಿದ್ಯುತ್ ಬಿಲ್ ಏರಿಕೆಯಾಗುವ ಸಾಧ್ಯತೆ ಇರುತ್ತದೆ. ಈ ಹಿನ್ನೆಲೆಯಲ್ಲಿ ಹೆಸ್ಕಾಂ ಗ್ರಾಹಕರಿಗೆ ವಿದ್ಯುತ್ ಉಳಿತಾಯ ಮಾಡಲು ಕೆಲವು ಉಪಯುಕ್ತ ಸಲಹೆಗಳನ್ನು ನೀಡಿದೆ.
ಹೆಸ್ಕಾಂ ನೀಡಿರುವ ಪ್ರಮುಖ ಮಾರ್ಗಸೂಚಿಗಳು ಇಲ್ಲಿವೆ:
5 ಸ್ಟಾರ್ ರೇಟೆಡ್ ಉಪಕರಣ ಬಳಸಿ: ವಿದ್ಯುತ್ ದಕ್ಷತೆ ಹೆಚ್ಚಿಸಲು ಯಾವಾಗಲೂ ಬಿ.ಇ.ಇ (BEE) 5 ಸ್ಟಾರ್ ರೇಟೆಡ್ ಮತ್ತು ಐ.ಎಸ್.ಐ (ISI) ಮುದ್ರೆ ಇರುವ ಗುಣಮಟ್ಟದ ಇಸ್ತ್ರಿ ಪೆಟ್ಟಿಗೆಗಳನ್ನೇ ಖರೀದಿಸಿ ಬಳಸಿ.
ಆಟೋಮ್ಯಾಟಿಕ್ ಸ್ವಿಚ್ ಸೌಲಭ್ಯ: ಇಸ್ತ್ರಿ ಪೆಟ್ಟಿಗೆಯಲ್ಲಿ ತಾಪಮಾನ ನಿಯಂತ್ರಿಸುವ ‘ಆಟೋಮ್ಯಾಟಿಕ್ ಟೆಂಪರೇಚರ್ ಕಟ್-ಆಫ್’ ಸೌಲಭ್ಯ ಇರುವುದನ್ನು ಖಚಿತಪಡಿಸಿಕೊಳ್ಳಿ. ಇದು ಅಗತ್ಯಕ್ಕಿಂತ ಹೆಚ್ಚು ಬಿಸಿಯಾಗುವುದನ್ನು ತಡೆದು ವಿದ್ಯುತ್ ಉಳಿಸುತ್ತದೆ.
ಬಟ್ಟೆಗಳ ಮೇಲೆ ಹೆಚ್ಚು ನೀರು ಚಿಮುಕಿಸಬೇಡಿ: ಇಸ್ತ್ರಿ ಮಾಡುವ ಬಟ್ಟೆಗಳ ಮೇಲೆ ಅತಿಯಾಗಿ ನೀರನ್ನು ಚಿಮುಕಿಸಬೇಡಿ. ಬಟ್ಟೆ ಹೆಚ್ಚು ಒದ್ದೆಯಾಗಿದ್ದರೆ ಅದನ್ನು ಒಣಗಿಸಲು ಇಸ್ತ್ರಿ ಪೆಟ್ಟಿಗೆ ಹೆಚ್ಚಿನ ವಿದ್ಯುತ್ ಹೀರಿಕೊಳ್ಳುತ್ತದೆ.
ಒಣಗಿದ ಬಟ್ಟೆಗಳನ್ನೇ ಬಳಸಿ: ಸಂಪೂರ್ಣವಾಗಿ ಒಣಗಿದ ಬಟ್ಟೆಗಳನ್ನು ಮಾತ್ರ ಇಸ್ತ್ರಿ ಮಾಡುವುದು ಸೂಕ್ತ.
ಅನ್ಪ್ಲಗ್ ಮಾಡಲು ಮರೆಯದಿರಿ: ಇಸ್ತ್ರಿ ಮಾಡುವುದು ಮುಗಿದ ತಕ್ಷಣ ಅಥವಾ ಬಳಕೆಯಲ್ಲಿ ಇಲ್ಲದಿದ್ದಾಗ ಪ್ಲಗ್ ಅನ್ನು ಸಾಕೆಟ್ನಿಂದ ತೆಗೆಯಿರಿ.
ಸಹಾಯವಾಣಿ: ವಿದ್ಯುತ್ಗೆ ಸಂಬಂಧಿಸಿದ ಯಾವುದೇ ದೂರು ಅಥವಾ ಹೆಚ್ಚಿನ ಮಾಹಿತಿಗಾಗಿ ಗ್ರಾಹಕರು ಹೆಸ್ಕಾಂನ 24×7 ಉಚಿತ ಸಹಾಯವಾಣಿ ಸಂಖ್ಯೆ 1912 ಕ್ಕೆ ಕರೆ ಮಾಡಬಹುದಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
