HEALTH TIPS: ‘ಮಲಬದ್ಧತೆ’ ಸಮಸ್ಯೆಗೆ ಕಾರಣಗಳೇನು? ಇದರ ಲಕ್ಷಣ ಹಾಗೂ ಪರಿಹಾರಗಳೇನು? ಇ್ಲಲಿದೆ ಅಗತ್ಯ ಮಾಹಿತಿ

ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಮಲಬದ್ಧತೆ  ಒಂದು ಗಂಭೀರ ಆರೋಗ್ಯ ಸಮಸ್ಯೆಯಾಗಿದೆ. ಇದು ಹೊಟ್ಟೆ ನೋವಿನ  ಸಮಸ್ಯೆ ಸೇರಿದಂತೆ ಇತರೆ ಆರೋಗ್ಯ ಸಮಸ್ಯೆ ಸಹ ಉಂಟು ಮಾಡುವ ಸಾಧ್ಯತೆ ಹೆಚ್ಚು. ಅನಿಯಮಿತ ಜೀವನಶೈಲಿ ಮತ್ತು ಕಳಪೆ ಆಹಾರ ಸೇವನೆ ಮಲಬದ್ಧತೆಗೆ ಮುಖ್ಯ ಕಾರಣ. ಇದಕ್ಕೆ ಸರಿಯಾಗಿ ಚಿಕಿತ್ಸೆ ನೀಡುವುದು ಅವಶ್ಯಕ. ಮಲಬದ್ಧತೆಗೆ ಚಿಕಿತ್ಸೆ ನೀಡದೇ ಹೋದರೆ ಅದು ನಂತರ ದೀರ್ಘಕಾಲದ ಸಮಸ್ಯೆಯಾಗಿ ಪರಿಣಮಿಸಬಹುದು.

ಮಲಬದ್ಧತೆ ಸಮಸ್ಯೆಗೆ ಮನೆಮದ್ದು

ಮಲಬದ್ಧತೆ ಸಮಸ್ಯೆ ಮೂಲವ್ಯಾಧಿ, ಗಾಳಿ ಕರುಳು ಮತ್ತು ಹೊಟ್ಟೆಯ ಅನೇಕ ಗಂಭೀರ ಕಾಯಿಲೆಗಳಿಗೆ ಪ್ರಮುಖ ಕಾರಣ. ಮಲಬದ್ಧತೆಗೆ ಹಲವು ರೀತಿಯ ಔಷಧಿಗಳು ಮತ್ತು ಚಿಕಿತ್ಸೆ ಲಭ್ಯವಿವೆ. ಕೆಲವು ಮನೆಮದ್ದುಗಳ ಮೂಲಕವೂ ನೀವು ಪರಿಹಾರ ಪಡೆಯಬಹುದು.

ಮಲಬದ್ಧತೆಯ ಕಾರಣ ಮತ್ತು ಲಕ್ಷಣಗಳು

ಇಂದಿನ ದಿನಗಳಲ್ಲಿ ದೀರ್ಘಕಾಲ ಒಂದೇ ಸ್ಥಳದಲ್ಲಿ ಕುಳಿತುಕೊಳ್ಳುವುದು ಮತ್ತು ದೈಹಿಕ ಚಟುವಟಿಕೆಗಳ ಕೊರತೆ ಮಲಬದ್ಧತೆ ಸಮಸ್ಯೆ ಉಂಟು ಮಾಡುತ್ತದೆ.

ಮಲಬದ್ಧತೆಯ ಲಕ್ಷಣಗಳು ವಾರದಲ್ಲಿ ಮೂರು ಬಾರಿ ಕಡಿಮೆ ಮಲವಿಸರ್ಜನೆ, ಗಡ್ಡೆ ಅಥವಾ ಗಟ್ಟಿಯಾದ ಮಲ ಹೊಂದಿರುವುದು, ಕರುಳಿನ ಚಲನೆ ಮಾಡಲು ಪ್ರಯಾಸ ಪಡುವುದು, ಕರುಳಿನ ಚಲನೆ ತಡೆಯುವ, ಗುದನಾಳದಲ್ಲಿ ಅಡಚಣೆ ಹೊಂದಿರುವ ಭಾವನೆ, ಮಲ ಹಾದುಹೋಗುವಾಗ ಪ್ರಯಾಸ, ಗುದನಾಳದಿಂದ ಮಲವನ್ನು ಸಂಪೂರ್ಣವಾಗಿ ಖಾಲಿ ಮಾಡಲು ಸಾಧ್ಯವಾಗದ ಸ್ಥಿತಿ ಆಗಿದೆ.

ಮಲಬದ್ಧತೆ ಸಮಸ್ಯೆಗೆ ತುಪ್ಪ ಮತ್ತು ಬಿಸಿ ನೀರು ಸೇವನೆ

ವೈದ್ಯರ ಪ್ರಕಾರ ತುಪ್ಪವು ನಮ್ಮ ಜೀರ್ಣಾಂಗ ವ್ಯವಸ್ಥೆ ನಯವಾಗಿಸುತ್ತದೆ. ಇದು ಕರುಳಿನ ಚಲನೆಯನ್ನು ಸುಲಭ ಮಾಡುತ್ತದೆ. ಬೆಚ್ಚಗಿನ ನೀರಿನಲ್ಲಿ ಬೆರೆಸಿದಾಗ, ಅದು ನಿಮ್ಮ ಘನ ಮಲವನ್ನು ಮೃದುವಾಗಿಸುತ್ತದೆ. ಬಿಸಿ ನೀರು ದೇಹದಿಂದ ತ್ಯಾಜ್ಯ ಹೊರ ಹಾಕಲು ಸಹಾಯ ಮಾಡುತ್ತದೆ. ಇದು ನಿಮಗೆ ತುಂಬಾ ಪರಿಣಾಮಕಾರಿ.

ಮಲಬದ್ಧತೆ ಹೋಗಲಾಡಿಸಲು ತುಪ್ಪ ಮತ್ತು ಬಿಸಿ ನೀರಿನ ಪ್ರಯೋಜನಗಳು

ತುಪ್ಪವು ನಮ್ಮ ದೇಹವನ್ನು ನಯಗೊಳಿಸಲು ಮತ್ತು ಕರುಳನ್ನು ಶುದ್ಧೀಕರಿಸಲು ಸಹಾಯ ಮಾಡುತ್ತದೆ ಎನ್ನುತ್ತಾರೆ ತಜ್ಞರು. ಇದು ತ್ಯಾಜ್ಯದ ಪರಿಚಲನೆ ಸುಧಾರಿಸುತ್ತದೆ. ಮತ್ತು ಮಲಬದ್ಧತೆ ಅಪಾಯ ಕಡಿಮೆ ಮಾಡುತ್ತದೆ. ತುಪ್ಪವು ಬ್ಯುಟರಿಕ್ ಆಮ್ಲದ ಉತ್ತಮ ಮೂಲ. ಬ್ಯುಟರಿಕ್ ಆಮ್ಲದ ಸೇವನೆ ಕರುಳಿನ ಚಯಾಪಚಯ ಸುಧಾರಿಸುತ್ತದೆ ಮತ್ತು ಮಲ ಚಲನೆಗೆ ಸಹಾಯ ಮಾಡುತ್ತದೆ.

ತುಪ್ಪದ ಇತರೆ ಪ್ರಯೋಜನಗಳು

ತುಪ್ಪ ಅತ್ಯುತ್ತಮ ನೈಸರ್ಗಿಕ ವಿರೇಚಕ. ಇದು ತೂಕ ನಷ್ಟ, ಉತ್ತಮ ನಿದ್ರೆ ಸೇರಿದಂತೆ ಮೂಳೆಗಳ ಬಲ ಹೆಚ್ಚಿಸುತ್ತದೆ. ಅನೇಕ ವಿಷಯಗಳಲ್ಲಿ ಇದು ಸಹಕಾರಿ. ಹೊಟ್ಟೆ ನೋವು, ಉಬ್ಬುವುದು ಮತ್ತು ಮಲಬದ್ಧತೆ ಲಕ್ಷಣ ಕಡಿಮೆ ಮಾಡುತ್ತದೆ.

ತುಪ್ಪ ಮತ್ತು ಬಿಸಿನೀರನ್ನು ಬಳಸುವುದು ಹೇಗೆ?

ಮೊದಲು ಒಂದು ಲೋಟ ಸ್ವಲ್ಪ ಬೆಚ್ಚಗಿನ ನೀರನ್ನು ಬಿಸಿ ಮಾಡಿ. ಮತ್ತು ಅದರಲ್ಲಿ ಒಂದು ಚಮಚ ತುಪ್ಪ ಬೆರೆಸಿ ಮತ್ತು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಿ. ಪ್ರತಿದಿನ ಕುಡಿಯಬಹುದು. ಜೀರ್ಣಾಂಗ ವ್ಯವಸ್ಥೆ, ಕರುಳು ಮತ್ತು ಕೊಲೊನ್ ಗಟ್ಟಿಯಾದ ಮತ್ತು ಒಣಗಿದಾಗ ಮಲಬದ್ಧತೆ ಉಂಟಾಗುತ್ತದೆ.