ನವದೆಹಲಿ : ಕಾಂಗ್ರೆಸ್ ಪಕ್ಷದ ಚುನಾವಣಾ ಪ್ರಣಾಳಿಕೆಯ ವಿರುದ್ಧ ತೀವ್ರ ದಾಳಿ ನಡೆಸಿದ ಪ್ರಧಾನಿ ನರೇಂದ್ರ ಮೋದಿ, ಸಾಮಾಜಿಕ-ಆರ್ಥಿಕ ಸಮೀಕ್ಷೆ ಮತ್ತು ಜಾತಿ ಜನಗಣತಿಯ ಪ್ರಸ್ತಾಪಗಳನ್ನ ವೈಯಕ್ತಿಕ ಆಸ್ತಿಯ ಹಕ್ಕಿಗೆ ಬೆದರಿಕೆ ಮತ್ತು ಮಾವೋವಾದಿ ಸಿದ್ಧಾಂತದ ಪ್ರತಿಧ್ವನಿ ಎಂದು ಬಣ್ಣಿಸಿದರು.
ಖಾಸಗಿ ವಾಹಿನಿವೊಂದರ ವಿಶೇಷ ಸಂದರ್ಶನದಲ್ಲಿ ಪ್ರಧಾನಿ ಮೋದಿ ಅವರು ಜಾತಿ ಜನಗಣತಿಯ ಭರವಸೆಯನ್ನು ಒಳಗೊಂಡಿರುವ ಕಾಂಗ್ರೆಸ್ ಪ್ರಣಾಳಿಕೆಯ ಬಗ್ಗೆ ಸುದೀರ್ಘವಾಗಿ ಮಾತನಾಡಿದರು.
ಪ್ರಸ್ತುತ ನಡೆಯುತ್ತಿರುವ ಸಾರ್ವತ್ರಿಕ ಚುನಾವಣೆಯಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ, ಸಂಪತ್ತನ್ನು ಮರುಹಂಚಿಕೆ ಮಾಡಲು ಸಮೀಕ್ಷೆಗಳನ್ನ ನಡೆಸುತ್ತದೆ ಎಂದು ಮೋದಿ ವಾದಿಸಿದರು. ಈ ಪರಿಕಲ್ಪನೆಯನ್ನು ಅವರು “ಪ್ರತಿ ಮನೆಯ ಮೇಲೆ ದಾಳಿ” ಗೆ ಹೋಲಿಸಿದ್ದಾರೆ.
ದಲಿತರು, ಆದಿವಾಸಿಗಳು ಮತ್ತು ಬಡ ಸಾಮಾನ್ಯ ಜಾತಿಗಳು ಎಷ್ಟು ಇವೆ ಮತ್ತು ವಿವಿಧ ಕ್ಷೇತ್ರಗಳಲ್ಲಿ ಅವರ ಭಾಗವಹಿಸುವಿಕೆಯನ್ನ ನಿರ್ಧರಿಸಲು ಜಾತಿ ಜನಗಣತಿಯ ಅಗತ್ಯವನ್ನ ಕಾಂಗ್ರೆಸ್ ಪಕ್ಷದ ನಾಯಕ ರಾಹುಲ್ ಗಾಂಧಿ ಪ್ರತಿಪಾದಿಸಿದ ನಂತರ ಪ್ರಧಾನಿಯವರ ಹೇಳಿಕೆ ಬಂದಿದೆ. ಸಮೀಕ್ಷೆಗಳನ್ನ ನಡೆಸುವ ಸಲಹೆಯನ್ನ ಜನರ ವೈಯಕ್ತಿಕ ಜೀವನದಲ್ಲಿ ಒಳನುಸುಳುವಿಕೆ ಎಂದು ವ್ಯಾಖ್ಯಾನಿಸಿದ ಮೋದಿ, “ಯಾವುದೇ ಮಹಿಳೆ ಪಾತ್ರೆಗಳಲ್ಲಿ ಚಿನ್ನವನ್ನ ಅಡಗಿಸಿಟ್ಟಿದ್ದರೆ, ಅದನ್ನ ಕಂಡುಹಿಡಿದು ನಂತ್ರ ಮರುಹಂಚಿಕೆ ಮಾಡಿ” ಎಂದು ಸಲಹೆ ನೀಡಿದರು, ಇದು ಕಾಂಗ್ರೆಸ್ ನೀತಿಗಳಲ್ಲಿ ಮಾವೋವಾದಿ ಪ್ರಭಾವವನ್ನ ಪ್ರತಿಬಿಂಬಿಸುತ್ತದೆ.
3ನೇ ಅವಧಿಗೆ ಆಯ್ಕೆಯಾದರೆ ‘ಪಿತ್ರಾರ್ಜಿತ ತೆರಿಗೆ’ ವಿಧಿಸುವುದಿಲ್ಲ: ಪ್ರಧಾನಿ ಮೋದಿ ಸ್ಪಷ್ಟನೆ
