ನವದೆಹಲಿ : ದಕ್ಷಿಣ ಚೀನಾ ಸಮುದ್ರದಲ್ಲಿ ಚೀನಾ ಮತ್ತು ಫಿಲಿಪ್ಪೀನ್ಸ್ ನಡುವೆ ನಡೆಯುತ್ತಿರುವ ವಿವಾದದಲ್ಲಿ ಭಾರತವು ಫಿಲಿಪ್ಪೀನ್ಸ್ ಬೆಂಬಲಿಸಿದೆ. ಫಿಲಿಪ್ಪೀನ್ಸ್’ಗೆ ಭಾರತದ ಬೆಂಬಲದಿಂದ ಚೀನಾ ಪ್ರಚೋದಿತವಾಗಿದೆ. ಈ ವಿಷಯದಲ್ಲಿ ಮೂರನೇ ವ್ಯಕ್ತಿಗೆ (ದೇಶ) ಯಾವುದೇ ರೀತಿಯ ಹಸ್ತಕ್ಷೇಪ ಮಾಡುವ ಹಕ್ಕಿಲ್ಲ ಎಂದು ಚೀನಾ ಹೇಳಿದೆ.
ರಾಷ್ಟ್ರೀಯ ಸಾರ್ವಭೌಮತ್ವವನ್ನ ಎತ್ತಿಹಿಡಿಯುವಲ್ಲಿ ಭಾರತವು ಫಿಲಿಪ್ಪೀನ್ಸ್‘ನ್ನ ಬಲವಾಗಿ ಬೆಂಬಲಿಸುತ್ತದೆ ಎಂದು ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಮಂಗಳವಾರ ಹೇಳಿದ್ದಾರೆ. ವಿದೇಶಾಂಗ ಸಚಿವ ಜೈಶಂಕರ್ ಅವರ ಹೇಳಿಕೆಗೆ ಪ್ರತಿಕ್ರಿಯಿಸಿದ ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರ ಲಿನ್ ಜಿಯಾನ್, ಸಂಬಂಧಪಟ್ಟ ದೇಶಗಳ ನಡುವೆ ಕಡಲ ವಿವಾದಗಳನ್ನ ಪರಿಹರಿಸಲಾಗುತ್ತದೆ ಎಂದು ಹೇಳಿದರು. ಮೂರನೇ ವ್ಯಕ್ತಿಗೆ ಯಾವುದೇ ರೀತಿಯಲ್ಲಿ ಹಸ್ತಕ್ಷೇಪ ಮಾಡುವ ಹಕ್ಕಿಲ್ಲ ಎಂದಿದ್ದಾರೆ.
ಫಿಲಿಪ್ಪೀನ್ಸ್’ಗೆ ಭಾರತ ಬೆಂಬಲ.!
ಭಾರತದ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಈ ದಿನಗಳಲ್ಲಿ ಫಿಲಿಪ್ಪೀನ್ಸ್ ಪ್ರವಾಸದಲ್ಲಿದ್ದಾರೆ. “ಫಿಲಿಪ್ಪೀನ್ಸ್’ನ ರಾಷ್ಟ್ರೀಯ ಸಾರ್ವಭೌಮತ್ವವನ್ನ ಎತ್ತಿಹಿಡಿಯಲು ಭಾರತದ ಬೆಂಬಲವನ್ನ ನಾನು ಮತ್ತೊಮ್ಮೆ ಪುನರುಚ್ಚರಿಸುತ್ತೇನೆ” ಎಂದು ಅವರು ಮಂಗಳವಾರ ಫಿಲಿಪ್ಪೀನ್ಸ್ ವಿದೇಶಾಂಗ ಕಾರ್ಯದರ್ಶಿ ಎನ್ರಿಕ್ ಮನಲೋ ಅವರೊಂದಿಗಿನ ದ್ವಿಪಕ್ಷೀಯ ಮಾತುಕತೆಯ ನಂತರ ಜಂಟಿ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು. ಜಗತ್ತು ಬದಲಾದಂತೆ, ಭಾರತ ಮತ್ತು ಫಿಲಿಪೈನ್ಸ್’ನಂತಹ ದೇಶಗಳು ಪರಸ್ಪರ ಹತ್ತಿರವಾಗಿ ಕೆಲಸ ಮಾಡುವುದು ಮುಖ್ಯ. ಪ್ರತಿಯೊಂದು ದೇಶವು ತನ್ನ ರಾಷ್ಟ್ರೀಯ ಸಾರ್ವಭೌಮತ್ವವನ್ನ ಕಾಪಾಡಿಕೊಳ್ಳುವ ಮತ್ತು ಜಾರಿಗೊಳಿಸುವ ಹಕ್ಕನ್ನ ಹೊಂದಿದೆ. ನಾವು ಈ ವಿಷಯದ ಬಗ್ಗೆಯೂ ಚರ್ಚಿಸಿದ್ದೇವೆ” ಎಂದು ಅವರು ಹೇಳಿದರು.
BREAKING : “ED ವಶಪಡಿಸಿಕೊಂಡ ಆಸ್ತಿ ಬಡವರಿಗೆ ವಿತರಿಸಲು ಸರ್ಕಾರ ನಿರ್ಧಾರ” : ‘ಪ್ರಧಾನಿ ಮೋದಿ’ ಮಹತ್ವದ ಘೋಷಣೆ
BREAKING: ‘ಡಿಸಿಎಂ ಡಿ.ಕೆ ಶಿವಕುಮಾರ್’ ವಿರುದ್ಧ ‘ಚುನಾವಣಾ ಆಯೋಗ’ಕ್ಕೆ ‘ಬಿಜೆಪಿ ದೂರು’
‘SBI’ ಗ್ರಾಹಕರಿಗೆ ಬಿಗ್ ಶಾಕ್ : ಡೆಬಿಟ್ ಕಾರ್ಡ್ ‘ವಾರ್ಷಿಕ ನಿರ್ವಹಣಾ ಶುಲ್ಕ’ ಹೆಚ್ಚಳ
