ನವದೆಹಲಿ : ಕೇಂದ್ರ ಹಣಕಾಸು ಸಚಿವಾಲಯವು ಆನ್‌ಲೈನ್ ವಂಚನೆಯನ್ನ ತಡೆಯಲು ಡಿಜಿಟಲ್ ಪಾವತಿಗಳನ್ನ ಹೆಚ್ಚು ಸುರಕ್ಷಿತಗೊಳಿಸಲು ಪ್ರಯತ್ನಿಸುತ್ತಿದೆ. ಇದರ ಭಾಗವಾಗಿ, ಶೀಘ್ರದಲ್ಲೇ 5,000 ರೂಪಾಯಿ ಅಥವಾ ಅದಕ್ಕಿಂತ ಹೆಚ್ಚಿನ ಡಿಜಿಟಲ್ ಪಾವತಿಗಳನ್ನ ಮಾಡುವ ಮೊದಲು ಅವ್ರನ್ನ ಎಚ್ಚರಿಸುವ ವ್ಯವಸ್ಥೆ ಜಾರಿಗೆ ತರಲು ಬ್ಯಾಂಕ್‌ಗಳು ಕಾರ್ಯನಿರ್ವಹಿಸುತ್ತಿವೆ. ಅಂದ್ರೆ, ಖಾತೆಯಿಂದ ಹಣ ಕಡಿತಗೊಳಿಸೋಕು ಮುನ್ನ ಕರೆ ಅಥ್ವಾ ಸಂದೇಶದ ಮೂಲಕ ಎಚ್ಚರಿಕೆ ಸ್ವೀಕರಿಸುತ್ತೀರಿ. ನಂತ್ರ ನೀವಿದ್ದಕ್ಕೆ ಒಪ್ಪಿಗೆ ನೀಡಿದ್ರೆ ಮಾತ್ರ ಹಣ ಕಡಿತಗೊಳಿಸಲಾಗುತ್ತೆ.
5000 ಮತ್ತು ಹೆಚ್ಚಿನ ಮೌಲ್ಯದ ಡಿಜಿಟಲ್ ಪಾವತಿಗಾಗಿ ಎಚ್ಚರಿಕೆ ವ್ಯವಸ್ಥೆ: ಈ ಎಚ್ಚರಿಕೆ ವ್ಯವಸ್ಥೆಯು ಹೊಸ ಬಳಕೆದಾರರು ಮತ್ತು ಮಾರಾಟಗಾರರ ಹಣಕಾಸಿನ ವಹಿವಾಟುಗಳಿಗೆ ಮಾತ್ರ ಸೀಮಿತವಾಗಿರುತ್ತದೆ ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ. ಆನ್‌ಲೈನ್ ಮತ್ತು ಡಿಜಿಟಲ್ ಪಾವತಿಗಳಲ್ಲಿ ವಂಚನೆಗಳನ್ನ ತಡೆಯಲು ಇದು ಸಹಾಯ ಮಾಡುತ್ತದೆ ಎನ್ನುವ ನಂಬಿಕೆ ಇದೆ.
ಉದಾಹರಣೆಗೆ, ನೀವು UPI ನಂತಹ ಪಾವತಿ ವ್ಯವಸ್ಥೆಯ ಮೂಲಕ 5000 ರೂಪಾಯಿ ಮೌಲ್ಯದ ಸರಕುಗಳನ್ನ ಖರೀದಿಸಲು ಬಯಸುತ್ತೀರಿ. ನಂತ್ರ 5,000 ಡೆಬಿಟ್ ಆಗುವ ಮೊದ್ಲು ನೀವು ವಹಿವಾಟನ್ನ ದೃಢೀಕರಿಸಲು ಕೇಳುವ ಪರಿಶೀಲನೆ ಸಂದೇಶ ಅಥವಾ ಕರೆಯನ್ನ ಪಡೆಯುತ್ತೀರಿ. ನೀವು ದೃಢ ಪಡೆಸಿದ ನಂತ್ರ ಪಾವತಿ ಮಾಡಲಾಗುತ್ತದೆ. ಇದರರ್ಥ ಬಳಕೆದಾರರ ಪಾವತಿಗಳು ಸುರಕ್ಷಿತವಾಗಿರುತ್ತವೆ.
ಅನೇಕ ಸಂಸ್ಥೆಗಳು ಈಗಾಗಲೇ ಈ ನೀತಿಯನ್ನ ಜಾರಿಗೆ ತರುತ್ತಿವೆ. ಇನ್ನು ಈ ವಿಧಾನವನ್ನ ನಿರ್ದಿಷ್ಟ ಹೆಚ್ಚಿನ ಮೌಲ್ಯದ ಮೊತ್ತವನ್ನ ಡೆಬಿಟ್ ಮಾಡಿದಾಗ ಅಥವಾ ಕ್ರೆಡಿಟ್ ಮಾಡಿದಾಗ ಮಾತ್ರ ಕಾರ್ಯಗತಗೊಳಿಸಲಾಗುತ್ತದೆ.
4 ಗಂಟೆ ಕಾಯುವ ಅಗತ್ಯವಿಲ್ಲ!
ಮೊದಲ UPI ಪಾವತಿಗೆ 4 ಗಂಟೆಗಳ ವಿಳಂಬ : ಈ ಇತ್ತೀಚಿನ ಪ್ರಸ್ತಾಪವನ್ನ ಕಾರ್ಯಗತಗೊಳಿಸಿದ್ರೆ, ಮೊದಲ ಬಾರಿಗೆ UPI ಪಾವತಿಗಳು 4 ಗಂಟೆಗಳವರೆಗೆ ಕಾಯಬೇಕಾಗಿಲ್ಲ. ಮೊದಲು, ಮೊದಲ ಬಾರಿಗೆ UPI ಪಾವತಿಗಳು ಹಣಕಾಸಿನ ವಹಿವಾಟು ಪೂರ್ಣಗೊಳ್ಳಲು ಕನಿಷ್ಠ 4 ಗಂಟೆಗಳ ಕಾಲ ಕಾಯಲು ಪ್ರಸ್ತಾಪಿಸಲಾಗಿತ್ತು. ಆದರೆ ಇದು ಡಿಜಿಟಲ್ ಪಾವತಿ ಮಾಡುವವರಿಗೆ ಗಂಭೀರ ಅನಾನುಕೂಲತೆಯನ್ನ ಉಂಟು ಮಾಡುತ್ತದೆ. ಇದಲ್ಲದೆ, ಇದು ಭಾರತದ ಡಿಜಿಟಲ್ ಪಾವತಿಗಳ ಬೆಳವಣಿಗೆಗೆ ನಕಾರಾತ್ಮಕವಾಗಿ ಪರಿಣಮಿಸುತ್ತದೆ. ಅದಕ್ಕಾಗಿಯೇ ಇತ್ತೀಚಿನ ಅಲರ್ಟ್ ಸಿಸ್ಟಮ್ ಪ್ರಸ್ತಾವನೆಯನ್ನ ಜಾರಿಗೆ ತರಲು ಪ್ರಯತ್ನಿಸಲಾಗುತ್ತಿದೆ.
ಸೈಬರ್ ವಂಚನೆ ತಡೆಯಲು ಕ್ರಮ.!
ಡಿಜಿಟಲ್ ಪಾವತಿಗಾಗಿ ಸೈಬರ್ ಭದ್ರತೆ : ಇತ್ತೀಚೆಗೆ, ಆರ್ಥಿಕ ವ್ಯವಹಾರಗಳು, ಕಂದಾಯ, ಹಣಕಾಸು ಸೇವೆಗಳು, ಆರ್ಥಿಕ ವ್ಯವಹಾರಗಳು, ಎಲೆಕ್ಟ್ರಾನಿಕ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ, ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ ಮತ್ತು ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮವು ಸಭೆಯನ್ನು ಆಯೋಜಿಸಿದೆ. ದೇಶದಲ್ಲಿ ಹೆಚ್ಚುತ್ತಿರುವ ಸೈಬರ್ ವಂಚನೆಗಳನ್ನ ತಡೆಯುವ ಕಾರ್ಯಸೂಚಿಯೊಂದಿಗೆ ಈ ಸಭೆಯನ್ನ ಆಯೋಜಿಸಲಾಗಿದೆ.
ಸ್ಪ್ಯಾಮ್ ಕರೆಗಳ ಪತ್ತೆ.!
ಸ್ಪ್ಯಾಮ್ ಕರೆಗಳನ್ನ ಪತ್ತೆ ಮಾಡುವುದು ಹೇಗೆ : ಕೇಂದ್ರ ಸರ್ಕಾರವು ಭಾರತೀಯ ಟೆಲಿಕಾಂ ಪ್ರಾಧಿಕಾರದೊಂದಿಗೆ ಡಿಜಿಟಲ್ ಪಾವತಿಗಳನ್ನ ಹೆಚ್ಚು ಸುರಕ್ಷಿತಗೊಳಿಸಲು ತೆಗೆದುಕೊಳ್ಳಬೇಕಾದ ಕ್ರಮಗಳ ಕುರಿತು ಚರ್ಚಿಸುತ್ತಿದೆ. ಅನುಮಾನಾಸ್ಪದ ಕಾಲರ್ ಪಟ್ಟಿಯನ್ನ ಸಕ್ರಿಯಗೊಳಿಸುವ ಪರ್ಯಾಯ ಮಾರ್ಗಗಳನ್ನ ಸಹ ಸರ್ಕಾರ ಅನ್ವೇಷಿಸುತ್ತಿದೆ, ವಿಶೇಷವಾಗಿ ಅಂತರರಾಷ್ಟ್ರೀಯ ಮೊಬೈಲ್ ಸಾಧನಗಳ ಗುರುತಿನ ಮೂಲಕ ಮತ್ತು ಸ್ಪ್ಯಾಮ್ ಕರೆಗಳಿಗೆ ಗ್ರಾಹಕರನ್ನ ಎಚ್ಚರಿಸುತ್ತದೆ.
BREAKING : ಲೋಕಸಭಾ ಚುನಾವಣೆ : ಹಾಸನ ಕ್ಷೇತ್ರದಿಂದ ಪ್ರಜ್ವಲ್ ರೇವಣ್ಣ ಸ್ಪರ್ಧೆ : HD ದೇವೇಗೌಡ ಘೋಷಣೆ
