ಬೆಂಗಳೂರು: ಮಧ್ಯಪ್ರಾಚ್ಯ ದೇಶಗಳಲ್ಲಿ ಉಂಟಾಗಿರುವ ಅನಿರೀಕ್ಷಿತ ಉದ್ವಿಗ್ನತೆ ಮತ್ತು ವಿಮಾನಯಾನ ವ್ಯತ್ಯಯದಿಂದಾಗಿ ವಿದೇಶಗಳಲ್ಲಿ ಸಿಲುಕಿರುವ ಕನ್ನಡಿಗರ ಸುರಕ್ಷತೆಗೆ ರಾಜ್ಯ ಸರ್ಕಾರ ಮೊದಲ ಆದ್ಯತೆ ನೀಡಿದೆ. ಪ್ರಸ್ತುತ ಯುಎಇ (ದುಬೈ) ನಲ್ಲಿ ಸುಮಾರು 100 ಮತ್ತು ಬಹ್ರೇನ್ನಲ್ಲಿ 9 ಕನ್ನಡಿಗರು ಸಿಲುಕಿಕೊಂಡಿರುವ ಮಾಹಿತಿ ಲಭ್ಯವಾಗಿದ್ದು, ಅವರ ಸುರಕ್ಷಿತ ವಾಪಸಾತಿಗಾಗಿ ಸರ್ಕಾರ ಎಲ್ಲಾ ಅಗತ್ಯ ಕ್ರಮಗಳನ್ನು ಕೈಗೊಂಡಿದೆ ಎಂದು ಸಿಎಂ ಸಿದ್ದರಾಮಯ್ಯ ತಿಳಿಸಿದ್ದಾರೆ.
ಸರ್ಕಾರದ ಪ್ರಮುಖ ಕ್ರಮಗಳು:
24×7 ನಿಯಂತ್ರಣ ಕೊಠಡಿ: ರಾಜ್ಯ ತುರ್ತು ಕಾರ್ಯಾಚರಣೆ ಕೇಂದ್ರ (SEOC) ಮತ್ತು ಎಲ್ಲಾ ಜಿಲ್ಲಾ ತುರ್ತು ಕಾರ್ಯಾಚರಣೆ ಕೇಂದ್ರಗಳನ್ನು (DEOC) 24 ಗಂಟೆಗಳ ಕಾಲ ಸಕ್ರಿಯಗೊಳಿಸಲಾಗಿದೆ.
ಕೇಂದ್ರದೊಂದಿಗೆ ಸಮನ್ವಯ: ವಿದೇಶಾಂಗ ವ್ಯವಹಾರಗಳ ಸಚಿವಾಲಯ, ನಾಗರಿಕ ವಿಮಾನಯಾನ ಸಚಿವಾಲಯ ಹಾಗೂ ಭಾರತೀಯ ರಾಯಭಾರ ಕಚೇರಿಗಳೊಂದಿಗೆ ರಾಜ್ಯ ಸರ್ಕಾರ ನಿರಂತರ ಸಂಪರ್ಕದಲ್ಲಿದೆ.
ಮುಖ್ಯ ಕಾರ್ಯದರ್ಶಿಗಳ ಪತ್ರ: ಸಿಲುಕಿಕೊಂಡಿರುವ ಕನ್ನಡಿಗರಿಗೆ ತುರ್ತು ನೆರವು ಮತ್ತು ಸುರಕ್ಷಿತವಾಗಿ ಸ್ವದೇಶಕ್ಕೆ ಕರೆತರಲು ಕೇಂದ್ರ ಸರ್ಕಾರದ ಮಧ್ಯಪ್ರವೇಶ ಕೋರಿ ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಗಳು ಪತ್ರ ಬರೆದಿದ್ದಾರೆ.
ವಿಮಾನಯಾನ ಸಂಸ್ಥೆಗಳಿಗೆ ಮನವಿ: ವಿಮಾನ ಟಿಕೆಟ್ ಮರುಹೊಂದಾಣಿಕೆಯಲ್ಲಿ ನಮ್ಯತೆ ತೋರಲು ಮತ್ತು ಹೆಚ್ಚಿನ ವಿಮಾನಗಳ ವ್ಯವಸ್ಥೆ ಮಾಡುವಂತೆ ಏರ್ಲೈನ್ಸ್ ಸಂಸ್ಥೆಗಳಿಗೆ ವಿನಂತಿಸಲಾಗಿದೆ.
ಪ್ರಜೆಗಳಿಗೆ ಪ್ರಮುಖ ಸೂಚನೆಗಳು:
ಸ್ಥಳೀಯ ಆಡಳಿತ ಮತ್ತು ಭಾರತೀಯ ರಾಯಭಾರ ಕಚೇರಿಗಳು ನೀಡುವ ಸೂಚನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಿ.
ನೀಡಿರುವ ಸಹಾಯವಾಣಿ ಸಂಖ್ಯೆಗಳ ಮೂಲಕ ಕೂಡಲೇ ರಾಯಭಾರ ಕಚೇರಿಯಲ್ಲಿ ನಿಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಿ.
ಸಂಯಮದಿಂದ ಇರಿ ಮತ್ತು ಅಧಿಕೃತ ಮಾಹಿತಿಗಳಿಗಾಗಿ ಮಾತ್ರ ಕಾಯುತ್ತಿರಿ.
ಕರ್ನಾಟಕ ಸರ್ಕಾರವು ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದು, ಸಂಕಷ್ಟದಲ್ಲಿರುವ ಕನ್ನಡಿಗರ ನೆರವಿಗೆ ಸದಾ ಸಿದ್ಧವಿದೆ ಎಂದು ಹೇಳಿದ್ದಾರೆ.
ತಪ್ಪದೇ ಈ ಸಂಖ್ಯೆಗೆ ಕರೆ ಮಾಡಿ
| ದೇಶ | ಸಹಾಯವಾಣಿ ಸಂಖ್ಯೆಗಳು / ವಾಟ್ಸಾಪ್ (WhatsApp) |
| ಇಸ್ರೇಲ್ | +972-54-7520711 |
| ಇರಾನ್ |
+98 912 810 9115, +98 912 810 9109, +98 912 810 9102, +98 993 217 9359 |
| ಸೌದಿ ಅರೇಬಿಯಾ |
ರಿಯಾದ್: 00-966-11-4884697, 800 247 1234 (Toll-Free) ರಿಯಾದ್ ವಾಟ್ಸಾಪ್: 00-966-542126748 ಜಿದ್ದಾ: +966 556122301, 800 244 0003 (Toll-Free) ಜಿದ್ದಾ ವಾಟ್ಸಾಪ್: +966 536209704 |
| ಯುಎಇ (UAE) | 800-46342 (Toll-Free), ವಾಟ್ಸಾಪ್: +971 5430 90571 |
| ಖತಾರ್ | 00974-55647502 |
| ಬಹ್ರೇನ್ | 00973-39418071 |
| ಜೋರ್ಡಾನ್ | 00962-770 422 276 |
| ಒಮಾನ್ | 8007 1234 (Toll-Free), ವಾಟ್ಸಾಪ್: +968 9828 2270 |
| ಇರಾಕ್ |
+964 771 651 1185 (ಇಂಗ್ಲಿಷ್ ಮತ್ತು ಹಿಂದಿ) +964 770 444 4899 (ಅರೇಬಿಕ್) |
| ಕುವೈತ್ | +965 65501946 |
| ಪ್ಯಾಲೆಸ್ಟೈನ್ | +970 592916418 |
"I am closely monitoring the evolving situation in parts of the Middle East following the recent escalation of tensions. The safety and well-being of every Kannadiga abroad is our highest priority.
As per the information received so far, around 100 Kannadigas are currently… pic.twitter.com/FeSvbAqfwL
— CM of Karnataka (@CMofKarnataka) March 2, 2026
