ಶಿವಮೊಗ್ಗ: ಶಿವಮೊಗ್ಗದ ಶೇಷಾದ್ರಿಪುರಂನ ಶಂಕರಮಠ ರಸ್ತೆಯಲ್ಲಿರುವ ರಾಹುಲ್ ಹುಂಡೈ ಶೋ ರೂಂನಲ್ಲಿ ಶುಕ್ರವಾರ ರಾತ್ರಿ ಅಗ್ನಿ ಅವಘಡ ಸಂಭವಿಸಿ 3 ಕಾರುಗಳು ಸುಟ್ಟು ಹೋಗಿವೆ.ಹಾಗೂ ಹೊರಗೆ ಹೊರಗೆ ನಿಲ್ಲಿಸಿದ್ದ ನಾಲ್ಕು ಕಾರುಗಳಿಗೂ ಕೂಡ ಹಾನಿಯಾಗಿದ್ದು ಭಾಗಶ ಸುಟ್ಟು ಹೋಗಿದೆ.
ಬೆಂಕಿಯು ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ನಿಂದ ಹೊತ್ತಿಕೊಂಡಿರಬಹುದು ಎಂದು ಹೇಳಲಾಗಿದೆ. ಆದರೆ ಅದನ್ನು ಅಗ್ನಿಶಾಮಕ ದಳದ ಅಧಿಕಾರಿಗಳು ಖಚಿತಪಡಿಸಿಲ್ಲ.ಶೋರೂಂ ಕಟ್ಟಡ ಬೆಂಕಿಯಿಂದ ಹಾನಿಗೀಡಾಗಿದೆ.ಹಾಗೂ ಕೋಟ್ಯಾಂತರ ರೂಪಾಯಿ ಮೌಲ್ಯದ ವಸ್ತುಗಳು ಹಾನಿಯಾಗಿವೆ.
ಶೋ ರೂಂನಲ್ಲಿ ಕೆಲಸಗಾರರು ಯಾರೂ ಇರಲಿಲ್ಲ. ಭದ್ರತಾ ಕೆಲಸಗಾರರು ಮಾತ್ರ ಇದ್ದರು. ಹೀಗಾಗಿ ಯಾವುದೇ ಜೀವ ಹಾನಿ ಸಂಭವಿಸಿಲ್ಲ.ಬೆಂಕಿ ಅವಘಡ ಸಂಭವಿಸುತ್ತಿದ್ದಂತೆಯೇ ಶಿವಮೊಗ್ಗದಿಂದ ಎರಡು, ಭದ್ರಾವತಿ ಹಾಗೂ ತರೀಕೆರೆಯಿಂದ ತಲಾ ಒಂದೊಂದು ಅಗ್ನಿ ಶಮನ ವಾಹನಗಳು ಬಂದು ಬೆಂಕಿ ನಂದಿಸಿದವು.
