ಮುಂಬೈ : ಮುಂಬೈನಿಂದ ಫ್ರಾಂಕ್‌ಫರ್ಟ್‌ಗೆ ತೆರಳುತ್ತಿದ್ದ ವಿಸ್ತಾರಾ ಏರ್‌ಲೈನ್ಸ್ ವಿಮಾನಕ್ಕೆ ಬಾಂಬ್ ಬೆದರಿಕೆ ಕರೆ ಬಂದಿದ್ದು, ಟರ್ಕಿಯಲ್ಲಿ ತುರ್ತು ಭೂಸ್ಪರ್ಶ ಮಾಡಲಾಗಿದೆ.
ಮುಂಬೈ-ಫ್ರಾಂಕ್‌ಫರ್ಟ್ ವಿಸ್ತಾರಾ ಫ್ಲೈಟ್ ಯುಕೆ 27 ರಾತ್ರಿ 7:05 ರ ಸುಮಾರಿಗೆ ಎರ್ಜುರಂ ವಿಮಾನ ನಿಲ್ದಾಣದಲ್ಲಿ ಸುರಕ್ಷಿತವಾಗಿ ಇಳಿಯಿತು ಎಂದು ಏರ್‌ಲೈನ್ ಶುಕ್ರವಾರ ಹೇಳಿಕೆಯಲ್ಲಿ ತಿಳಿಸಿದೆ. ಟರ್ಕಿಯ ಅಧಿಕಾರಿಗಳ ಪ್ರಕಾರ, 234 ಪ್ರಯಾಣಿಕರು ಮತ್ತು 13 ಸಿಬ್ಬಂದಿಯನ್ನು ಹೊತ್ತೊಯ್ಯುತ್ತಿದ್ದ ವಿಮಾನದ ಶೌಚಾಲಯದಲ್ಲಿ “ಬಾಂಬ್ ಆನ್ ಬೋರ್ಡ್” ಎಂದು ಬರೆಯಲಾದ ಕಾಗದದ ತುಂಡು ಕಂಡುಬಂದಿದೆ.
“ರಾತ್ರಿ 11:30 ರ ಹೊತ್ತಿಗೆ (ಸ್ಥಳೀಯ ಸಮಯ), ನಾವು ಎಲ್ಲಾ ಶೋಧ ಮತ್ತು ಪರೀಕ್ಷಾ ಕಾರ್ಯಾಚರಣೆಗಳನ್ನು ಪೂರ್ಣಗೊಳಿಸಿದ್ದೇವೆ. ನಾವು ನಡೆಸಿದ ಕೆಲಸದ ಪರಿಣಾಮವಾಗಿ, ಬಾಂಬ್ ಬೆದರಿಕೆಯು ಆಧಾರರಹಿತವಾಗಿದೆ ಎಂದು ನಾವು ಕಂಡುಕೊಂಡಿದ್ದೇವೆ” ಎಂದು ಎರ್ಜುರಮ್ ಗವರ್ನರ್ ಮುಸ್ತಫಾ ಸಿಫ್ಟಿ ಹೇಳಿದರು. ತಪಾಸಣೆಯ ನಂತರ ವಿಮಾನ ನಿಲ್ದಾಣದಲ್ಲಿ ಹೆಚ್ಚುವರಿ ಭದ್ರತಾ ವ್ಯವಸ್ಥೆಗಳನ್ನು ತೆಗೆದುಹಾಕಲಾಯಿತು.
#DiversionUpdate: Flight UK27 from Mumbai to Frankfurt (BOM-FRA) has been diverted to Turkey (Erzurum airport) due to security reasons and has landed safely at 1905 hours. Please stay tuned for further updates.
— Vistara (@airvistara) September 6, 2024
ಏರ್‌ಲೈನ್‌ನ ಪೇರಾ ಹೇಳಿಕೆಯಂತೆ, ಗ್ರಾಹಕರು, ಸಿಬ್ಬಂದಿ ಮತ್ತು ವಿಮಾನವನ್ನು ಭದ್ರತಾ ಏಜೆನ್ಸಿಗಳು ತೆರವುಗೊಳಿಸಲಾಗಿದೆ ಮತ್ತು ಎಲ್ಲಾ ಅಗತ್ಯ ತಪಾಸಣೆಗಳನ್ನು ನಡೆಸಲಾಗಿದೆ. ಪ್ರಯಾಣಿಕರನ್ನು ಫ್ರಾಂಕ್‌ಫರ್ಟ್‌ಗೆ ಕರೆದೊಯ್ಯಲು ಶನಿವಾರ ಮಧ್ಯರಾತ್ರಿ 12.25 ಕ್ಕೆ (ಸ್ಥಳೀಯ ಕಾಲಮಾನ) ಟರ್ಕಿಗೆ ಪರ್ಯಾಯ ವಿಮಾನವನ್ನು ಕಳುಹಿಸುತ್ತಿರುವುದಾಗಿ ಕಂಪನಿ ಹೇಳಿದೆ.
