ಮಹಾಕುಂಭ 2025ರ ಸಂದರ್ಭದಲ್ಲಿ ತನ್ನ ನೀಲಿ-ಹಸಿರು ಕಣ್ಣುಗಳಿಂದಲೇ ಸಾಮಾಜಿಕ ಜಾಲತಾಣದಲ್ಲಿ ಸಂಚಲನ ಮೂಡಿಸಿದ್ದ ‘ವೈರಲ್ ಗರ್ಲ್’ ಮೋನಾಲಿಸಾ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಆದರೆ ಈ ಬಾರಿ ಅವರು ಸುದ್ದಿಯಾಗುತ್ತಿರುವುದು ತಮ್ಮ ವೈಯಕ್ತಿಕ ಜೀವನದ ಕಾರಣಕ್ಕಾಗಿ.
ಮೋನಾಲಿಸಾ ತಮ್ಮ ಮುಸ್ಲಿಂ ಪ್ರಿಯಕರ ಫರ್ಹಾನ್ ಜೊತೆ ಕೇರಳಕ್ಕೆ ತೆರಳಿ ವಿವಾಹವಾಗುತ್ತಿದ್ದಾರೆ ಎಂಬ ಸುದ್ದಿ ಈಗ ಎಲ್ಲೆಡೆ ಹರಿದಾಡುತ್ತಿದೆ. ಈ ಕುರಿತಾದ
ಸಂಪೂರ್ಣ ವಿವರ ಇಲ್ಲಿದೆ:
ಮಧ್ಯಪ್ರದೇಶದ ಇಂದೋರ್ ಮೂಲದವರಾದ ಮೋನಾಲಿಸಾ, ಇತ್ತೀಚೆಗೆ ಕೇರಳದ ತಿರುವನಂತಪುರದ ತಂಪಾನೂರು ಪೊಲೀಸ್ ಠಾಣೆಗೆ ಭೇಟಿ ನೀಡಿ ರಕ್ಷಣೆ ಕೋರಿದ್ದಾರೆ. ತಮ್ಮ ತಂದೆ ಈ ಪ್ರೇಮ ವಿವಾಹಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸುತ್ತಿರುವ ಹಿನ್ನೆಲೆಯಲ್ಲಿ, ಪ್ರಾಣ ಭೀತಿಯಿಂದ ಅವರು ಕೇರಳಕ್ಕೆ ಬಂದಿರುವುದಾಗಿ ತಿಳಿಸಿದ್ದಾರೆ.
ಮೋನಾಲಿಸಾ ಮತ್ತು ಅವರ ಪ್ರಿಯಕರ ಫರ್ಹಾನ್ ಇಬ್ಬರೂ ಯಾವುದೇ ಸಾಮಾಜಿಕ ಅಥವಾ ಧಾರ್ಮಿಕ ಒತ್ತಡವಿಲ್ಲದೆ ಬದುಕಲು ಸುರಕ್ಷಿತ ತಾಣವಾಗಿ ಕೇರಳವನ್ನು ಆರಿಸಿಕೊಂಡಿದ್ದಾರೆ. ಪೊಲೀಸರು ಮೋನಾಲಿಸಾ ಅವರ ದಾಖಲೆಗಳನ್ನು ಪರಿಶೀಲಿಸಿದಾಗ ಅವರು ವಯಸ್ಕರು (Major) ಎಂದು ತಿಳಿದುಬಂದಿದೆ. ಕಾನೂನಿನ ಪ್ರಕಾರ ಅವರಿಗೆ ತಮ್ಮ ಜೀವನ ಸಂಗಾತಿಯನ್ನು ಆರಿಸಿಕೊಳ್ಳುವ ಹಕ್ಕಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಪೊಲೀಸರು ಮೋನಾಲಿಸಾ ತಂದೆ ಜೈ ಸಿಂಗ್ ಭೋಸಲೆ ಅವರನ್ನು ಠಾಣೆಗೆ ಕರೆಸಿ ಕೌನ್ಸೆಲಿಂಗ್ ನಡೆಸಿದ್ದಾರೆ. ಮಗಳು ವಯಸ್ಕಳಾಗಿರುವುದರಿಂದ ಆಕೆಯ ನಿರ್ಧಾರದಲ್ಲಿ ಹಸ್ತಕ್ಷೇಪ ಮಾಡದಂತೆ ಸೂಚಿಸಿ, ಪ್ರೇಮಿಗಳಿಗೆ ರಕ್ಷಣೆ ನೀಡಿದ್ದಾರೆ.
