ಇಸ್ರೇಲ್-ಇರಾನ್ ಯುದ್ಧದ ಭೀತಿ: ಇರಾನ್ ರಾಜಧಾನಿ ತಹರಾನ್ನಲ್ಲಿ ಸರಣಿ ಸ್ಫೋಟ, ಇಸ್ರೇಲ್ನಿಂದ ‘ಪ್ರಿವೆಂಟಿವ್ ಅಟ್ಯಾಕ್’ ಆರಂಭ!
ಪಶ್ಚಿಮ ಏಷ್ಯಾದಲ್ಲಿ ಯುದ್ಧದ ಕಾರ್ಮೋಡ ಮತ್ತಷ್ಟು ಕಪ್ಪಾಗಿದ್ದು, ಇಸ್ರೇಲ್ ಇರಾನ್ ಮೇಲೆ ನೇರ ಮಿಲಿಟರಿ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದೆ. ಶನಿವಾರ ಬೆಳಿಗ್ಗೆ ಇಸ್ರೇಲ್ ರಕ್ಷಣಾ ಸಚಿವರು ಈ ಬಗ್ಗೆ ಅಧಿಕೃತ ಮಾಹಿತಿ ನೀಡಿದ್ದು, ಇರಾನ್ ವಿರುದ್ಧ ‘ಪ್ರಿವೆಂಟಿವ್ ಅಟ್ಯಾಕ್’ (ಎಚ್ಚರಿಕೆ ಕ್ರಮವಾಗಿ ದಾಳಿ) ಕೈಗೊಳ್ಳಲಾಗಿದೆ ಎಂದು ದೃಢಪಡಿಸಿದ್ದಾರೆ.
ತಹರಾನ್ನಲ್ಲಿ ಸರಣಿ ಸ್ಫೋಟಗಳ ಸದ್ದು
ಇಸ್ರೇಲ್ನ ಈ ದಾಳಿಯ ಬೆನ್ನಲ್ಲೇ ಇರಾನ್ ರಾಜಧಾನಿ ತಹರಾನ್ನಲ್ಲಿ ಭೀಕರ ಸ್ಫೋಟಗಳು ಸಂಭವಿಸಿವೆ. ಪ್ರತ್ಯಕ್ಷದರ್ಶಿಗಳ ಪ್ರಕಾರ, ನಗರದ ಕೇಂದ್ರ ಭಾಗದಲ್ಲಿ ಕನಿಷ್ಠ ಮೂರು ದೊಡ್ಡ ಸ್ಫೋಟಗಳು ಕೇಳಿಬಂದಿದ್ದು, ಇಡೀ ನಗರವೇ ಬೆಚ್ಚಿಬಿದ್ದಿದೆ. ತಸ್ನಿಮ್ ಸುದ್ದಿಸಂಸ್ಥೆಯ ವರದಿಯಂತೆ, ಉತ್ತರದ ಸೈಯದ್ ಖಾಂದಾನ್ ಪ್ರದೇಶದಲ್ಲಿ ಮತ್ತೆರಡು ಸ್ಫೋಟಗಳ ಸದ್ದು ಕೇಳಿಬಂದಿದೆ ಎನ್ನಲಾಗಿದೆ. ಆದರೆ, ಇರಾನ್ ಸರ್ಕಾರ ಈವರೆಗೆ ಸಾವು-ನೋವುಗಳ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.
ಇಸ್ರೇಲ್ನಲ್ಲಿ ಹೈ ಅಲರ್ಟ್
ಇತ್ತ ಇಸ್ರೇಲ್ ತನ್ನ ನಾಗರಿಕರ ಸುರಕ್ಷತೆಗಾಗಿ ದೇಶಾದ್ಯಂತ ‘ಪ್ರೊಆಕ್ಟಿವ್ ಅಲರ್ಟ್’ ಜಾರಿಗೊಳಿಸಿದೆ. ಇರಾನ್ನಿಂದ ಪ್ರತಿರೋಧದ ರೂಪದಲ್ಲಿ ಕ್ಷಿಪಣಿ ದಾಳಿ ನಡೆಯುವ ಸಾಧ್ಯತೆ ಇರುವುದರಿಂದ ದೇಶಾದ್ಯಂತ ಸೈರನ್ಗಳು ಮೊಳಗುತ್ತಿವೆ. ಜನರು ತಕ್ಷಣವೇ ಬಂಕರ್ ಅಥವಾ ಸುರಕ್ಷಿತ ಸ್ಥಳಗಳಿಗೆ ತೆರಳುವಂತೆ ಸೂಚಿಸಲಾಗಿದೆ.
ರಾಜತಾಂತ್ರಿಕ ಪ್ರಯತ್ನಗಳಿಗೆ ದೊಡ್ಡ ಹೊಡೆತ
ವಿಶೇಷವೆಂದರೆ, ಈ ದಾಳಿಯು ಅಮೆರಿಕ ಮತ್ತು ಇರಾನ್ ನಡುವೆ ಪರಮಾಣು ಕಾರ್ಯಕ್ರಮಕ್ಕೆ ಸಂಬಂಧಿಸಿದ ಮಾತುಕತೆ ನಡೆಯುತ್ತಿರುವಾಗಲೇ ಸಂಭವಿಸಿದೆ. ಜಿನೀವಾದಲ್ಲಿ ಗುರುವಾರವಷ್ಟೇ ಮೂರನೇ ಹಂತದ ಮಾತುಕತೆ ಮುಗಿದಿದ್ದು, ಇಂದು ನಾಲ್ಕನೇ ಹಂತದ ಚರ್ಚೆ ನಡೆಯಬೇಕಿತ್ತು. ಆದರೆ ಇಸ್ರೇಲ್ನ ಈ ದಾಳಿಯು ಶಾಂತಿ ಮಾತುಕತೆಗೆ ಎಳ್ಳುನೀರು ಬಿಡುವ ಸಾಧ್ಯತೆ ಇದೆ.
ಅಮೆರಿಕದ ನಡೆ ಮತ್ತು ಎಚ್ಚರಿಕೆ
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಈ ಹಿಂದೆಯೇ ಇರಾನ್ ಅನ್ನು “ಅತ್ಯಂತ ಕಠಿಣ ಮತ್ತು ಅಪಾಯಕಾರಿ” ದೇಶ ಎಂದು ಕರೆದಿದ್ದರು. ಶುಕ್ರವಾರವಷ್ಟೇ ಅಮೆರಿಕದ ಸ್ಟೇಟ್ ಡಿಪಾರ್ಟ್ಮೆಂಟ್, ಇಸ್ರೇಲ್ನಲ್ಲಿರುವ ತನ್ನ ರಾಯಭಾರ ಕಚೇರಿಯ ಅನಿವಾರ್ಯವಲ್ಲದ ಸಿಬ್ಬಂದಿಯನ್ನು ತೆರವುಗೊಳಿಸಲು ಅನುಮತಿ ನೀಡಿತ್ತು. ಇದು ಬಹುಶಃ ಈ ದಾಳಿಯ ಮುನ್ಸೂಚನೆಯಾಗಿತ್ತೇ ಎಂಬ ಅನುಮಾನ ಮೂಡಿಸುತ್ತಿದೆ.
ಈಗ ಇಡೀ ವಿಶ್ವದ ಕಣ್ಣು ಇರಾನ್ ಮೇಲಿದ್ದು,
BREAKING:
Israel has launched a preemptive strike on Tehran, marking a dramatic escalation with Iran.
Israel’s Defense Minister Israel Katz said the operation was aimed at removing threats to the state and confirmed a nationwide special state of emergency. pic.twitter.com/97NrYCu2YU
— Digital Debate (@DigDebate) February 28, 2026
