ನವದೆಹಲಿ : ಪ್ರಯಾಣಿಕರಿಗೆ ರೈಲ್ವೆಯಿಂದ ಉಡುಗೊರೆ ಸಿಗಲಿದ್ದು, ರೈಲ್ವೆ ಸಚಿವಾಲಯವು ಅನೇಕ ವಂದೇ ಭಾರತ್ ರೈಲುಗಳಲ್ಲಿ ಕೋಚ್’ಗಳನ್ನು ಹೆಚ್ಚಿಸಲು ನಿರ್ಧರಿಸಿದೆ. ರೈಲುಗಳಲ್ಲಿ ಹೆಚ್ಚುತ್ತಿರುವ ಜನದಟ್ಟಣೆ ಮತ್ತು ಪ್ರಯಾಣಿಕರ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಈ ಕ್ರಮ ಕೈಗೊಳ್ಳಲಾಗುತ್ತಿದೆ.
ವರದಿಯ ಪ್ರಕಾರ, ಕೆಲವು ವಂದೇ ಭಾರತ್ ರೈಲುಗಳು 8 ಕೋಚ್’ಗಳ ಬದಲಿಗೆ 16 ಕೋಚ್’ಗಳನ್ನು ಮತ್ತು 16 ಕೋಚ್’ಗಳ ಬದಲಿಗೆ 20 ಕೋಚ್’ಗಳನ್ನು ಹೊಂದಿರುತ್ತವೆ.
ರೈಲ್ವೆ ಸಚಿವಾಲಯದಿಂದ ಮಾಹಿತಿ.!
ರೈಲ್ವೆ ಸಚಿವಾಲಯದಿಂದ ಬಂದಿರುವ ಮಾಹಿತಿಯ ಪ್ರಕಾರ, 2025-26ರ ಆರ್ಥಿಕ ವರ್ಷದಲ್ಲಿ (ಜುಲೈ 31, 2025 ರವರೆಗೆ) ಪ್ರಯಾಣಿಕರ ಸಂಖ್ಯೆಯಲ್ಲಿ ಮತ್ತಷ್ಟು ಹೆಚ್ಚಳವಾಗುವ ಸಾಧ್ಯತೆಯನ್ನ ಗಮನದಲ್ಲಿಟ್ಟುಕೊಂಡು ವಂದೇ ಭಾರತ್ ರೈಲುಗಳಲ್ಲಿ ಬದಲಾವಣೆಗಳನ್ನ ಮಾಡಲಾಗುತ್ತಿದೆ. ಅದೇ ಸಮಯದಲ್ಲಿ, ಪ್ರಸ್ತುತ ಚಾಲನೆಯಲ್ಲಿರುವ ವಂದೇ ಭಾರತ್ ರೈಲುಗಳಲ್ಲಿ ಕೆಲವು ಬದಲಾವಣೆಗಳಿರುತ್ತವೆ.
* 3 ರೈಲುಗಳಲ್ಲಿ 16 ಬೋಗಿಗಳನ್ನ ಹೊಂದಿರುವ ವಂದೇ ಭಾರತ್ ರೈಲುಗಳನ್ನ 20 ಬೋಗಿಗಳಿಗೆ ಹೆಚ್ಚಿಸಲಾಗುವುದು.
* 8 ಬೋಗಿಗಳನ್ನು ಹೊಂದಿರುವ 4 ರೈಲುಗಳನ್ನು 16 ಬೋಗಿಗಳಾಗಿ ಪರಿವರ್ತಿಸಲಾಗುವುದು.
* 20 ಬೋಗಿಗಳನ್ನು ಹೊಂದಿರುವ ಹೊಸ ರ್ಯಾಕ್ಗಳು ಸಹ ಸಿದ್ಧವಾಗುತ್ತವೆ.
* 16 ಕೋಚ್ಗಳ ಒಂದು ರ್ಯಾಕ್ ಹೆಚ್ಚುವರಿಯಾಗಿ ಲಭ್ಯವಿರುತ್ತದೆ.
* ರ್ಯಾಕ್’ಗಳನ್ನ ಖಾಲಿ ಮಾಡುವ ರೈಲುಗಳನ್ನು ಹೊಸ ವಂದೇ ಭಾರತ್ ಸೇವೆಗಳಿಗೆ ಬಳಸಲಾಗುವುದು.
ವಂದೇ ಭಾರತ್ ರೈಲುಗಳ ಬೋಗಿಗಳನ್ನ ಬದಲಾಯಿಸಲಾಗುವುದು.!
* ಮಂಗಳೂರು ಸೆಂಟ್ರಲ್ – ತಿರುವನಂತಪುರಂ ಸೆಂಟ್ರಲ್ (20631/32) → 16 ರಿಂದ 20 ಬೋಗಿಗಳು
* ಸಿಕಂದರಾಬಾದ್ – ತಿರುಪತಿ (20701/02) → 16 ರಿಂದ 20 ಬೋಗಿಗಳು
* ಚೆನ್ನೈ ಎಗ್ಮೋರ್ – ತಿರುನಲ್ವೇಲಿ (20665/66) → 16 ರಿಂದ 20 ಬೋಗಿಗಳು
* ಮಧುರೈ – ಬೆಂಗಳೂರು ಕಂಟೋನ್ಮೆಂಟ್ (20671/72) → 8 ರಿಂದ 16 ಕೋಚ್ಗಳು
* ದಿಯೋಘರ್ – ವಾರಣಾಸಿ (22499/00) → 8 ರಿಂದ 16 ಕೋಚ್ಗಳು
* ಹೌರಾ – ರೂರ್ಕೆಲಾ (20871/72) → 8 ರಿಂದ 16 ಕೋಚ್ಗಳು
* ಇಂದೋರ್ – ನಾಗ್ಪುರ (20911/12) → 8 ರಿಂದ 16 ಕೋಚ್ಗಳು
ಸರ್ಕಾರದ ಈ ಕ್ರಮದ ನಂತರ ಪ್ರಯಾಣಿಕರಿಗೆ ಅನುಕೂಲ ಸಿಗುವ ನಿರೀಕ್ಷೆಯಿದೆ. ವಂದೇ ಭಾರತ್ ರೈಲುಗಳ ಸಂಖ್ಯೆಯನ್ನು ಹೆಚ್ಚಿಸಬೇಕೆಂಬ ಬೇಡಿಕೆ ಬಹಳ ದಿನಗಳಿಂದ ಇತ್ತು. ರೈಲ್ವೆಯ ಈ ನಿರ್ಧಾರದ ನಂತರ, ಇತರ ರೈಲುಗಳ ಮೇಲಿನ ಒತ್ತಡವೂ ಕಡಿಮೆಯಾಗುತ್ತದೆ.
BREAKING : ಸೆ.7ರಂದು ‘ತಿರುಪತಿ ತಿರುಮಲ ದೇವಸ್ಥಾನ’ ಬಂದ್ ; ‘TTD’ ಘೋಷಣೆ!
BREAKING : ಸೆ.7ರಂದು ‘ತಿರುಪತಿ ತಿರುಮಲ ದೇವಸ್ಥಾನ’ ಬಂದ್ ; ‘TTD’ ಘೋಷಣೆ!
ಇನ್ಮುಂದೆ ಯಾವುದೇ ಹೋರಾಟದಲ್ಲಿ RSS ಭಾಗವಹಿಸುವುದಿಲ್ಲ: ಮುಖ್ಯಸ್ಥ ಮೋಹನ್ ಭಾಗವತ್ ಘೋಷಣೆ
