ನವದೆಹಲಿ : ಜಮ್ಮು ಮತ್ತು ಕಾಶ್ಮೀರದ ಪೂಂಚ್’ನಲ್ಲಿ ಭದ್ರತಾ ಪಡೆಗಳು ಇಬ್ಬರು ಭಯೋತ್ಪಾದಕರನ್ನ ಬಂಧಿಸಿದ್ದಾರೆ. ಇಬ್ಬರೂ ಉಗ್ರರು ಸ್ಥಳೀಯರು ಎನ್ನಲಾಗಿದೆ. ಭದ್ರತಾ ಪಡೆಗಳು ಉಗ್ರರಿಂದ ಎರಡು ಗ್ರೆನೇಡ್’ಗಳನ್ನ ವಶಪಡಿಸಿಕೊಂಡಿದ್ದಾರೆ. ಇವರಿಬ್ಬರೂ ಹೈಬ್ರಿಡ್ ಭಯೋತ್ಪಾದಕರಾಗಿದ್ದು, ನೋಟದಲ್ಲಿ ಸಾಮಾನ್ಯರಾಗಿದ್ದಾರೆ, ಆದರೆ ಭಯೋತ್ಪಾದಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದಾರೆ ಅಥವಾ ಸಹಾಯ ಮಾಡುತ್ತಿದ್ದರು ಎನ್ನಲಾಗ್ತಿದೆ. ಹೀಗಾಗಿ ಇದು ಅವರನ್ನ ಗುರುತಿಸಲು ಕಷ್ಟವಾಗಿತ್ತು.
ಉಗ್ರರ ಹಿಡಿಯಲು ಭದ್ರತಾ ಪಡೆ ಕಾರ್ಯಾಚರಣೆ.!
ಜಮ್ಮು ಮತ್ತು ಕಾಶ್ಮೀರದ ಪೂಂಚ್ ಮತ್ತು ರಜೌರಿಯ ಗಡಿ ಜಿಲ್ಲೆಗಳ ವಿವಿಧ ಸ್ಥಳಗಳಲ್ಲಿ ಉಗ್ರರನ್ನ ಬಂಧಿಸಲು ಭದ್ರತಾ ಪಡೆಗಳ ಶೋಧ ಕಾರ್ಯಾಚರಣೆ ಕಳೆದ ಕೆಲವು ದಿನಗಳಿಂದ ನಡೆಯುತ್ತಿದೆ. ಮುಂಚಿನ ಬುಧವಾರ (16 ಅಕ್ಟೋಬರ್ 2024), ಭಯೋತ್ಪಾದಕರ ಉಪಸ್ಥಿತಿಯ ಬಗ್ಗೆ ಮಾಹಿತಿ ಪಡೆದ ನಂತರ, ಪೊಲೀಸರು ಮತ್ತು ಸೇನೆಯು ಗುರ್ಸೈ ಟಾಪ್ ಪ್ರದೇಶದ ಮೊಹ್ರಿ ಶಾಹ್ಸ್ಟಾರ್‌’ನಲ್ಲಿ ತಡರಾತ್ರಿ ಜಂಟಿ ಶೋಧ ಕಾರ್ಯಾಚರಣೆಯನ್ನ ಪ್ರಾರಂಭಿಸಿತು. ಭಯೋತ್ಪಾದಕರ ಹುಡುಕಾಟಕ್ಕೆ ಹೆಚ್ಚುವರಿ ಪಡೆಗಳನ್ನ ಸಹ ಕಳುಹಿಸಲಾಗಿದೆ.
ಈ ವೇಳೆ ಅರಣ್ಯದತ್ತ ಸಾಗುತ್ತಿದ್ದ ಉಗ್ರರು ಹಾಗೂ ಭದ್ರತಾ ಪಡೆಗಳ ನಡುವೆ ಕೆಲಕಾಲ ಗುಂಡಿನ ಚಕಮಕಿ ನಡೆಯಿತು. ಭಯೋತ್ಪಾದಕರ ಪತ್ತೆಗೆ ಭದ್ರತಾ ಪಡೆಗಳು ಡ್ರೋನ್‌’ಗಳು ಮತ್ತು ಸ್ನಿಫರ್ ಡಾಗ್‌’ಗಳನ್ನು ನಿಯೋಜಿಸಿವೆ. ಏತನ್ಮಧ್ಯೆ, ಜಮ್ಮುವಿನ ವೈಟ್ ನೈಟ್ ಕಾರ್ಪ್ಸ್‌ನ ಜನರಲ್ ಆಫೀಸರ್ ಕಮಾಂಡಿಂಗ್ (GOC) ಲೆಫ್ಟಿನೆಂಟ್ ಜನರಲ್ ನವೀನ್ ಸಚ್‌ದೇವ ಅವರು ದೋಡಾಗೆ ಭೇಟಿ ನೀಡಿ ಭದ್ರತಾ ಪರಿಸ್ಥಿತಿ ಮತ್ತು ಕಾರ್ಯಾಚರಣೆಯ ಸಿದ್ಧತೆಯನ್ನ ಪರಿಶೀಲಿಸಿದರು. ಜಿಲ್ಲೆಯಲ್ಲಿ ಇತ್ತೀಚಿನ ದಿನಗಳಲ್ಲಿ ಹಲವು ಭಯೋತ್ಪಾದಕ ಘಟನೆಗಳು ನಡೆದಿವೆ.
ನಾನು ಗೋಪಾಲ್ ಬೇರೆಯಾಗಿ 35 ವರ್ಷವಾಗಿದೆ : ಸಹೋದರ ಅರೆಸ್ಟ್ ಬಳಿಕ ಪ್ರಹ್ಲಾದ್ ಜೋಶಿ ಫಸ್ಟ್ ರಿಯಾಕ್ಷನ್
BIG NEWS: ಕರ್ನಾಟಕದಲ್ಲಿ ‘ಪಟಾಕಿ’ ಬ್ಯಾನ್: ‘ಹಸಿರು ಪಟಾಕಿ’ ಮಾತ್ರ ‘ದೀಪಾವಳಿ ಹಬ್ಬ’ದಲ್ಲಿ ಸಿಡಿಸಲು ಅವಕಾಶ
ಕೃಷಿ ಕ್ಷೇತ್ರ ವೈಜ್ಞಾನಿಕವಾಗಿ ಅಭಿವೃದ್ಧಿ ಹೊಂದಬೇಕು: ಸಚಿವ ಮಧು ಬಂಗಾರಪ್ಪ
