ನವದೆಹಲಿ : ಇಂಡಿಯನ್ ಪ್ರೀಮಿಯರ್ ಲೀಗ್ (IPL)ನ ಮಾಜಿ ತಂಡ ಕೊಚ್ಚಿ ಟಸ್ಕರ್ಸ್ ಕೇರಳ ಪರವಾಗಿ ಬಾಂಬೆ ಹೈಕೋರ್ಟ್ ತೀರ್ಪು ನೀಡಿದ್ದು, ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಗೆ (BCCI) ದೊಡ್ಡ ಹೊಡೆತ ನೀಡಿದೆ. ಕೊಚ್ಚಿ ಫ್ರಾಂಚೈಸಿ ಪರವಾಗಿ 538 ಕೋಟಿ ರೂ.ಗಳಿಗೂ ಹೆಚ್ಚಿನ ಮೊತ್ತದ ಮಧ್ಯಸ್ಥಿಕೆ ತೀರ್ಪನ್ನು ನ್ಯಾಯಾಲಯ ಎತ್ತಿಹಿಡಿದಿದೆ. ಆದ್ರೆ, ಇದನ್ನು 2011ರಲ್ಲಿ ಬಿಸಿಸಿಐ ರದ್ದುಗೊಳಿಸಿತ್ತು.
ಫ್ರಾಂಚೈಸಿ ಒಪ್ಪಂದದ ಉಲ್ಲಂಘನೆಯ ಆರೋಪದ ಮೇಲೆ ಬಿಸಿಸಿಐನಿಂದ ನಿಷೇಧಕ್ಕೊಳಗಾಗುವ ಮೊದಲು 2011 ರಲ್ಲಿ ಕೊಚ್ಚಿ ಟಸ್ಕರ್ಸ್ ಕೇವಲ ಒಂದು ಐಪಿಎಲ್ ಋತುವನ್ನು ಆಡಿತ್ತು. ತಂಡದ ಮಾಲೀಕತ್ವ ಹೊಂದಿರುವ ಕೊಚ್ಚಿ ಕ್ರಿಕೆಟ್ ಪ್ರೈವೇಟ್ ಲಿಮಿಟೆಡ್ (KCPL) ಒಪ್ಪಂದದ ಅಡಿಯಲ್ಲಿ ಅಗತ್ಯವಿರುವ ಬ್ಯಾಂಕ್ ಗ್ಯಾರಂಟಿಯನ್ನ ಸಮಯಕ್ಕೆ ಸರಿಯಾಗಿ ಸಲ್ಲಿಸಲು ವಿಫಲವಾಗಿದೆ ಎಂದು ಬಿಸಿಸಿಐ ಹೇಳಿದೆ.
ಆದಾಗ್ಯೂ, ಕ್ರೀಡಾಂಗಣದ ಅನುಮತಿಗಳು ಮತ್ತು ಆಂತರಿಕ ಅನುಮತಿಗಳಂತಹ ಇತರ ಸಮಸ್ಯೆಗಳಿವೆ ಮತ್ತು ಗಡುವು ಮುಗಿದ ನಂತರವೂ ಬಿಸಿಸಿಐ ಇನ್ನೂ ಪಾವತಿಗಳನ್ನ ಸ್ವೀಕರಿಸಿದೆ ಮತ್ತು ಮಾತುಕತೆಗಳನ್ನ ಮುಂದುವರೆಸಿದೆ ಎಂದು ಕೊಚ್ಚಿ ಟಸ್ಕರ್ಸ್ ವಾದಿಸಿತು. ಈ ಪ್ರಕರಣವು 2012ರಲ್ಲಿ ಮಧ್ಯಸ್ಥಿಕೆಗೆ ಹೋಯಿತು ಮತ್ತು 2015 ರಲ್ಲಿ ನ್ಯಾಯಮಂಡಳಿಯು ಕೊಚ್ಚಿ ಟಸ್ಕರ್ಸ್ ಪರವಾಗಿ ತೀರ್ಪು ನೀಡಿತು.
ಜುಲೈ.20ರಿಂದ ಈ 5 ರಾಶಿಯವರಿಗೆ ಸುವರ್ಣ ಸಮಯ. ಲಕ್ಷ್ಮಿ-ಕುಬೇರ ಸಂಪತ್ತೇ ಕೈ ಸೇರುತ್ತೆ!
