ಕೆಎನ್‍ಎನ್‍ಡಿಜಿಟಲ್ ಡೆಸ್ಕ್ : ಬಿಹಾರ ವಿಧಾನಸಭಾ ಚುನಾವಣೆಗೂ ಮುನ್ನ ಇಂದು ಗೃಹ ಸಚಿವ ಅಮಿತ್ ಶಾ ಅವರು ಸೀತಾಮರ್ಹಿಯಲ್ಲಿರುವ ಜಾನಕಿ ದೇವಸ್ಥಾನಕ್ಕೆ ಭೂಮಿ ಪೂಜೆ ನೆರವೇರಿಸಿದರು. ಈ ಸಂದರ್ಭದಲ್ಲಿ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಕೂಡ ಹಾಜರಿದ್ದರು. ಇಂದು ಈ ದೇವಸ್ಥಾನದ ಭೂಮಿ ಪೂಜೆಗಾಗಿ ಅಮಿತ್ ಶಾ ದೆಹಲಿಯಿಂದ ಸೀತಾಮರ್ಹಿಗೆ ಆಗಮಿಸಿದರು. ಸೀತಾಮರ್ಹಿಯ ಪುನೌರಾ ಧಾಮದಲ್ಲಿ ಸೀತಾ ಮಾತೆಯ ದೇವಾಲಯವನ್ನ ನಿರ್ಮಿಸಲಾಗುತ್ತಿದೆ. ಪೌರಾಣಿಕ ನಂಬಿಕೆಗಳಲ್ಲಿ ಈ ಸ್ಥಳವನ್ನ ಮಾತೆಯ ಜನ್ಮಸ್ಥಳವೆಂದು ಪರಿಗಣಿಸಲಾಗಿದೆ.
ಇಂದು, ಧಾರ್ಮಿಕ ಆಚರಣೆಯೊಂದರಲ್ಲಿ, ಗೃಹ ಸಚಿವ ಅಮಿತ್ ಶಾ ಅವರು ಈ ದೇವಾಲಯದ ನಿರ್ಮಾಣಕ್ಕಾಗಿ ಭೂಮಿ ಪೂಜೆಯನ್ನ ನೆರವೇರಿಸಿದರು. ಇಂದು, ಪುನೌರಾ ಧಾಮವನ್ನ ಸುಂದರವಾಗಿ ಅಲಂಕರಿಸಲಾಗಿದೆ. ಈ ಆಚರಣೆಯಲ್ಲಿ ಭಾಗವಹಿಸಲು ಹೆಚ್ಚಿನ ಸಂಖ್ಯೆಯ ಜನರು ಇಲ್ಲಿಗೆ ಆಗಮಿಸಿದ್ದಾರೆ. ಪುನೌರಾ ಧಾಮದಲ್ಲಿ 67 ಎಕರೆ ಪ್ರದೇಶದಲ್ಲಿ ಮಾತಾ ಸೀತೆಯ ಭವ್ಯ ದೇವಾಲಯವನ್ನ ನಿರ್ಮಿಸಲಾಗುವುದು. ಅಂದ್ಹಾಗೆ, ಪುನೌರಾ ಧಾಮದಲ್ಲಿ ಈಗಾಗಲೇ ಮಾತಾ ಸೀತೆಯ ದೇವಾಲಯವನ್ನ ಸ್ಥಾಪಿಸಲಾಗಿದೆ. ಇದನ್ನು ಸೀತೆಯ ಜನ್ಮಸ್ಥಳ ಎಂದು ಕರೆಯಲಾಗುತ್ತದೆ. ಈ ದೇವಾಲಯದ ನಿರ್ಮಾಣಕ್ಕೆ 11 ತಿಂಗಳ ಗಡುವನ್ನ ನಿಗದಿಪಡಿಸಲಾಗಿದೆ.
ಮಾತೆ ಜಾನಕಿ ದೇವಸ್ಥಾನದ ಶಿಲಾನ್ಯಾಸ ಸಮಾರಂಭದಲ್ಲಿ, ಮಿಥಿಲಾದ ಮಹಿಳೆಯರು ಜಾನಪದ ಗೀತೆಗಳಲ್ಲಿ ತಮ್ಮ ಸಂತೋಷವನ್ನ ವ್ಯಕ್ತಪಡಿಸಿದರು. ಇಲ್ಲಿಗೆ ತಲುಪಿದ ಮಹಿಳೆಯರು ಮೈಥಿಲಿ ಹಾಡುಗಳನ್ನು ಹಾಡುವ ಮೂಲಕ ಮಾತೆ ಸೀತೆಯ ಜನನ ಮತ್ತು ಅವಳಿಗೆ ಸಂಬಂಧಿಸಿದ ಕಥೆಗಳನ್ನ ನೆನಪಿಸಿಕೊಂಡರು.
ಈ ಸಂದರ್ಭದಲ್ಲಿ, ಬಿಹಾರ ಉಪಮುಖ್ಯಮಂತ್ರಿ ವಿಜಯ್ ಸಿನ್ಹಾ, “ಇದು ಮಾತಾ ಸೀತೆಯ ಮೇಲಿನ ಭಕ್ತಿಯ ಅಭಿವ್ಯಕ್ತಿ. ಇದು ಪ್ರತಿಯೊಬ್ಬ ಬಿಹಾರಿಯನ್ನೂ ಹೆಮ್ಮೆ ಪಡುವಂತೆ ಮಾಡುತ್ತದೆ. ಈ ದಿನವು ಅಭಿವೃದ್ಧಿ ಹೊಂದಿದ ಬಿಹಾರದ ಹಾದಿಯನ್ನ ಗುರುತಿಸುತ್ತದೆ. ಯಾಕಂದ್ರೆ, ಗೃಹ ಸಚಿವ ಅಮಿತ್ ಶಾ ಮತ್ತು ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ದೇವಾಲಯದ ಪುನರಾಭಿವೃದ್ಧಿಗೆ ಅಡಿಪಾಯ ಹಾಕಲಿದ್ದಾರೆ” ಎಂದು ಹೇಳಿದರು.
ತನ್ನ ವಿರುದ್ಧದ ಆರೋಪಕ್ಕೆ ದಾಖಲೆ ಸಹಿತ ಉತ್ತರ ಕೊಟ್ಟ ಪತ್ರಕರ್ತ, ಸಾಮಾಜಿಕ ಹೋರಾಟಗಾರ ಜಮೀಲ್ ಸಾಗರ್
ತನ್ನ ವಿರುದ್ಧದ ಆರೋಪಕ್ಕೆ ದಾಖಲೆ ಸಹಿತ ಉತ್ತರ ಕೊಟ್ಟ ಪತ್ರಕರ್ತ, ಸಾಮಾಜಿಕ ಹೋರಾಟಗಾರ ಜಮೀಲ್ ಸಾಗರ್
