ಲಿಮಾ : ದಕ್ಷಿಣ ಪೆರುವಿಯನ್ ಪ್ರದೇಶದ ಅಯಾಕುಚೊದಲ್ಲಿ ಸಂಭವಿಸಿದ ಬಸ್ ಅಪಘಾತದಲ್ಲಿ ಕನಿಷ್ಠ 26 ಮಂದಿ ಸಾವನ್ನಪ್ಪಿದ್ದು, 12ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಅಧಿಕಾರಿಗಳು ತಿಳಿಸಿದ್ದಾರೆ.
“ಎಂಪ್ರೆಸಾ ಟುರಿಸ್ಮೊ ಮೊಲಿನಾ ಯೂನಿಯನ್ ಎಸ್ಎಸಿ” ಗೆ ಸೇರಿದ ವಾಹನವು ಮಂಗಳವಾರ ಬೆಳಿಗ್ಗೆ ಅಯಾಕುಚೊ ಪ್ರದೇಶದ ಕ್ಯಾಂಗಲೊ ಪ್ರಾಂತ್ಯದ ಪರಾಸ್ ಜಿಲ್ಲೆಯ ಲಾಸ್ ಲಿಬರ್ಟಾಡೋರ್ಸ್ ಹೆದ್ದಾರಿಯಲ್ಲಿ ಸುಮಾರು 200 ಮೀಟರ್ ಆಳದ ಕಂದಕಕ್ಕೆ ಬಿದ್ದಿದೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಬಸ್ ಸುಮಾರು 40 ಪ್ರಯಾಣಿಕರೊಂದಿಗೆ ಲಿಮಾ-ಅಯಾಕುಚೊ ಮಾರ್ಗದಲ್ಲಿ ಪ್ರಯಾಣಿಸುತ್ತಿತ್ತು ಎಂದು ರಾಷ್ಟ್ರೀಯ ಪೊಲೀಸ್ ರಸ್ತೆ ಸಂರಕ್ಷಣಾ ವಿಭಾಗದ ಮುಖ್ಯಸ್ಥ ಜಾನಿ ರೊಲಾಂಡೊ ವಾಲ್ಡೆರಮಾ ತಿಳಿಸಿದ್ದಾರೆ.
ಸ್ಥಳೀಯ ಆರೋಗ್ಯ ಸೌಲಭ್ಯಗಳು, ಅಗ್ನಿಶಾಮಕ ಇಲಾಖೆ ಮತ್ತು ಪೊಲೀಸ್ ಆರೋಗ್ಯ ಸೇವೆಯಿಂದ ಐದು ಆಂಬ್ಯುಲೆನ್ಸ್ ಗಳನ್ನು ಅಪಘಾತದ ಸ್ಥಳಕ್ಕೆ ಕಳುಹಿಸಲಾಗಿದೆ.
