ನವದೆಹಲಿ: 15 ವರ್ಷಗಳನ್ನ ಪೂರೈಸಿದ ಎಲ್ಲಾ ವಾಹನಗಳನ್ನ ಭಾರತ ಸರ್ಕಾರ ಸ್ಕ್ರ್ಯಾಪ್ ಮಾಡಲಾಗುವುದು ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಶುಕ್ರವಾರ ಹೇಳಿದ್ದಾರೆ. ಈ ಸಂಬಂಧ ನೀತಿಯನ್ನ ರಾಜ್ಯಗಳಿಗೆ ಕಳುಹಿಸಲಾಗಿದೆ ಎಂದು ಹೇಳಿದರು.
ನಾಗ್ಪುರದಲ್ಲಿ ವಾರ್ಷಿಕ ‘ಆಗ್ರೋ-ವಿಷನ್’ ಕೃಷಿ ವಸ್ತುಪ್ರದರ್ಶನದ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಗಡ್ಕರಿ, “ನಿನ್ನೆ, ನಾನು ಪ್ರಧಾನಿ ನರೇಂದ್ರ ಮೋದಿ ಅವರ ಮಾರ್ಗದರ್ಶನದಲ್ಲಿ 15 ವರ್ಷಗಳನ್ನ ಪೂರೈಸಿದ ಎಲ್ಲಾ ಭಾರತ ಸರ್ಕಾರದ ವಾಹನಗಳನ್ನುಸ್ಕ್ರ್ಯಾಪ್ ಮಾಡಲಾಗುವುದು ಎಂಬ ಕಡತಕ್ಕೆ ಸಹಿ ಹಾಕಿದ್ದೇನೆ. ಭಾರತ ಸರ್ಕಾರದ ಈ ನೀತಿಯನ್ನ ನಾನು ಎಲ್ಲ ರಾಜ್ಯಗಳಿಗೂ ಕಳುಹಿಸಿದ್ದೇನೆ. ಅವರು ಈ ನೀತಿಯನ್ನ ರಾಜ್ಯ ಮಟ್ಟದಲ್ಲಿ ಅಳವಡಿಸಿಕೊಳ್ಳಬೇಕು” ಎಂದರು.
ಸಭಿಕರನ್ನುದ್ದೇಶಿಸಿ ಮಾತನಾಡಿದ ಗಡ್ಕರಿ, ಪಾಣಿಪತ್’ನಲ್ಲಿರುವ ಇಂಡಿಯನ್ ಆಯಿಲ್’ನ ಎರಡು ಘಟಕಗಳು ಬಹುತೇಕ ಕಾರ್ಯನಿರ್ವಹಿಸುತ್ತಿವೆ ಎಂದು ಹೇಳಿದರು. ಅವುಗಳಲ್ಲಿ ಒಂದು ದಿನಕ್ಕೆ ಒಂದು ಲಕ್ಷ ಲೀಟರ್ ಎಥೆನಾಲ್’ನ್ನ ಉತ್ಪಾದಿಸಿದರೆ, ಇನ್ನೊಂದು ಭತ್ತದ ಹುಲ್ಲನ್ನ ಬಳಸಿಕೊಂಡು ದಿನಕ್ಕೆ 150 ಟನ್ ಜೈವಿಕ-ಬಿಟುಮೆನ್ ಉತ್ಪಾದಿಸುತ್ತದೆ” ಎಂದು ಹೇಳಿದರು.
“ಇದು ಪಂಜಾಬ್, ಹರಿಯಾಣ, ಉತ್ತರ ಪ್ರದೇಶ ಮತ್ತು ಅಕ್ಕಿ ಉತ್ಪಾದಿಸುವ ದೇಶದ ಭಾಗಗಳಲ್ಲಿನ ಪ್ರಮುಖ ಬದಲಾವಣೆಯಾಗಿದೆ, ಅಲ್ಲಿ ಭತ್ತದ ಹುಲ್ಲನ್ನು ಸುಡುವುದರಿಂದ ಮಾಲಿನ್ಯ ಉಂಟಾಗುತ್ತದೆ. ಈಗ ಎಥೆನಾಲ್ ಮತ್ತು ಬಯೋ ಬಿಟುಮೆನ್ ತಯಾರಿಸಲು ಅಕ್ಕಿ ಹುಲ್ಲನ್ನ ಬಳಸಲಾಗುತ್ತದೆ.
“ನಮಗೆ ದೇಶದಲ್ಲಿ ಮತ್ತು ಹೆಚ್ಚಾಗಿ ರಸ್ತೆ ಸಾರಿಗೆ ಇಲಾಖೆಯಲ್ಲಿ 8 ಮಿಲಿಯನ್ ಟನ್ ಜೈವಿಕ-ಬಿಟುಮೆನ್ ಅಗತ್ಯವಿದೆ. ದೇಶದಲ್ಲಿ ಸುಮಾರು 50 ಲಕ್ಷ ಟನ್ ಬಿಟುಮೆನ್ ಉತ್ಪಾದಿಸಲಾಗುತ್ತದೆ ಮತ್ತು ನಾವು ಅದರಲ್ಲಿ ಸುಮಾರು 25 ಲಕ್ಷ ಟನ್’ಗಳನ್ನು ಆಮದು ಮಾಡಿಕೊಳ್ಳುತ್ತೇವೆ” ಎಂದು ಹೇಳಿದರು
“ಇಂತಹ ಯೋಜನೆಗಳು ಪ್ರಾರಂಭವಾದಾಗ, ನಮ್ಮ ದೇಶವು ಬಿಟುಮೆನ್’ನ್ನ ಆಮದು ಮಾಡಿಕೊಳ್ಳುವ ಅಗತ್ಯವಿಲ್ಲ ಎಂದು ನನಗೆ ಸಂತೋಷವಾಗಿದೆ. ಹಳ್ಳಿಗಳು, ಜಿಲ್ಲೆಗಳು, ರಾಜ್ಯಗಳು ಮತ್ತು ರಾಷ್ಟ್ರೀಯ ಹೆದ್ದಾರಿಗಳಲ್ಲಿನ ನಮ್ಮ ರಸ್ತೆಗಳನ್ನು ರೈತರು ಉತ್ಪಾದಿಸುವ ಭತ್ತದ ಹುಲ್ಲನ್ನು ಬಳಸಿ ಬಿಟುಮೆನ್’ನಿಂದ ನಿರ್ಮಿಸಲಾಗುತ್ತದೆ” ಎಂದು ಹೇಳಿದರು.
ಅಸ್ಸಾಂನಲ್ಲಿ ಬಯೋಎಥೆನಾಲ್ ಉತ್ಪಾದಿಸುವ ಇಂಡಿಯನ್ ಆಯಿಲ್’ನ ಮತ್ತೊಂದು ಯೋಜನೆಯ ಬಗ್ಗೆಯೂ ಗಡ್ಕರಿ ಮಾತನಾಡಿದರು.
“ಬಂಜರು ಭೂಮಿಯಲ್ಲಿ ಬಿದಿರನ್ನು ಬೆಳೆಯಲಾಗುವುದು, ಅದರಿಂದ ಜೈವಿಕ ಎಥೆನಾಲ್ ಅನ್ನು ಉತ್ಪಾದಿಸಲಾಗುವುದು” ಎಂದು ಗಡ್ಕರಿ ಹೇಳಿದರು. ನಮ್ಮ ರೈತರು ಅನ್ನದಾತರಾಗಿ ಉಳಿಯುವುದು ಮಾತ್ರವಲ್ಲ, ಅವರು ಇಂಧನ ಪೂರೈಕೆದಾರರಾಗುತ್ತಾರೆ” ಎಂದು ಹೇಳಿದರು.
ಮಧ್ಯಪ್ರದೇಶದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಅವ್ರು ಈ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿದ್ದರು ಮತ್ತು ಗಡ್ಕರಿ ಅವ್ರ ಪ್ರಯತ್ನಗಳನ್ನ ಶ್ಲಾಘಿಸಿದರು.
BIGG NEWS: ದೆಹಲಿ ಚಾಂದಿನಿ ಚೌಕ್ ನಲ್ಲಿ ಭಾರೀ ಅಗ್ನಿ ಅವಘಡ : 100ಕ್ಕೂ ಹೆಚ್ಚು ಅಂಗಡಿಗಳು ಬೆಂಕಿಗಾಹುತಿ| Video
‘ನೀ ಕೋರ್ಟಿಗೆ ಹೋಗ್ತಿ, ತೀರ್ಮಾನ ಮೆಟ್ಟಿಲಲ್ಲಿ ನಾ ಮಾಡುವೆ’ : ಕಾಂತಾರ ಫೇಮಸ್ ಡೈಲಾಗ್ ಭಾರೀ ವೈರಲ್
