ಬೆಂಗಳೂರು : 2024-25 ನೇ ಸಾಲಿನ ರಾಜ್ಯ ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಗಳನ್ನು ಐತಿಹಾಸಿಕ ಸ್ಥಳ ಕೋಟೆ ನಾಡು. ಚಿತ್ರದುರ್ಗ ಜಿಲ್ಲೆಯಲ್ಲಿ ದಿನಾಂಕ:07.02.2025 ರಿಂದ 08.02.2025ರವರೆಗೆ ಆಯೋಜಿಸಲು ತೀರ್ಮಾನಿಸಲಾಗಿದೆ.
ಮೇಲ್ಕಂಡ ವಿಷಯ ಹಾಗೂ ಉಲ್ಲೇಖಕ್ಕೆ ಸಂಬಂಧಿಸಿದಂತೆ 2024-25 ನೇ ಸಾಲಿನ ರಾಜ್ಯ ಮಟ್ಟದ “ಪ್ರತಿಭಾ ಕಾರಂಜಿ ಸ್ಪರ್ಧೆ” ಕಾರ್ಯಕ್ರಮವು ಐತಿಹಾಸಿಕ ಸ್ಥಳ ಕೋಟೆ ನಾಡು. ಚಿತ್ರದುರ್ಗ ಜಿಲ್ಲೆಯಲ್ಲಿ ದಿನಾಂಕ:07.02.2025 ರಿಂದ 08.02.2025ರವರೆಗೆ ಆಯೋಜಿಸಲು ತೀರ್ಮಾನಿಸಲಾಗಿದೆ. ಸ್ಪರ್ಧಾಳುಗಳು ಹಾಗೂ ನೋಡಲ್ ಅಧಿಕಾರಿಗಳು/ತಂಡದ ಮೇಲ್ವಿಚಾರಕರ ನೋಂದಣಿ ಪ್ರಕ್ರಿಯೆಯು ದಿನಾಂಕ:06.02.2025 ರಂದು ಸಂಜೆ 4-00 ಗಂಟೆಯಿಂದ ರಾತ್ರಿ 09-00 ಗಂಟೆವರೆಗೆ ಹಾಗೂ 07.02.2025ರ ಬೆಳಗ್ಗೆ 07-00 ಗಂಟೆಯಿಂದ 09-00 ಗಂಟೆವರೆಗೆ ನಡೆಯಲಿದೆ. ಈ ಸಂಬಂಧ ಎಲ್ಲಾ ಜಿಲ್ಲೆಗಳ ಪ್ರತಿಭಾ ಕಾರಂಜಿ ನೋಡಲ್ ಅಧಿಕಾರಿಗಳು ತಮ್ಮ ಜಿಲ್ಲೆಯ ಸ್ಪರ್ಧಾಳುಗಳು ಮತ್ತು ತಂಡದ ಮೇಲ್ವಿಚಾರಕರೊಂದಿಗೆ ಸಕಾಲದಲ್ಲಿ ಹಾಜರಿದ್ದು ನೋಂದಣಿ ಮಾಡಿಕೊಳ್ಳಲು ತಿಳಿಸಿದೆ.
ಮುಂದುವರೆದು, ರಾಜ್ಯ ಮಟ್ಟದ ಪ್ರತಿಭಾ ಕಾರಂಜಿ 2024-25ರ ವಿವಿಧ ಸ್ಪರ್ಧೆಗಳ ವಿವರ ಮತ್ತು ಸಾಮಾನ್ಯ. ನಿರ್ದಿಷ್ಟ ನಿಯಮಗಳನ್ನು ಈ ಮುಂದೆ ತಿಳಿಸಲಾಗಿದ್ದು, ತಮ್ಮ ಜಿಲ್ಲೆಯ ಸ್ಪರ್ಧಾಳುಗಳು ಸದರಿ ನಿಯಮಗಳನ್ವಯ ಸಿದ್ಧತೆ ಮಾಡಿಕೊಳ್ಳುವಂತೆ ಕ್ರಮವಹಿಸುವುದು.
2024-25 ನೇ ಸಾಲಿನ ರಾಜ್ಯ ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಗಳ ನಿಯಮಗಳು ಈ ಕೆಳಗಿನಂತಿವೆ
ಸ್ಪರ್ಧೆಗಳ ಸಾಮಾನ್ಯ ನಿಯಮಗಳು
ಸ್ಪರ್ಧಾಳುಗಳು ತಮ್ಮ ಜಿಲ್ಲೆಯ ಕೋಡ್ ನಂಬರ್‌ನ ಕಾರ್ಡುಗಳನ್ನು ಸ್ಪರ್ಧಾ ಸ್ಥಳದಲ್ಲಿನ ಸೂಚಿತ ಕೌಂಟರ್‌ನಲ್ಲಿ ತಮ್ಮ ನೋಡಲ್ ಅಧಿಕಾರಿ/ತಂಡದ ಮೇಲ್ವಿಚಾರಕರೊಂದಿಗೆ ಖುದ್ದು ಹಾಜರಾಗಿ ಪಡೆದುಕೊಳ್ಳುವುದು.
ಸ್ಪರ್ಧಾಳುಗಳು ತಮ್ಮ ಕೋಡ್ ನಂಬರ್ ಕಾರ್ಡ್ನ್ನು ಪಡೆಯದೇ ಸ್ಪರ್ಧೆಗೆ ಭಾಗವಹಿಸುವಂತಿಲ್ಲ.
ಕೋಡ್ ನಂಬರ್ ಕಾರ್ಡ್ನ್ನು ಸ್ಪರ್ಧೆ ನಡೆಯುವ ಸ್ಥಳದಲ್ಲಿನ ಸಂಬಂಧಿಸಿದ ತೀರ್ಪುಗಾರರಿಗೆ ಸಲ್ಲಿಸಿ ತಮ್ಮ ಪ್ರಸ್ತುತಿಯನ್ನು ಮಾಡಬೇಕು.
ಸ್ಪರ್ಧಾಳುಗಳು ತಮ್ಮ ಹೆಸರು/ಶಾಲೆ/ತಾಲ್ಲೂಕು/ಜಿಲ್ಲೆಯ ಹೆಸರನ್ನು ಸ್ಪರ್ಧೆಗಳು ನಡೆಯುವಂತಹ ಸಂದರ್ಭದಲ್ಲಿ ಹೇಳುವಂತಿಲ್ಲ.
ಯಾವುದೇ ರೀತಿಯ ಶಾಲೆಯ ಹೆಸರು/ತಾಲ್ಲೂಕು/ಜಿಲ್ಲೆಯ ಹೆಸರು ಇರುವ ಬ್ಯಾನರ್/ಫಲಕಗಳನ್ನು ಪ್ರದರ್ಶಿಸುವಂತಿಲ್ಲ.
ತೀರ್ಪುಗಾರರ ತೀರ್ಮಾನವೇ ಅಂತಿಮವಾಗಿರುತ್ತದೆ.
