ಬೆಂಗಳೂರು: ರಾಜ್ಯ ಸರ್ಕಾರದ ಸುಧಾರಿತ ಕೈಗಾರಿಕಾ ನೀತಿ ಹಾಗೂ ತ್ವರಿತ ಅನುಮೋದನೆ ಪ್ರಕ್ರಿಯೆಗಳಿಂದಾಗಿ ಕರ್ನಾಟಕವು ಹೂಡಿಕೆದಾರರ ನೆಚ್ಚಿನ ತಾಣವಾಗಿ ಹೊರಹೊಮ್ಮುತ್ತಿದೆ. ರಾಜ್ಯಾದ್ಯಂತ ಒಟ್ಟು ₹5.11 ಲಕ್ಷ ಕೋಟಿ ಹೂಡಿಕೆಯ 2,028 ಪ್ರಸ್ತಾವನೆಗಳಿಗೆ ಅನುಮೋದನೆ ನೀಡಲಾಗಿದ್ದು, ಇದರಿಂದ ಸುಮಾರು 7.16 ಲಕ್ಷ ಉದ್ಯೋಗಗಳು ಸೃಷ್ಟಿಯಾಗಲಿವೆ ಎಂದು ಬೃಹತ್ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಎಂ.ಬಿ. ಪಾಟೀಲ್ ತಿಳಿಸಿದ್ದಾರೆ.
ವೇಗ ಪಡೆದುಕೊಂಡ ಅನುಷ್ಠಾನ ಪ್ರಕ್ರಿಯೆ
ಹೂಡಿಕೆ ಒಪ್ಪಂದಗಳು ಕೇವಲ ಕಾಗದಕ್ಕೆ ಸೀಮಿತವಾಗದೆ, ವಾಸ್ತವದಲ್ಲಿ ಜಾರಿಗೆ ಬರುತ್ತಿವೆ. ಸರ್ಕಾರದ ಪಾರದರ್ಶಕ ನೀತಿಗಳಿಂದಾಗಿ ಹೂಡಿಕೆದಾರರಲ್ಲಿ ವಿಶ್ವಾಸ ಹೆಚ್ಚಿದೆ. “ನಾವು ಕೇವಲ ಒಪ್ಪಂದಗಳಿಗೆ ಸಹಿ ಹಾಕುತ್ತಿಲ್ಲ, ಅವುಗಳ ವೇಗದ ಅನುಷ್ಠಾನಕ್ಕೂ ಒತ್ತು ನೀಡುತ್ತಿದ್ದೇವೆ” ಎಂದು ಸಚಿವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಒಟ್ಟು ಹೂಡಿಕೆ ಪ್ರಸ್ತಾವನೆಗಳು: 2,028
ಒಟ್ಟು ಮೊತ್ತ: ₹5.11 ಲಕ್ಷ ಕೋಟಿ
ನಿರೀಕ್ಷಿತ ಉದ್ಯೋಗ ಸೃಷ್ಟಿ: 7.16 ಲಕ್ಷ
ಈಗಾಗಲೇ ಚಾಲನೆ ಪಡೆದ ಯೋಜನೆಗಳು: ₹69,564 ಕೋಟಿ ಹೂಡಿಕೆಯ 81 ಯೋಜನೆಗಳು.
ಸೃಷ್ಟಿಯಾದ ಪ್ರಸ್ತುತ ಉದ್ಯೋಗಗಳು: 1.06 ಲಕ್ಷ.
ಕೆಂಪು ಪಟ್ಟಿಯಿಲ್ಲ, ಈಗ ಬರೀ ಹಸಿರು ನಿಶಾನೆ!
ಉದ್ಯಮಗಳನ್ನು ಆರಂಭಿಸಲು ಇದ್ದ ಅಡೆತಡೆಗಳನ್ನು ನಿವಾರಿಸಲು ಸರ್ಕಾರ 18 ಪ್ರಮುಖ ಅನುಮೋದನೆ ಪ್ರಕ್ರಿಯೆಗಳನ್ನು ಸರಳಗೊಳಿಸಿದೆ. ಪ್ರಮುಖವಾಗಿ ಕಾಲಮಿತಿಯನ್ನು ಗಣನೀಯವಾಗಿ ಕಡಿತಗೊಳಿಸಲಾಗಿದೆ.
ಕರ್ನಾಟಕವು ಅನುಮೋದನೆಗಳನ್ನು ವೇಗವಾಗಿ ಟ್ರ್ಯಾಕ್ ಮಾಡುತ್ತಿದೆ ಮತ್ತು ಇಲಾಖೆಗಳು ಮತ್ತು ಜಿಲ್ಲೆಗಳನ್ನು ಆನ್-ಗ್ರೌಂಡ್ ಡೆಲಿವರಿಗಾಗಿ ಜೋಡಿಸುತ್ತಿದೆ. ನಾವು 18 ಪ್ರಮುಖ ಅನುಮೋದನೆಗಳನ್ನು ಪರಿಷ್ಕರಿಸಿದ್ದೇವೆ, ಭೂ ಬಳಕೆ ಬದಲಾವಣೆ ಕ್ಲಿಯರೆನ್ಸ್ ಸಮಯವನ್ನು 120 ರಿಂದ 45 ದಿನಗಳಿಗೆ, ಅಗ್ನಿಶಾಮಕ NOC ಯನ್ನು 60 ರಿಂದ 21 ದಿನಗಳಿಗೆ, ಕಾರ್ಖಾನೆ ಯೋಜನೆ ಅನುಮೋದನೆಗಳನ್ನು 30 ರಿಂದ 14 ದಿನಗಳಿಗೆ ಮತ್ತು ವಿದ್ಯುತ್ ಅನುಮೋದನೆಗಳನ್ನು ಕೇವಲ 10 ದಿನಗಳಿಗೆ ಕಡಿತಗೊಳಿಸಿದ್ದೇವೆ ಎಂದು ಹೇಳಿದ್ದಾರೆ.
ರಾಜ್ಯದ ಆರ್ಥಿಕತೆಯನ್ನು ಬಲಪಡಿಸಲು ಜಿಲ್ಲಾ ಮಟ್ಟದಲ್ಲಿಯೂ ಇಲಾಖೆಗಳ ಸಮನ್ವಯ ಸಾಧಿಸಲಾಗುತ್ತಿದೆ. “ಈಸ್ ಆಫ್ ಡೂಯಿಂಗ್ ಬಿಸಿನೆಸ್” (Ease of Doing Business) ಪರಿಕಲ್ಪನೆಯಡಿ ಹೂಡಿಕೆದಾರ ಸ್ನೇಹಿ ವಾತಾವರಣ ನಿರ್ಮಿಸಿರುವುದು ಕೈಗಾರಿಕಾ ಬೆಳವಣಿಗೆಗೆ ಹೊಸ ವೇಗ ನೀಡಿದೆ ಎಂದು ಎಂ.ಬಿ. ಪಾಟೀಲ್ ತಿಳಿಸಿದ್ದಾರೆ.
The government's efforts to accelerate approval processes are yielding results. These figures stand as proof that not only are investment agreements being signed, but implementation on the ground is gaining momentum.
A total of 2,028 proposals have been approved, attracting… pic.twitter.com/Ha567huNAl
— M B Patil (@MBPatil) April 11, 2026
