ಬೆಂಗಳೂರು : ರಾಜ್ಯದಲ್ಲಿ ನೋಂದಣಿಯಾಗಿರುವ ಎಲ್ಲಾ ಸಾಮಾನ್ಯ ಬಸ್ಸು ಹಾಗೂ ಸ್ಟೀಪರ್ ಬಸ್ಸುಗಳಲ್ಲಿ ಕೇಂದ್ರ ಮೋಟಾರು ವಾಹನ ನಿಯಮಗಳು 1989 ರ ನಿಯಮ 125-C ರಲ್ಲಿ ತಿಳಿಸಿರುವಂತೆ, ಈ ಕೆಳಕಂಡ ಸುರಕ್ಷತಾ ಕ್ರಮಗಳನ್ನು ಕಡ್ಡಾಯವಾಗಿ ಅಳವಡಿಸಿಕೊಳ್ಳಬೇಕು.
ರಾಜ್ಯದಲ್ಲಿ ನೋಂದಾಯಿಸಲಾಗಿರುವ ಎಲ್ಲಾ ಸ್ಟೀಪರ್ ಕೋಚ್ ಬಸ್ಸುಗಳಲ್ಲಿ ಚಾಲಕರ ಹಿಂಬದಿ ಅಳವಡಿಸಿರುವ ವಿಭಜಕದ ಬಾಗಿಲನ್ನು ತೆಗೆದುಹಾಕುವುದು.
ರಾಜ್ಯದಲ್ಲಿ ನೋಂದಾಯಿಸಲಾಗಿರುವ ಎಲ್ಲಾ ಸ್ಟೀಪರ್ ಕೋಚ್ ಬಸ್ಸುಗಳಲ್ಲಿ ಸ್ಟೀಪರ್ ಬರ್ತ್ಗಳಿಗೆ ಅಳವಡಿಸಿರುವ ಸೈಡರ್ಗಳನ್ನು ತೆಗೆದುಹಾಕುವುದು.
ದಿನಾಂಕ 01-04-2019 ನಂತರ ನೋಂದಣಿಯಾಗಿರುವ ಎಲ್ಲಾ ಸ್ಟೀಪರ್ ಕೋಚ್ ಬಸ್ಸುಗಳಲ್ಲಿ FIRE ಪತ್ತೆ ಮತ್ತು ನಿಗ್ರಹ ವ್ಯವಸ್ಥೆ(FDSS) ಗಳನ್ನು ಕಡ್ಡಾಯವಾಗಿ ಅಳವಡಿಸುವುದು.
ಮೋಟಾರು ವಾಹನ ಕಾಯ್ದೆ ಮತ್ತು ನಿಯಮಗಳ ನಿಬಂಧನೆಗಳನ್ನು ಉಲ್ಲಂಘಿಸಿ, ಸ್ವೀಪರ್ ಕೋಚ್ ಬಸ್ಗಳು ಸೇರಿದಂತೆ ಎಲ್ಲಾ ಪ್ರಯಾಣಿಕ ಬಸ್ಗಳಲ್ಲಿ ವಾಣಿಜ್ಯ ಸರಕುಗಳನ್ನು ಸಾಗಿಸುವಂತಿಲ್ಲ.
ಚಾಸಿಸ್ ಅನ್ನು ಅನಧಿಕೃತವಾಗಿ ವಿಸ್ತರಣೆ ಮಾಡಿ ನಿರ್ಮಿಸಿರುವ ಬಸ್ಸುಗಳ ಕಾರ್ಯಾಚರಣೆಯನ್ನು ನಿಲ್ಲಿಸುವುದು.
ಪ್ರತಿಯೊಂದು ಬಸ್ಸಿನಲ್ಲಿ ಕಡ್ಡಾಯವಾಗಿ ತುರ್ತು ನಿರ್ಗಮನ ದ್ವಾರ, ಅಗ್ನಿಶಾಮಕ ಸಾಧನ ಅಳವಡಿಕೆ, ಬಸ್ಸಿನ ಛಾವಣಿಯ ವಿನ್ಯಾಸ ರೇಖಾ ಚಿತ್ರವನ್ನು ಪ್ರಯಾಣಿಕರಿಗೆ ಹ್ಯಾಚ್ಗಳೊಂದಿಗೆ ಸುಲಭವಾಗಿ ಓದಲು ಅನುಕೂಲವಾಗುವ ಸ್ಥಳದಲ್ಲಿ ವಾಹನದ ಒಳಗಡೆ ಪ್ರದರ್ಶಿಸಿರಬೇಕು.
‘ಬಸ್ ಬಾಡಿ ಕೋಡ್ ನಿಗದಿಪಡಿಸಿರುವ ಮಾನದಂಡಗಳ ಕನಿಷ್ಠ 4 ತುರ್ತು ಪ್ರಕಾರ, 12 ಮೀಟರ್ ಉದ್ದಳತೆಯ ಬಸ್ಸುಗಳಲ್ಲಿ ನಿರ್ಗಮನ ದ್ವಾರಗಳು ಮತ್ತು 12 ಮೀಟರ್ಗಿಂತ ಹೆಚ್ಚಿನ ಉದ್ದಳತೆಯ ಬಸ್ಸುಗಳಲ್ಲಿ ಕನಿಷ್ಠ 5 ತುರ್ತು ನಿರ್ಗಮನ ದ್ವಾರಗಳು ಇರತಕ್ಕದ್ದು.
AIS: 052 AIS: 119 ಅನುಗುಣವಾಗಿ ಬಸ್ಸುಗಳ ಮೇಲ್ಯಾವಣಿಗಳಲ್ಲಿ ಲಗೇಜ್ ಕ್ಯಾರಿಯರ್ಗಳನ್ನು ತೆಗೆದುಹಾಕುವುದು.
ಎಲ್ಲಾ ಸ್ಟೀಪರ್ ಕೋಚ್ ಬಸ್ಸುಗಳಲ್ಲಿ ಕನಿಷ್ಠ 10 ಕೆ.ಜಿ. ಸಾಮರ್ಥ್ಯದ ಅಗ್ನಿಶಾಮಕ ಸಾಧನಗಳನ್ನು ಅಳವಡಿಸುವುದು.
ಬಸ್ ಕವಚ ನಿರ್ಮಾಣ ಸಂಸ್ಥೆಗಳು ಕೇಂದ್ರ ಮೋಟಾರು ವಾಹನ ನಿಯಮವಾಳಿ 1989ರ ನಿಯಮ 126 ರಂತೆ ಹೊಂದಿರುವ ಪ್ರಮಾಣಪತ್ರ ಸಿಂಧುತ್ವವಿದ್ದು, ಸದರಿ ಕಂಪನಿಗಳು ನಿರ್ಮಿಸುವ ವಾಹನಗಳನ್ನು ಮಾತ್ರ ನೋಂದಾಯಿಸಲಾಗುವುದು.
ಅನುಮೋದಿತ ಟೆಸ್ಟಿಂಗ್ ಏಜೆನ್ಸಿಗಳು ನೀಡುವ ಪ್ರಮಾಣಪತ್ರ ನಮೂನೆ 22 ಮತ್ತು 22A ಗಳನ್ನು ಪರಿಶೀಲಿಸಿದ ನಂತರವೇ ವಾಹನಗಳನ್ನು ನೋಂದಾಯಿಸಲಾಗುವುದು.
ಈ ಮೇಲಿನ ಸೂಚನೆಗಳನ್ನು ವಾಹನದ ಮಾಲೀಕರು ದಿನಾಂಕ: 28-02-2026ರ ಒಳಗೆ ಕಡ್ಡಾಯವಾಗಿ ಪಾಲಿಸುವುದು, ತಪ್ಪಿದಲ್ಲಿ ಅಂತಹ ವಾಹನಗಳ ವಿರುದ್ಧ ಮೋಟಾರು ವಾಹನ ಕಾಯ್ದೆ 1988 ಹಾಗೂ ಅದರಡಿ ರಚಿಸಲಾದ ನಿಯಮಗಳಡಿಯಲ್ಲಿ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುವುದೆಂದು ಈ ಮೂಲಕ ತಿಳಿಯಪಡಿಸಿದೆ.
