ನವದೆಹಲಿ : ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ್ ಅನ್ನ ಯೋಜನೆ (PMGKAY) ಅಡಿಯಲ್ಲಿ ಅನರ್ಹ ಫಲಾನುಭವಿಗಳನ್ನು ಹೊರಹಾಕಲು ಆದಾಯ ತೆರಿಗೆ (IT) ಇಲಾಖೆಯು ಆಹಾರ ಸಚಿವಾಲಯಕ್ಕೆ ವಿವರಗಳನ್ನು ಒದಗಿಸಲಿದ್ದು, ಇನ್ಮುಂದೆ ಅನರ್ಹ ಪಡಿತರ ಚೀಟಿದಾರರಿಗೆ ಉಚಿತ ಪಡಿತರ ಸಿಗಲ್ಲ ಎನ್ನಲಾಗಿದೆ.
ಆದಾಯ ತೆರಿಗೆ ಪಾವತಿಸದ ಬಡ ಕುಟುಂಬಗಳಿಗೆ ಸರ್ಕಾರ PMGKAY ಅಡಿಯಲ್ಲಿ ಉಚಿತ ಪಡಿತರವನ್ನು ನೀಡುತ್ತಿದೆ. 2026 ರ ಆರ್ಥಿಕ ವರ್ಷದಲ್ಲಿ PMGKAY ಗಾಗಿ ರೂ. ಕೇಂದ್ರ ಬಜೆಟ್ನಲ್ಲಿ 2.03 ಲಕ್ಷ ಕೋಟಿ ರೂ.ಗಳನ್ನು ಹಂಚಿಕೆ ಮಾಡಿದೆ. ಆದಾಯ ತೆರಿಗೆ (ವ್ಯವಸ್ಥೆಗಳು) ಮಹಾನಿರ್ದೇಶಕರು (ಡಿಜಿಐಟಿ) ಆಹಾರ ಮತ್ತು ಸಾರ್ವಜನಿಕ ವಿತರಣಾ ಇಲಾಖೆಯ ಜಂಟಿ ಕಾರ್ಯದರ್ಶಿಗೆ (ಡಿಎಫ್ಪಿಡಿ) ಮಾಹಿತಿಯನ್ನು ಒದಗಿಸುತ್ತಾರೆ ಎಂದು ಸಿಬಿಡಿಟಿ ತಿಳಿಸಿದೆ.
ಫಲಾನುಭವಿಗಳು ತಮ್ಮ ಆಧಾರ್ ಸಂಖ್ಯೆ ಅಥವಾ ಪ್ಯಾನ್ ಅನ್ನು ಮೌಲ್ಯಮಾಪನ ವರ್ಷದ ವಿವರಗಳೊಂದಿಗೆ ಸಲ್ಲಿಸಿದರೆ, ಡಿಜಿಐಟಿ ವ್ಯವಸ್ಥೆಗಳು ನಿಗದಿತ ಮೊತ್ತಕ್ಕಿಂತ ಹೆಚ್ಚಿನ ಆದಾಯ ಹೊಂದಿರುವವರ ಡೇಟಾವನ್ನು ಒದಗಿಸುತ್ತವೆ. ಅನರ್ಹರ ವಿವರಗಳನ್ನು ಗುರುತಿಸುವಲ್ಲಿ ಈ ದತ್ತಾಂಶವು ನಿರ್ಣಾಯಕವಾಗಿರುತ್ತದೆ.
