ಹೈದರಾಬಾದ್: ಒಸ್ಮಾನಿಯಾ ಜನರಲ್ ಆಸ್ಪತ್ರೆಯ (ಒಜಿಎಚ್ ) ವೈದ್ಯರು ಸೇರಿದಂತೆ ಸಂಶೋಧಕರ ತಂಡ ಮಧುಮೇಹ ವನ್ನು ಗುಣಪಡಿಸಲು ‘ಆಧ್ಯಾತ್ಮಿಕ’ ಮಾರ್ಗ ಉತ್ತಮ ಅನ್ನೊಂದು ಕಂಡು ಹಿಡಿದಿದ್ದಾರೆ.ಭಗವದ್ಗೀತೆಯಲ್ಲಿ ಅರ್ಜುನ ಮತ್ತು ಶ್ರೀಕೃಷ್ಣನ ನಡುವಿನ ಸಂವಹನವನ್ನು, ವಿಶೇಷವಾಗಿ ಮಧುಮೇಹದಂತಹ ದೀರ್ಘಕಾಲೀನ ಕಾಯಿಲೆಗಳನ್ನು ಎದುರಿಸಲು ಬಳಸಬಹುದಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ. 

ಭಗವದ್ಗೀತೆಯು ಋಣಾತ್ಮಕ ಸನ್ನಿವೇಶಗಳನ್ನು ಎತ್ತಿ ತೋರಿಸುತ್ತದೆ ಮತ್ತು ಶ್ರೀಕೃಷ್ಣ ನು ಸೂಚಿಸಿದ ಮತ್ತು ಅರ್ಜುನನು ಅಳವಡಿಸಿಕೊಂಡಿರುವ ಧನಾತ್ಮಕ ಹೊಂದಾಣಿಕೆಯ ಕೌಶಲ್ಯಗಳನ್ನು ಪ್ರದರ್ಶಿಸಲು ಸಹಾಯ ಮಾಡುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ. ಮಧುಮೇಹ ವು ಒಂದು ಜೀವನ ಶೈಲಿಯ ಕಾಯಿಲೆಯಾಗಿದ್ದು, ಆಹಾರ ಮತ್ತು ವ್ಯಾಯಾಮದಂತಹ ಮೂಲಭೂತ ಚಟುವಟಿಕೆಗಳಲ್ಲಿ ಬದಲಾವಣೆಸೇರಿದಂತೆ, ಜೀವನ ಶೈಲಿಯಲ್ಲಿ ಸಂಪೂರ್ಣ ಬದಲಾವಣೆಯನ್ನು ಉಂಟು ಮಾಡುತ್ತದೆ ಎಂದು ಹೇಳಿರುವ ಸಂಶೋಧಕರು, ಭಗವದ್ಗೀತೆಯ ಬೋಧನೆಗಳನ್ನು ಬಳಸಿದಾಗ ಅದನ್ನು ನಿಭಾಯಿಸಲು ಸಹಾಯವಾಗುತ್ತದೆ.ಇಂಡಿಯನ್ ಜರ್ನಲ್ ಆಫ್ ಎಂಡೋಕ್ರಿನಾಲಜಿ ಅಂಡ್ ಮೆಟಬಾಲಿಸಮ್ ನಲ್ಲಿ ಪ್ರಕಟವಾದ ಈ ಅಧ್ಯಯನದಲ್ಲಿ ದೇಶದ ಒಳಗೆ ಮತ್ತು ಹೊರಗೆ ಹಲವಾರು ಆಸ್ಪತ್ರೆಗಳು ಮತ್ತು ಸಂಶೋಧನಾ ಸಂಸ್ಥೆಗಳಿಂದ ವೈದ್ಯರು ಮತ್ತು ಸಂಶೋಧಕರನ್ನು ಪಡೆಯಲಾಗಿದೆ.