ಬಾಂಗ್ಲಾದೇಶ ಅಧ್ಯಕ್ಷ ಮೊಹಮ್ಮದ್ ಶಹಾಬುದ್ದೀನ್ ಅವರು ಫೆಬ್ರವರಿ 17 ರಂದು ರಾಷ್ಟ್ರೀಯ ಸಂಸತ್ ಸಂಕೀರ್ಣದ ಸೌತ್ ಪ್ಲಾಜಾದಲ್ಲಿ ಬಿಎನ್ ಪಿ ಅಧ್ಯಕ್ಷ ತಾರಿಕ್ ರೆಹಮಾನ್ ಅವರ ಹೊಸ ಕ್ಯಾಬಿನೆಟ್ ಗೆ ಪ್ರಮಾಣ ವಚನ ಬೋಧಿಸಲಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮಂಗಳವಾರ ರಾಷ್ಟ್ರೀಯ ಸಂಸದ್ (ಸಂಸತ್ತು) ಸಂಕೀರ್ಣದಲ್ಲಿ ರಾಷ್ಟ್ರಪತಿಗಳು (ಹೊಸ ಕ್ಯಾಬಿನೆಟ್ಗೆ) ಪ್ರಮಾಣವಚನ ಬೋಧಿಸಲಿದ್ದಾರೆ ಎಂದು ನಮಗೆ ತಿಳಿಸಲಾಗಿದೆ” ಎಂದು ಬಂಗಭವನ್ (ಅಧ್ಯಕ್ಷೀಯ ಅರಮನೆ) ಅಧಿಕಾರಿಯೊಬ್ಬರು ಶನಿವಾರ ಹೆಸರು ಹೇಳಲಿಚ್ಛಿಸದ ಷರತ್ತಿನ ಮೇಲೆ ತಿಳಿಸಿದ್ದಾರೆ.
ಸಮಾರಂಭದ ನಂತರ ಮುಖ್ಯ ಚುನಾವಣಾ ಆಯುಕ್ತ (ಸಿಇಸಿ) ಎಎಂಎಂ ನಾಸಿರ್ ಉದ್ದೀನ್ ಅವರು ಸಂವಿಧಾನದಲ್ಲಿ ಹೇಳಿರುವಂತೆ ಸ್ಪೀಕರ್ ಶಿರಿನ್ ಶರ್ಮಿನ್ ಚೌಧರಿ ಬದಲಿಗೆ ಹೊಸದಾಗಿ ಆಯ್ಕೆಯಾದ ಸಂಸತ್ ಸದಸ್ಯರಿಗೆ ಪ್ರಮಾಣವಚನ ಬೋಧಿಸಲಿದ್ದಾರೆ ಎಂದು ಪ್ರೋಥಮ್ ಅಲೋ ಮತ್ತು ಇತ್ತೆಫಾಕ್ ಪತ್ರಿಕೆಗಳು ತಿಳಿಸಿವೆ.
ಸಂವಿಧಾನದ ಮೂರನೇ ಪರಿಚ್ಛೇದದ ಪ್ರಕಾರ, ನಿರ್ಗಮಿತ ಸಂಸತ್ತಿನ ಸ್ಪೀಕರ್ ಮತ್ತು ಉಪ ಸ್ಪೀಕರ್ ಅನುಪಸ್ಥಿತಿಯಲ್ಲಿ ಮುಖ್ಯ ಚುನಾವಣಾ ಆಯುಕ್ತರು ಈ ಹುದ್ದೆಗೆ ಮೂರನೇ ಆಯ್ಕೆಯಾಗಿದ್ದಾರೆ.
ಇದಕ್ಕೂ ಮುನ್ನ ಕ್ಯಾಬಿನೆಟ್ ಕಾರ್ಯದರ್ಶಿ ಶೇಖ್ ಅಬ್ದುರ್ ರಶೀದ್ ಅವರು ಸಂವಿಧಾನಕ್ಕೆ ಅನುಗುಣವಾಗಿ, ರಾಷ್ಟ್ರಪತಿಗಳು ಬಂಗಭವನದಲ್ಲಿ ಹೊಸ ಕ್ಯಾಬಿನೆಟ್ಗೆ ಪ್ರಮಾಣವಚನ ಬೋಧಿಸಲಿದ್ದಾರೆ ಎಂದು ಹೇಳಿದರು. ಆದರೆ, ಸಮಾರಂಭಕ್ಕೆ ದಿನಾಂಕ ನೀಡಿಲ್ಲ.
