ಪಾಕ್ ತಂಡದ ನಾಯಕನಾಗಿ ‘ಬಾಬರ್ ಅಜಮ್’ ರೀ ಎಂಟ್ರಿ : ವರದಿ

ನವದೆಹಲಿ : ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (PCB) ಮಾಜಿ ನಾಯಕ ಬಾಬರ್ ಅಜಮ್ ಅವರನ್ನ ಎಲ್ಲಾ ಸ್ವರೂಪಗಳಲ್ಲಿ ರಾಷ್ಟ್ರೀಯ ತಂಡದ ನಾಯಕರಾಗಿ ಮರುಸ್ಥಾಪಿಸಲು ಯೋಚಿಸುತ್ತಿದೆ ಎಂದು ತಿಳಿದುಬಂದಿದೆ. ಅಂದ್ಹಾಗೆ, 2023ರ ಏಕದಿನ ವಿಶ್ವಕಪ್‌ನಲ್ಲಿ ಕಳಪೆ ಪ್ರದರ್ಶನದ ಹೊಣೆ ಹೊತ್ತು ಬಾಬರ್ ಆಜಮ್ ಎಲ್ಲಾ ಮಾದರಿಯ ನಾಯಕತ್ವಕ್ಕೆ ವಿದಾಯ ಹೇಳಿದ್ದರು. ಈ ಕ್ರಮದಲ್ಲಿ ಆಗಿನ ಪಿಸಿಬಿ ಅಧ್ಯಕ್ಷ ಝಾಕಾ ಅಶ್ರಫ್ ಅವರು ಶಾನ್ ಮಸೂದ್ ಅವರನ್ನ ಪಾಕಿಸ್ತಾನ ಟೆಸ್ಟ್ ನಾಯಕರಾಗಿ ಮತ್ತು ಶಾಹೀನ್ ಅಫ್ರಿದಿಯನ್ನು ಟಿ20 ನಾಯಕರನ್ನಾಗಿ ನೇಮಿಸಿದರು.

ಹೊಸ ನಾಯಕರೊಂದಿಗೆ ಆಸ್ಟ್ರೇಲಿಯ ಮತ್ತು ನ್ಯೂಜಿಲೆಂಡ್ ಪ್ರವಾಸಕ್ಕೆ ತೆರಳಿದ ಪಾಕಿಸ್ತಾನ ಅಲ್ಲಿ ಕಳಪೆ ಪ್ರದರ್ಶನ ತೋರಿದೆ. ಮಸೂದ್ ನಾಯಕತ್ವದಲ್ಲಿ, ಪಾಕಿಸ್ತಾನವು 3 ಟೆಸ್ಟ್‌ಗಳಲ್ಲಿ ಆಸ್ಟ್ರೇಲಿಯಾದಿಂದ ವೈಟ್‌ವಾಶ್ ಆಗಿತ್ತು, ಆದರೆ ಅಫ್ರಿದಿ ನಾಯಕತ್ವದಲ್ಲಿ, ಅವರು ನ್ಯೂಜಿಲೆಂಡ್ ವಿರುದ್ಧ ಐದು ಪಂದ್ಯಗಳ T20 ಸರಣಿಯನ್ನು 4-1 ರಿಂದ ಸೋತರು.

ಈ ಕಳಪೆ ಪ್ರದರ್ಶನಕ್ಕಾಗಿ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯನ್ನ ಟೀಕಿಸಲಾಯಿತು. ಜನವರಿ ತಿಂಗಳಲ್ಲಿ, ಝಾಕಾ ಅಶ್ರಫ್ ಪಿಸಿಬಿ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿದರು ಮತ್ತು ಮೊಹ್ಸಿನ್ ನಖ್ವಿ ಅಶ್ರಫ್ ಅವರ ಸ್ಥಾನಕ್ಕೆ ಬಂದರು, ಇದರೊಂದಿಗೆ ಬಾಬರ್ ಅಜಮ್ ಅವರಿಗೆ ಮತ್ತೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ ತಂಡದ ನಾಯಕತ್ವದ ಜವಾಬ್ದಾರಿಯನ್ನ ನೀಡಲಾಗುವುದು. ಮುಂಬರುವ T20 ವಿಶ್ವಕಪ್, ಪಾಕಿಸ್ತಾನ ತಂಡ ಶೀಘ್ರದಲ್ಲೇ ತವರಿನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಐದು ಪಂದ್ಯಗಳ ಟಿ20 ಐ ಸರಣಿಯನ್ನ ಆಡಲಿದೆ. ಈ ಸರಣಿಯಿಂದ ಬಾಬರ್ ಪಾಕಿಸ್ತಾನ ತಂಡದ ನಾಯಕರಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ ಎನ್ನಲಾಗ್ತಿದೆ.