ಬೆಂಗಳೂರು : ಹೆಚ್. ಆರ್. ಎಂ. ಎಸ್ – 2 ತಂತ್ರಾಂಶದಲ್ಲಿ ವೇತನ ಸೆಳೆಯುವ ನೌಕರರು ಹಬ್ಬದ ಮುಂಗಡ ಪಡೆಯಲು ಹಾಗೂ ಗಳಿಕೆ ರಜೆಯ ನಗಧೀಕರಣಕ್ಕಾಗಿ ESS ನ ಅಪ್ಲಿಕೇಶನ್ ಮೂಲಕವೇ ಅರ್ಜಿ ಸಲ್ಲಿಸುವ ಬಗ್ಗೆ ರಾಜ್ಯ ಸರ್ಕಾರ ಮಹತ್ವದ ಆದೇಶ ಹೊರಡಿಸಿದೆ.
ರಾಜ್ಯದಲ್ಲಿರುವ ಎಲ್ಲಾ ಸಚಿವಾಲಯಗಳ/ ಇಲಾಖೆಗಳ ಪೈಕಿ ಹೆಚ್.ಆರ್.ಎಂ.ಎಸ್- 2 ನ ತಂತ್ರಾಂಶವನ್ನು ಬಳಸಿ ಈಗಾಗಲೇ ವೇತನ ಸೆಳೆಯುತ್ತಿರುವ ನೌಕರರಿಗೆ ESS (Employee Self Service) 2 web portal “https://hrms2.karnatakata.gov.in/essweb/signin” Android ನ ESS ಅಪ್ಲಿಕೇಶನ್ (APK Name: gov.ka.ess_app) ನ ಬಳಸಿ ಸದರಿ ನೌಕರರ/ಅಧಿಕಾರಿಗಳ ಲಾಗಿನ್ ಮೂಲಕ ಈ ಕೆಳಕಂಡ ವಿವರಗಳನ್ನು ವೀಕ್ಷಿಸಬಹುದು:
1. ವೇತನ ಪಟ್ಟಿ.
2. ರಜಾ ವಿವರಗಳು.
a. ಗಳಿಕೆ ರಜೆ.
b. ಅರ್ಧ ವೇತನ ರಜೆ.
c. ಮುಂಬರುವ ಸಾರ್ವಜನಿಕ ರಜಾದಿನಗಳು.
3. ಸಾಲದ ವಿವರಗಳು.
a. ಸಕ್ರಿಯ ಸಾಲಗಳು.
b. ಮುಕ್ತಗೊಳಿಸಿದ ಸಾಲಗಳು.
4. ಮುಂಗಡ ವಿವರಗಳು.
a. ಸಕ್ರಿಯ ಮುಂಗಡಗಳು.
b. ಮುಚ್ಚಿದ ಮುಂಗಡಗಳು.
c. ಮುಂಗಡ ಅರ್ಜಿಗಳು.
a. ಸಕ್ರಿಯ ವಿಮೆಗಳು.
ಬಿ. ಒಟ್ಟು ಪ್ರೀಮಿಯಂ ಮೊತ್ತ.
6. ವಸೂಲಾತಿ.
a. ಸಕ್ರಿಯ ವಸೂಲಾತಿಗಳು.
b. ಸಕ್ರಿಯ ಸ್ಥಳೀಯ ವಸೂಲಾತಿಗಳು.
c. ಮುಕ್ತಗೊಳಿಸಿದ ವಸೂಲಾತಿಗಳು.
7. ಡಿಜಿಲಾಕರ್.
8. ನೌಕರರ/ ಅಧಿಕಾರಿಯ ಪ್ರೋಫೈಲ್.
a. ನೌಕರರ/ ಅಧಿಕಾರಿಯ ಮಾಹಿತಿ.
b. ಸಂಯೋಜನೆಗಳು.
C. ಸಹಾಯ ಮತ್ತು ಬೆಂಬಲ.
9. ಹಬ್ಬದ ಮುಂಗಡ.
10. ಗಳಿಕೆ ರಜೆ ನಗಧೀಕರಣ.
ಮೇಲ್ಕಂಡ ವಿವರಗಳ ಕ್ರಮ ಸಂಖ್ಯೆ 1 ರಿಂದ 8 ರಲ್ಲಿರುವಂತೆ ESS ಲಾಗಿನ್ ಮೂಲಕ ಸದರಿ ನೌಕರರು/ ಅಧಿಕಾರಿಗಳು ಅವರ ವೇತನದ ವಿವರಗಳನ್ನು ವೀಕ್ಷಿಸಲು ಮಾತ್ರ ಅನುವುಮಾಡಿಕೊಡಲಾಗಿದೆ. ಮುಂದುವರೆದು, ಕ್ರಮ ಸಂಖ್ಯೆ 9 ಹಾಗೂ 10 ರಲ್ಲಿರುವಂತೆ ಹೆಚ್.ಆರ್.ಎಂ.ಎಸ್- 2 ನ ತಂತ್ರಾಂಶವು ಕಾಲಕಾಲಕ್ಕೆ ಹೊಸ ಮಾಡ್ಯೂಲ್ ಗಳ ಜೊಡಣೆಯಿಂದ ನವೀಕರಿಸುತ್ತಿರುವ ಹಿನ್ನೆಲೆಯಲ್ಲಿ ಹೆಚ್.ಆರ್.ಎಂ.ಎಸ್- 2 ನ ತಂತ್ರಾಂಶವನ್ನು ಬಳಸಿ ವೇತನವನ್ನು ಸೆಳೆಯುತ್ತಿರುವ ನೌಕರರು ಇನ್ನು ಮುಂದೆ ಹಬ್ಬದ ಮುಂಗಡ (FA) ಪಡೆಯಲು ಅರ್ಜಿಯನ್ನು ಹಾಗೂ ಗಳಿಕೆ ರಜೆಯ ನಗಧೀಕರಣಕ್ಕಾಗಿ (EL encashment) ಅರ್ಜಿಯನ್ನು ಅವರ ಲಾಗಿನ್ ಬಳಸಿ ESS ನ ಅಪ್ಲಿಕೇಶನ್ ಮೂಲಕವೇ ಅರ್ಜಿಯನ್ನು ಸಲ್ಲಿಸಲು ಕೋರಿದೆ.
